只想和你愛一次: 6. Hello Ada

「Honey~」
 
在入境大堂看見Elven的身影後，Ada直奔進對方的懷內並送上一個足以溶化世上所有男人的擁抱。
 
「好似瘦咗喎你，喺嗰邊太忙無食飯?」良久，Elven把頭移後對Ada說。
 
「你淨係識氹我啦！ 我知我係越嚟越肥...」Ada擰轉面裝作生氣。
 
「肥啲好呀，唔好餓親呀~」Elven就把自己額頭貼近對方額頭帶著憐惜說道。
 




「你唔好講嘢住，我要錫錫~」感受到Elven的關心，Ada開始撒嬌。
 
「Yes Madam!」
 
懷內動人的身軀，唇上柔軟的觸感，髮絲傳來淡淡的幽香，全都讓Elven感覺到一種久違了的熟悉感，這一吻足足維持了數分鐘才告停止。
 
 
「明天諗住帶我去邊呀?」在車上Ada問道。
 
「明晚帶你去做一樣你之前都講過話想試下做嘅嘢呀~」Elven帶著神秘感說。




 
Ada:「係咩?」
 
Elven:「上年平安夜你見到喺街有人報佳音好似好開心咁咪話都想試下嘅，今年可以帶你去試下喇~」
 
Ada:「咁好!點解嘅?」Ada既期待亦為Elven記得自己講過的說話而高興。
 
Elven:「你唔記得我同你講過近排有跟Susan返下教會?聽晚佢地會去旺角火車站度報佳音呀，知你想試下咪諗住同你一齊去試下囉~」
 
「係喎...都未問你，做咩無啦啦返教會?近排同Susan行得好埋喎你！」Ada又故作生氣。




 
「如果我同你講突然蒙主寵召叫我返教會你信唔信?平時Susan問我我都實拒絕，但嗰日唔知點解突然聽到有把聲叫我要應承...」Elven帶有疑惑地說。
 
Ada:「一定係你做衰嘢太多結果神都忍唔住要出手感化你喇...」
 
「衰嘢?你唔喺度我邊有得做啫~」Elven的聲音突然帶著點淫邪。
 
「...」
 
見Ada沒反應Elven又把頭湊近Ada耳邊細聲說道:「所以我聽晚book咗酒店，報陣佳音我地就走~」
 
「鹹濕佬！因住神唔原諒你呀!」Ada立刻面紅，半打半罵Elven道。
 
 
第二天，Elven和Ada閒逛完一會提早吃過晚餐便去到報佳音的地點匯合，遠處便看見Susan、 Daniel、 Rachel、Peter和一眾教友，經過兩個多星期休養Rachel已經能如常行走。




 
「各位好呀， 同你地介紹，哩位係我女朋友Ada，佢之前有講過想試下報佳音所以今日就帶咗佢嚟喇~ 」Elven向眾人介紹。
 
「Hi，Ada好耐無見喇~」Susan當然認識Ada，不過又不算是很close的朋友。
 
「Hi， 我係Daniel。」
 
「Hi，我係Peter呀。」
 
「Hi，我係Rachel。」
 
聽到Rachel這名字，Ada的心不知為何猛烈跳動了一下，亦因而讓自己的眼睛多停留在對方面上片刻。
 
「大家好~ 冒昧嚟打擾你地喇。」Ada有禮貌地和大家打招呼。
 




「唔打擾，報佳音不嬲越多人越好~」Rachel回應。
 
Ada:「之前成日睇成班人喺街唱歌報佳音好開心咁，又好有節日氣氛喎，今日終於有機會親身體驗一下喇！」
 
Daniel:「係好開心㗎~鍾意嘅可以以後每年都嚟玩㗎。」
 
Ada: 「好呀~」
 
Peter: 「聽Elven講你喺英國讀書㗎喎，啱啱返嚟?」
 
六人就這樣你一句我一句地閒聊著。
 
 
沒多久，Rachel便走到去電子琴那邊預備，今天也是她負責伴奏，而Susan同一時間亦跟了她一起過去。
 




「做咩跟住我過嚟呀?眼冤呀?」看見Susan沒精打彩跟住自己，Rachel說笑道。
 
「唉...其實之前明明慣咗無咩嘢，近排可能同Elven close咗有咗錯覺攪到依家真係有啲唔開心..」Susan一臉苦瓜乾的樣子。
 
「一早同咗你講叫你小心唔好沉船㗎啦... 不過佢地真係好襯呀~」Rachel一副”一早話咗你㗎啦”的樣子。
 
「Ada以前唔係咁顯眼㗎，唔知係咪同Elven一齊得耐吸收到佢啲靈氣，依家又無咗副眼鏡，加上去埋外國真係成個人唔同晒...」Susan再遙遠望了一望Ada然後嘆了一口氣說。
 
「咁証明Elven眼光真係好囉~不過...」Rachel亦跟著望了一望Ada然後說。
 
「不過咩?」見Rachel很久沒再出聲Susan問道。
 
「無嘢無嘢...」Rachel收回目光然後望回自己的電子琴說。
 
(總係有種感覺好似佢地唔會去到最後...)




 
Susan:「古古怪怪咁...咦，要開始喇，再傾，你加油呀！」
 
音樂響起，報佳音亦正式開始，Ada和Elven唱得很投入，只是後者間中總是不受控制般不期然偷偷望向Rachel的方向，而Rachel有空閒時，側會偷望向Daniel的方向，但停留一會之後眼光又總會偏側瞄一瞄旁邊的Elven和Ada。
 
轉眼間一小時過去，Elven望了一望手錶，拍了拍Ada，然後便細聲和Daniel Susan他們說
 
「唔好意思呀，我同Ada有嘢做要走先喇。」
 
Daniel:「唔緊要，多謝你地參與呀，遲啲見啦~ Elven下次可以帶埋Ada嚟返教會㗎~」
 
Elven: 「好呀，拜拜~」
 
Elven下意識望向正在彈琴的Rachel見Rachel亦正望向這邊便跟她做了個再見的手勢，見Rachel笑了笑表示收到後便轉身和Ada一起離開。
 
 
「你同Rachel好熟?」離開一會後，Ada突然問道。 不知為甚麼，直覺讓Ada對Rachel有點在意和戒心。
 
「間中有傾下偈咁啦，佢係Susan best friend嚟㗎~ 你睇唔睇得出佢鍾意Daniel? 但同一時間Peter又鍾意Rachel喎。」Elven笑著說。
 
「睇嚟你地真係好熟喎，識咗無耐就連哩啲嘢都知...」知道Rachel喜歡Daniel這消息沒讓Ada安心反而是不安感更加強烈。
 
「因為你男朋友我有一對看透世事嘅眼睛，無野暪得過我雙眼，包括你今日著咗幾多件衫~」Elven又把頭湊緊Ada用帶點淫邪的語氣說道。
 
「變態佬！」
 
打打鬧鬧間他們已check in來到酒店房裏。
 
Elven:「春宵一刻值千金… 你屋企唔比你喺出面過夜所以我地要把握時間呀！」
 
「無賴~」
 
看見Ada面紅害羞的樣子，Elven忍不住把她抱入懷中
 
「老婆仔，哩段時間我真係好掛住你...」
 
「老公仔我都好掛住你...」
 
說完兩人便擁吻起來，而壓抑已久的情火亦失去控制爆發出來淹沒了兩人，隨著雙方的衣服越來越少，飢渴以久的Elven很快便直接進入了Ada的身體。
 
只是本應極度亢奮的Elven，隨著下半身傳來那種嘅陌生又熟悉的觸覺，他腦海突然被一種極度哀傷的感覺入侵，眼淚亦不自覺急速流下。那種感覺包含著悲傷、懊悔、懷念、欣喜與疼惜。
 
他把Ada抱得更緊，彷彿深怕對方會隨時再次離開自己，同時亦加快了進攻步伐，渴求著與對方有更深入更親密的靈欲交流…
 
同一時間，Ada被Elven進入的一刻，下半身同樣有一種陌生卻又懷念的感覺，同時間一種內疚、後悔、懷念和憐惜的感覺亦在她腦海深處湧現。淚水流下，她亦把身上的男人抱得更緊，渴望著被他無休止地衝擊著，彷彿每承受一下衝擊都在補償著自己對對方的虧欠和遺憾。
 
Elven和Ada並不清楚這些感覺到底是怎麼一回事，但這卻絕對讓他們更加投入於激烈的親密行為當中，對雙方的依戀就像沙漠裏植物對水份的渴求，彷彿很害怕下一秒對方就會再次消失離開自己。
 
過了不知多久，隨著Elven的釋放，所有剛剛負面的情緒亦隨即消失，Elven近乎虛脫躺在Ada身上，雙方雖然高潮已過但仍緊緊抱著對方。
 
「傻瓜，做咩喊得咁犀利呀...」Ada憐惜地撫摸著Elven的後腦問道。
 
「你咪一樣... 唔知點解我有個感覺好似搵返啲失去咗但又好重要嘅嘢咁...Ada你可唔可以應承我哩世都唔會再離開我?」Elven真摰地對Ada說。
 
留意到Elven用了個”再”字，Ada卻沒覺得有違和感並很快答道:「傻瓜...我一直都喺度呀，除非你唔要我先啦~」說完便用嘴在Elven臉上輕輕印了一印。
 
「應承我先啦~」不知為甚麼Elven突然有種很害怕失去Ada的感覺。
 
「應承你~」Ada二話不說答應。
 
聽到後Elven尋著Ada的嘴吻了下去，然後很快又觸發了第二輪的激戰。