只想和你愛一次: 29. 第一次看戲

Elven的大學生涯轉眼間只剩下最後一個月，由於不用再天天練波，Elven終於能盡回一個大學生的本份。為了能順利畢業，他必先完成自己的FYP，然後再應付好這很可能是他人生中最後一次的考試。
 
因為FYP之前的進度嚴重落後，負責他的professor 已經曾多次向他表達不滿，甚至威脅他會肥佬因而不能畢業。為了追回遠遠落後的進度，Elven這數星期大部份時間都在Lab裏渡過，他不祈求能拿到高grade，只求能完成並取得合格。
 
幸好皇天不負有心人，經過數星期廢寢忘餐的努力，最後他總算能把它完成。在deadline交完Report放下心頭大石後，Elven第一件事便是回hall睡覺。
 
睡了差不多一整天後，Elven睡醒不久便發了一個訊息給Rachel。
 
Elven: 「我連續瞓左二十個鐘， 破咗人生紀錄...」
 




Rachel: 「因為你之前大辛苦喇~ 好彩總算完成，恭喜恭喜!」
 
Elven: 「我寧願練20個鐘波都唔想再做哩啲 FYP…」
 
Rachel: 「哈哈! 因為你係一個運動員嘛~ 係喎，未同你講，我啱啱都應承咗接任嚟緊籃球隊嘅team captain喇。」
 
Elven: 「勁呀!恭喜晒! 下年返嚟睇你Champion呀~」
 
Rachel: 「哈，希望得啦， 我好淆底呀，今年Champ咗下年更大壓力…」
 




Elven: 「唔駛淆喎 ，仲有成年時間， 比啲信心自己， 大家揀得你就係信任你!」
 
Rachel: 「就係咁先驚令佢地失望呀…」
 
Elven: 「做咩咁無自信呀? 你唔記得仲有我哩個免費師傅顧問咩~」
 
Rachel: 「係喎! 不過你都好快走啦… 」
 
Elven: 「唔再喺hall唔代表理唔到你嘅，等我同你先上第一堂課啦~ 你覺得作為隊長最重要係啲咩?」
 




Rachel: 「首先要勁 ，比到信心隊友?」
 
Elven: 「哩個都重要，不過對我嚟講，我覺得最重要係要motivate到自己隊友，只要你motivate到佢地都有同你一樣想贏嘅目標，佢地自然有火會自發努力，諗盡辦法去贏，咁自然就事半高倍你可以煩少好多嘢啦~
 
當然，到底要點先可以motivate到佢地，就真係睇你隊長嘅功力喇。你要了解佢地每一個嘅性格同特點，,例如有啲人鍾意比人讚，有啲人好唔服輸，有啲人重感情，有啲人重物質，有啲人要有壓力逼，了解佢地每一個你就會更加容易因應哩啲特質而去motivate到佢地。」
 
Rachel: 「明白!不過感覺好難…」
 
 「仲有時間，唔駛比咁大壓力自已~ 同埋襯哩段時間未係好忙，你要先努力提升自己實力，因為之後你就要花好多時間喺管理條team上面，諗戰術同訓練program哩啲麻煩野，到時你就無乜時間可以再提升自己實力㗎喇。」Elven以過來人身份分享自己經驗。
 
 
Rachel: 「係喎…多謝你呀!我真係要比心機先得!」
 
Elven: 「最緊要個人keep住有火!」
 




Rachel: 「有你哩個咁有經驗嘅師傅照住，應該無問題嘅，話晒你都係奇蹟隊長~」
 
Elven: 「乜野名嚟㗎…咁老土...」
 
Rachel: 「你帶領足球隊打低成隊都係u-team嘅W-hall champ喎~ 仲唔係奇蹟?」
 
Elven: 「好彩啫… 係喎! 話時話，你好似差我啲嘢未兌現喎~」
 
Rachel: 「仲諗住你會唔記得添! 不過關於睇戲，你真係仲想睇? 我驚你誤會呀…」
 
Elven: 「你都講到咁仲點會誤會呀? 朋友都可以去睇戲㗎嘛，唔好搵藉口走數啦!」
 
Rachel: 「比你發現咗添 =P 咁你想睇咩戲呀?」
 
商議了一段時間後他們便相約了翌日大家放學後在Campus等然後一齊打的到數碼港的戲院。




 
雖然口裏說不會有任何行動和誤會，但Elven心裏還是感到相當的緊張和興奮，出門前有特意打扮過一番，然後又會幻想若果看戲時自己突然捉著Rachel的手不知她會有甚麼反應呢...
 
當然一切都只是他自己FF而矣，始終女方已經說得那麼清楚，自己若再做這些行為恐怕以後就真的朋友也不用再做了，Elven知道自己輸不起。
 
在Campus等了數分鐘，Elven便看見了Rachel。她身穿一件普通T裇，黑色牛仔褲，看起來跟平日差不多，並沒有任何刻意打扮。不過Elven也不在意這些，互相say hi後他們便搭的士到戲院。
 
他們看的是一套喜劇愛情片，整套戲Elven看得並不算太專心，他把更多focus放到了Rachel身上，不過Rachel卻只是專心看戲，間中和Elven會討論兩句。
 
時間一秒一秒過去，當套戲播映了接近三分之二的時候，Rachel的電話震動，是她男朋友打來。出於尊重第一次她並沒有接聽，但緊隨著很快便震第二次，她意識到可能有急事所以還是起身接聽了。
 
「Sorry呀 ，我男朋友比賽整親可能要入醫院 ，我要走先喇…」回來後Rachel一臉抱歉細細聲地告訴Elven。
 
「佢無事嘛? 唔緊要咁你快啲去睇佢啦。 駛唔駛陪你出返去?」Elven雖然失望但就不露痕跡地回應道。
 




Rachel: 「唔駛啦 ，你睇埋套戲先啦~ 套戲幾好睇呀，你今晚要話返結局比我聽呀! 咁我走先喇，byebye~」
 
Elven: 「無問題，咁你有咩update我啦， bye~」
 
Rachel走後，Elven終於能很專心看畢整齣戲，只是已經再沒有喜劇的感覺。
 
難得能和Rachel一起睇戲中途卻偏偏發生這樣的事，你能不把它想成是上天的暗示嗎?
 
 
走出戲院，Elven發覺自己也有一個miss call， 聽回留言，原來是之前報的工約他面試。
 
是啊，大學生涯要完結了，轉眼間自己便要投身社會工作，這讓Elven更有一種滄涼傷感的感覺，只是不知道這是因為轉眼便要告別校園還是要告別Rachel。
 
 
我愛的人 不是我的愛人

她心裡每一寸 都屬於另一個人
她真幸福 幸福的真殘忍
讓我又愛又恨 她的愛怎麼那麼深
我愛的人 她已有了愛人
從他們的眼神 說明了我不可能
每當聽見 她或他說 我們
就像聽見愛情 永恆的嘲笑聲