我買左宵夜上女朋友屋企: 第三章 失蹤

我簡直唔敢相信眼前既手提電腦比我擲到螢幕壞左.....
螢幕壞左...漆黑一片, 咩都睇唔到..

「救.....命啊.....唔....救命啊...」
只係不斷聽到片中條女既呼喊聲.
突然啪一聲,條女就靜左.....
剩返腳步聲!!聽聲應該係唔只一個人.....

段片就咁完左,我個腦開始load唔切..
我有種What the fuck is this? What the hell is going on?既感覺


條女明明兩個鐘頭前先話同姊妹去旅行wo!!
唔通係惡作劇?
我心諗你條八婆想分手姐,洗唔洗咁撚樣玩鳩我啊?

我入廚房拎左罐藍妹,想等自己冷靜下

「only hate the road when you're missing home , only love her when you let her go...」
呢時候電話響...133無來電顯示...

「喂...?」


「沙沙沙...沙沙沙」
「搵邊位?」
「沙沙沙...有無人.....沙沙沙」
「喂???!!!!」我開始煩躁 對住電話大聲鳩叫
....

「沙沙沙...dan!我係suki啊!」 
屌原來係bliar個港女同事suki打黎, 
我心諗你個港女打黎做咩鳩, 實係你平時係bliar面前係咁踩我佢先離開我!
但始終鬆左一口氣



「做乜? 」我嘗試壓抑心中既怒火
「無, bliar由星期一開始就無返工啦, 公司聯絡唔到佢已經決定炒佢 ,搞到我依家日日OT , 你幫我同佢講聲快d上公司執埋個人物品走啦」

咩話.....?! 星期一?!!
我望下電話, 依家已經係星期五.
相處四年, 我知Bliar份人平時對工作好認真, 係好有交帶.
儘管我好撚嬲,但不安感係我體內蔓延...
因為 我覺得 已經唔係綠帽 惡作劇咁簡單.