只想和你愛一次: 28. 下定決心
Elven對這晚自己的所作所為其實並沒有任何記憶，當他發現自己闖下的大禍時，已經是第二天黃昏的時候，當他起床後正想send SMS給Rachel時便看見了自己昨夜的「惡行」 。
心裏暗罵了自己一聲 ”今次仆街了” ，Elven發現Rachel並沒有任何回應，這讓他感覺更加的糾結和不安。一方面害怕自己若再解釋會越描越黑，另一方面他又有點期待想知Rachel的回覆，不過想了很久也沒有結論，Elven決定索性甚麼也不做等Rachel回覆了才再作打算。
結果等了一天、兩天、三天，正當飽受煎熬的Elven已經打定輸數要失去Rachel的時候，到第四天他卻終於收到Rachel的回覆。
「Sorry呀咁遲先覆你，因為我都好糾結自己應該點做... 其實你對我係點，或多或少我都唔係完全感覺唔到，不過我一直以為你知我有男朋友，大家已經有共識可以繼續做朋友，所以先無特別去避忌，係我處理得唔好，sorry…
其實依大半年，我真係好開心識到你哩個好朋友㗎，你比咗好多鼓勵同意見我。基本上我依家有咩開心唔開心，都會諗起你想同你講...
同你相處真係好開心好舒服，而且你比我嘅嗰種信心同說服力暫時係無其他人可以比到我。只要係你講嘅說話同意見，我都會盲目咁相信，我幻想到無咗你哩個朋友，我會有幾唔開心…
因為咁，我一直都無迴避你，真心當你係個可以無所不談嘅好好朋友。但見完你個message，我好驚我地繼續咁會比咗個錯誤信息同假希望你。你已經被傷害過一次，我唔想你再受第二次傷害呀…
所以雖然好唔捨得，但我唔可以咁自私。我估我地以後都係保持返距離會好啲? 對唔住…」
雖然早有心理準備，但當Elven看完Rachel 的答覆後還是感到萬分失落。也許是之前自己確實還抱有一點盼望Rachel對自己不是完全沒有感覺，又或者是他很不希望要失去Rachel這個好朋友…
Elven沒有回覆Rachel，因為他覺得自己也需要冷靜一下，重新審視自己的感情，找出自己到底想要甚麼。
一星期慢慢過去，而這星期Elven並不好過，當失去了他才明白原來Rachel不知不覺間在自己心中已經建立了一個很重要的位置。
他習慣了每天能和她談天，分享生活的日常，又或只是純粹說一堆無聊話題輕鬆一番。加上所有比賽已經完結再也不用練波，他的生活一下子變得十分空閒，這讓他有更多時間想起Rachel和Ada。
(或者過咗去嘅就應該讓它過去，唔好再執著了…)
慢慢地，他開始認清了自己的感情，並作出了決定。
「Dear Ada,
不知不覺間，原來這已經是我給你的第600封信。到底這600日，你有無想起過我掛念過我? 我相信是有的，不過次數大概是兩隻手數得完吧? 這代表你和Sam應該過得很幸福…
告訴你一個好消息呀，今天我終於決定了是時候要接受你永遠都不會再回來我身邊這個事實而要放手喇 ，所以這將會是我給你的最後一封信，雖然很可能這一世你根本都不會知道有這600封信的存在…
不過也許是覺得自己彌補了之前對你的虧欠，又或是覺得自己已經盡了力去嘗試挽救這段感情，我個人其實是蠻喜歡做這些很多人會覺得很愚蠢的行為，喜歡這個愚蠢的自己…
雖然我還是會後悔和內疚，對你還是充滿了不捨，但正因這600日的種種，讓我覺得我終於可以挺起胸膛放手了，就好像打機儲了600日氣，最後終於出到大絕一樣…
我沒和你說我近來其實慢慢發覺自己喜歡上Rachel，而且感覺還越黎越強烈… 雖然我不知道將來會怎樣，亦不是要追她， 不過我終於明白自己是時候要有個決定，因為只有決心放下你，我的人生才有可能繼續行下去…所以
對唔住 我遵守唔到承諾等你一輩子
多謝你在我生命中出現 給予我一段永世難忘的經歷和回憶
我不知道這輩子還有沒有機會可以見到你，但我真心希望你以後都會幸福快樂。
再見了，我的初戀…
愛你的Elven」
寫完這封信，打完最後一篇沒有Ada的日子，Elven用了三天時間沉澱和平伏自己的心情，然後他終於回了一個message給Rachel。
「應該係我講Sorry至啱，嗰晚飲醉咗都唔知自己做咗啲咩， 希望你唔好放喺心上面啦... 係，我承認我近排發覺自己對你有咗感覺，不過我本身真係無諗過同你講，亦無諗過要做啲咩…因為正如你所講我知你有男朋友，我亦都好珍惜同你嘅關係，而且我根本就未放得低自己個Ex…所以真係只係嗰晚酒精上腦傻咗先會亂講嘢…
放心啦，我好知自己做緊咩㗎，雖然我知好難，但我會控制好自己，好似以前咁當你只係好朋友唔會有其他，希望唔會因為咁攪到大家連朋友都做唔成啦，因為我真係唔想就咁無咗個同自己咁夾咁好傾嘅朋友…
不如大家都忘記左嗰日個message好唔好? 不過如果你真係介意或者覺得唔適合，我都會理解和明白，尊重你嘅決定。
Sorry呀，令你難堪了。」
這次不用多久，Elven便收到Racehl的回覆。
「咁就好了! 講清楚就無事喇。我都好唔想無咗你哩個好朋友㗎~ 但我更唔想因為自己令你唔開心，如果你覺得ok 我當然無問題啦~」
Elven: 「好呀，咁我地就當粉筆字咁抺咗之前不快嘅嘢啦~」
就這樣，Elven和Rachel彷彿又回到以前的關係，差不多每一天也會有聯絡。不過Elven還是能感受得到Rachel自此明顯減少了提起自己男朋友的事，亦再沒主動約過Elven外出了。