只想和你愛一次: 41. 前世今生

還帶著喘息聲，Elven緊緊抱實了Rachel，淚流滿面。
 
感受到身旁男人對自己近乎盲目的感情，Rachel覺得很溫暖，雖然閉上了眼但臉上仍掛著幸福的笑容。
 
「傻瓜… 做咩喊得咁犀利呀?」輕輕撫摸著Elven的臉龐Rachel溫柔地問道。
 
Elven:「曾經你係我一個好遙遠好遙遠嘅夢，突然間哩個夢化為真實，依家就喺我一個伸手可及嘅位置，哩種幸福到死嘅感覺，我終於明咩叫死而無憾…」
 
Rachel:「唔准再講個死字呀! 其實你真係好傻… 點解要為咗我自殺呀…」
 




Elven:「嗰刻我覺得世間上已經無嘢可以支撐到我生存落去… 我知我係好蠢好無用，不過嗰種心死嘅感覺你唔會明白，當然我都唔希望你會明白…」
 
「我之前真係一直唔明，直至經歷過哩一年，我多多少少開始有啲明白… 雖然我知點都唔會及你嗰幾年咁痛苦，因為至少哩年我仲有個縹緲嘅希望… 不過點你都唔應該自殺，你有無諗過我知道咗後嘅感受?」Rachel責怪地問。
 
「所以我無留咩遺書之類嘅嘢咁你地咪唔會知原因…」Elven解釋。
 
「你揀嘅日子…好難唔咁諗囉…」Rachel翻了個白眼。
 
「係我唔啱…不過唔係當日我有咁嘅選擇，我地就唔會有今日咁嘅結果，你估係咪上天都比我感動到?」Elven也知自己的作法比較牽強。
 




Rachel:「你只係好彩咋…唔知嗰個阿婆係何方神聖呢?」
 
「我都唔知… 但對住佢又係有種莫明嘅親切感， 唔係三唔識七都唔會同佢講咗咁多自己嘢啦…」Elven若有所思。
 
Rachel:「你咁講開又好似係，好似好自然就同佢分享晒自己啲嘢咁…」
 
「點都好，只要以後可以咁攬住你，無論中間過程係幾痛苦都唔重要喇…」Elven感觸地說。
 
「Elven，多謝你…其實我真係唔值得你咁為我…」Rachel感動。
 




Elven:「感情無話值唔值嘅，好多嘢都係自己控制唔到… 記唔記得我講過，有啲人明明可能只係相處咗一段好短嘅時間，但就用一世都忘記唔到? 」
 
「記得… 所以咪話你傻囉~」Rachel甜甜地說。
 
Elven:「我係好傻呀… 以前做錯嘅事實在太多喇，其實如果唔係上天不斷比我有second chance，我地都唔會有今日哩個結果，所以我都唔知應該感激定嬲Daniel傷害你好，唔係佢嘅錯我唔會有哩推second chances，但佢又真係實實在在傷害咗你令你唔開心…」
 
「的而且確好多時我地都唔會有second chance， 有嘅時候真係要好好感恩，不過有啲人，就算有可能都唔識好好把握，Daniel可能就係其中一個…」Rachel把自己對上一世推測的事情始末告訴了Elven。
 
Elven:「原來係咁… 不過第一次佢可以暪天過海，好自然以為第二次都可以，唔似我第一次已經衰到貼地… 所以我好珍惜哩個重生嘅機會去修正以前所犯嘅錯㗎。」
 
「例如呢?」Rachel好奇問道。
 
「我上一世最後悔嘅事就係無一早跟Susan返教會早啲認識你同埋錯誤地同你表白咗…」想起這兩點Elven還是有點唏噓的感覺。
 
Rachel:「所以哩兩樣就係你對今世自己嘅影響?」




 
「係呀…我出盡力去暗示比自己聽，所以今世你咪可以早啲識我同埋直至你同Daniel分手前都聽唔到我表白囉~ 你呢?」
 
「聽完唔好嬲喎… 其實我無特別做啲咩， 或者係潛意式影響自己盡量比機會你掛? 但點知有人係咁將我推比其他人囉…」說起這件事Rachel又有點埋怨Elven。
 
「無計啦，始終主導權唔係我手...有啲野我都控制唔到~ 不過你講開， 我懷疑除咗我地，其實仲有一個人返咗黎…」Elven突然想起。
 
Rachel:「你指Ada?」
 
「 嗯，諗返成件事佢比原本嘅世界都有太多嘅轉變… 不過暫時唔好講佢住喇， 係喎，咁你返嚟嘅疑惑或者目的到底係咩?」Elven問道。
 
Rachel:「第一個係想知當年同Daniel嘅事係咪有嘢我係唔知… 至於第二個，我只可以話係同你有關~」
 
Elven:「咁實現咗未?」
 




「嗯…應該算實現咗掛~ 你呢?」想了想Rachel答道。
 
Elven:「我嗰個其實好簡單，淨係得七個字…」
 
Rachel:「邊七個字?」
 
「只想和你愛一次」Elven帶點尷尬說出了這七個字。
 
「… 點解我會鍾意咗個咁老土嘅人㗎!」Rachel笑罵道。
 
「我知係好老土，但真係我嘅心願黎㗎… 」Elven滿有感觸。
 
「老土怪~  」雖然取笑，但聽得出Rachel的心是甜絲絲。
 
「我認~  」




 
「咁我地所有目的應該都實現咗喇喎… 真係到嗰日，我地返唔返去?」Rachel 想起這重要的問題。
 
「你想呢?」Elven想聽Rachel的想法。
 
「其實我唔太想返去， 返到去太多手尾都唔知點解決… 同埋喺哩世，我無咁多過去淨係屬於你…」說到最後一句Rachel已經害羞得幾乎沒有聲浪。
 
幸好Elven聽力良好，然後忍不住又再伏到Rachel身上。
 
直至天色已深，Rachel擔心父母隨時會回來，和Elven到樓下吃了晚飯後便各自回家。這晚，他們都發了個相同的夢，夢中有人詢問他們是安於現狀還是回到原本的世界。若選前者，後一世的記憶在七日後便會被自動抹去。若選後者，則這一世的記憶同樣地七日後便會被抹去然後不屬於這個世界的靈魂會被傳回到原本的世界。很有默契地，二人都選擇了前者。