只想和你愛一次: 22. 籃球決賽

時間一天一天的過去，經過數天的酷刑和醫治，Elven的腳總算能開始走路，但腳腕還是感覺到麻痺、乏力和”怨”痛。不過時間己經無多，休息了幾天Elven開始嘗試慢跑並參與回球隊的練習。
 
首先迎戰決賽的是Rachel的L-Hall。經過觀察了數課練習和商議後，她們最終還是決定用year3 打正選，主要是因為實力上她還是比Rachel稍強，而且對方專誠由外國回來打決賽，加上如無意外這很可能是她最後一場代表Hall的比賽，在情在理都應該讓她出場打正選。
 
「唔緊要啦， 後備唔代表無得出場， 而且你仲有下年嘛~  不過自己都要調整好心態，因為隨時可能要你出場㗎。」始終比賽就是殘酷，收到消息後Elven只能這樣安慰Rachel。
 
Rachel: 「唔緊要，我無事呀~  最緊要係球隊可以贏波， 個人利益都係次要... 而且本身佢就係正選， 我之前有得出咁多場己經賺多咗好多經驗㗎喇!」
 
「真係識諗喎! 做隊長最開心就係可以有你哩啲咁識諗嘅隊員~  點都好，比心機，希望你地CHAMP到啦!」對Rachel的成熟Elven 由衷讚賞道。
 




Rachel: 「承你貴言!」
 
到了比賽當天，Elven遵守承諾去了現場觀看比賽。不過比賽並不如想像中激烈，取代了Rachel打正選的PG在外國應該沒有偷懶，甚至因和外國學生交流得多球技和球場視野都比以前還要進步，而幾個月的離開亦明顯沒有影響她和其他隊友早已建立了接近三年的默契。在她掌控了節奏下，她們的比數慢慢拋離了對手。
 
到下半場過了一半時間，L-Hall 已有10分的領先優勢，這時Rachel終於有機會下場比賽，不過她的心理狀態調整不足，上了場四分多鐘並沒有甚麼特別表現便被換走了，由year3的正選親手了結比賽，最後她們頗為輕鬆地順利贏得了冠軍。
 
「恭喜恭喜!」當晚Elven MSN Rachel。
 
Rachel: 「多謝!不過感覺哩種勝利好似都唔係好關自己事咁，同埋今日我場上嘅表現同正選差太遠喇…」
 




「點會唔關你事呀? 雖然決賽係出得少，但由Pool賽開始，都係靠你努力先一直殺到入決賽㗎! 至於今日嘅表現，好多時球員都要啲時間入局嘅，知自己心態上不足就要努力改善，你仲有下年嘛~」Elven鼓勵道。
 
Rachel: 「下年…佢地話可能搵我做隊長接捧，問我有咩意見呀…」
 
Elven: 「咁就更加係佢地對你今年表現嘅肯定啦!  如果覺得今年真係有遺憾嘅咪下年親手帶領條team 衛冕冠軍囉~」
 
Rachel: 「好大壓力呀…今年仲要係Champion，有啲擔心自己做唔嚟….」
 
Elven: 「又唔駛太擔心嘅，而且今年year2入面出得最多好似係你，唔搵你仲可以搵邊個呢?」
 




Rachel: 「都係嘅…不過其實都未駛咁快決定，唔理住lu~ 後日到你喇，隻腳點呀?」
 
「唔太好…都勉強跑到，但明顯腳腕感覺好硬唔太靈活，耐咗又會痺同痛，好似啲經絡仲係塞住咗咁... 不過都要頂硬上㗎喇，希望過埋明天會好啲啦…」望著自己隻腳Elven亦有少少灰心地說。
 
Rachel: 「加油呀! 不過唔得就唔好勉強，一陣加劇咗傷勢就可大可少㗎…」
 
Elven: 「我會紥到佢實一實㗎喇... 已經嚟到最後一步，點都要贏!」
 
 
比賽當日，Elven醒來時發覺有份三文治和咖啡放了在自己房裏的枱頭上，紙袋上貼有張”加油!” 的紙條，署名是”徒弟仔” ，原來是Rachel故意託Annie託Jacky放到Elven房裏。
 
「多謝你份窩心早餐呀，我一定會贏㗎!」Elven發了個感謝SMS給Rachel。
 
Rachel: 「你話㗎，講得出要做得到，輸咗你就知死!」
 




 
吃了粒止痛藥，Elven氣定神閒地踏上了球場，不過自己知自己事，他知自己可能只有不足7成的狀態，但他不能讓對手知道自己的虛實以作出針對性的戰術調整。
 
比賽開始，Jacky利用身高成功在跳球上爭取到控球權，然後Elven在對手尚未入局的情況下冷戰來了一記3分球，就是故意要告訴對手，他的狀態完全沒受傷患半點影響。
 
事實上Elven的戰略很成功，他一開始數球主動的進攻成功吸引了對方的重點防範，然後他開始慢慢退居二線充當吸火助攻的角色。隊友們亦沒辜負Elven的信任，穩定的進攻命中率加上多走兩步的防守拼勁大大減輕了Elven的負擔，讓他們能一直以領先姿態完成了上半場。
 
不過隨著體能消耗，加上對方亦開始察覺Elven的不對勁慢慢把防守重點放回其他球員身上，在比賽中後段C-hall終於被對手反超前。望著差不多已到極限正在發抖的雙腿，Elven逼不得已叫了個暫停。
 
「大家都打得好好，差少少㗎咋，嚟緊最後哩四分鐘等我做返得分主力，你地嘗試吸引對方球員夾擊然後傳比我空位射，若最後引唔到佢地夾擊就傳返比我等我剷入去。Jacky同Chris，籃板就靠你地喇，捱埋落去我地一定可以贏㗎! C-Hall 加油!」Elven把握暫停時間講解戰術和鼓勵著隊友。
 
吃多了粒止痛藥後，比賽再次展開，Elven再次神勇的表現讓雙方一直咬緊比數，互換領先位置。
 
比賽轉眼到到最後10秒，C-Hall正以1分落後但有控球權，球傳到Elven手上，看見其他隊友都被緊貼防守，Elven只能自己突破爭取得分，兩個假動作讓Elven成功突破防守自己的球員並準備跳射，但這時另一個防守球員趕到情急下以犯規阻止了Elven的投籃。
 




伴隨著球證的哨子聲，Elven應聲倒地並抱著自己早前受傷的腳腕一臉痛苦的樣子...
 
經過一輪擾攘和治理，Elven勉強能再次站起來並走到罰球線上。時間只剩下2秒，只要Elven把兩球罰球全數射入，C-Hall基本上就能奪冠。
 
可惜當Elven屈膝借力投籃時，由腳腕傳來的劇痛讓Elven把兩球關鍵罰球都射失了，最後C-Hall只能以一分之微飲恨屈居亞軍。