我買左宵夜上女朋友屋企: 第二章 聲音

個心漏左一拍,我呆左一呆
我停左係個個畫面,望住螢幕入面既男性面孔,
搵緊我同佢外表特徵既相同之處,
哪怕係少少都好,起碼比我說服個男人就係自己黎.

可惜無,少少都無.
係,我係戴撚左頂綠帽啊仆街!!!
比人背叛令我覺得好憤怒,心口好似比火燒咁.
比起憤怒,望住自己女人係第二個男人下呻吟帶黎既侮辱感更加難受.
我,我終於明白咩叫眼淚往心裡流...



我第一時間禁電話個1字快速撥號,
四年啦,1號快速撥號都係我女朋友.
我只係希望佢比個解釋我...
「hi我係Bliar, 依家唔得閒聽電話,有咩事係嗶一聲留低口信啦!」
聽到耳邊熟悉既聲音,,
我feel到個鼻一酸,眼前矇朧..
我自從爸爸過生後都無流過一滴淚.
但我今次真係忍唔住.



「屌點解點解你要咁對我!!!」
我嗌到力歇聲嘶,開始崩潰一手將檯面部手提電腦掃落地...

手提電腦入面短片繼續發出呻吟聲....我第一次覺得呻吟聲係咁難入耳.

過左一陣...d呻吟聲無左,取而代之係好奇怪既聲.

好恐怖...好令人心寒既聲音...

我慢慢拎起部電腦.....



簡直唔敢相信眼前既一切.....