只想和你愛一次: 20. 難關

當晚深夜
 
「Here?」Elven的螢幕突然彈出了Rachel的MSN message。
 
「Yes ar」Elven立刻覆道。
 
Rachel: 「我好想喊呀… 原本我以為大家今晚見完會好啲，我相信佢初初都係咁諗，但點知turn out係仲worse咗… 佢最後仲話近排大家都係冷靜下先唔好見住…我好驚呀…」
 
「冷靜啲先唔駛驚 …”想大家冷靜下先”哩樣嘢其實好多情侶都會發生，好common㗎咋，最後好多時都無事。
 




嗰陣我前女朋友話要分手嘅其中一個原因都係覺得我成日唔理佢，覺得我唔care佢， 但其實唔係， 我係好鍾意佢，而佢最後亦都明白我真係唔係唔care佢，只係已經太遲…
 
我唔敢講你男朋友同我一樣， 但男仔其實有時係比較懶懶閒， 唔似女仔咁鍾意講嘢比人聽。 女仔會覺得談話係情感表達嘅一種， 但男仔有時會比較實事求事， 以為你同佢講係想佢提供個解決辦法， 但其實你可能只係單純想講比佢聽，哩個係男女之間好大嘅分別。
 
當然， 可能佢都真係需要啲時間去認清對你嘅感情，其實身邊啲朋友一齊得耐咗成日都會問自己仲係咪仲鍾意個女仔。 有時係會咁㗎，最後都無事， 所以唔駛太驚㗎。」有些少出乎意料，Elven還是嘗試冷靜分析安慰Rachel。
 
Rachel: 「但我第一次見佢咁嬲， 咁唔冷靜…」
 
Elven: 「咁佢其實嬲啲咩先?」
 




Rachel: 「嬲我成日唔開心， 縱使佢己經pay 左effort… 佢應該好灰心覺得自己已經努力改緊去修補我地嘅關係， 但我就仲為少少嘢而黑佢面…」
 
Elven: 「咁你feel唔feel到佢努力改變緊先?」
 
Rachel: 「都睇得到嘅...  我知今次我係有唔啱，我都唔知自己點解會咁， 同埋我知佢近排其實有其他嘢煩緊…」
 
Elven: 「咁正常女仔都會想男朋友錫自己多啲 嘅，不過既然你知佢有努力改緊，有時都忍耐下啦。兩個人一齊大家係要互相遷就， 唔係好易成日鬧交。 改變係要時間， 最緊要佢有心改， 所以比啲時間佢啦， 同埋佢有嘢煩緊就更加要比多啲時間佢!  」
 
Rachel: 「明白… 但我驚之後已我經無咁嘅機會…」
 




Elven: 「放心啦， 男仔係鍾意自己解決問題㗎。  依家比幾日時間佢等佢自己喺樹窿冷靜下， 之後佢攪掂出返黎就自動會搵返你㗎喇。」
 
Rachel: 「唉…都唔知要等幾耐…」
 
Elven: 「信我， 最多五日，佢一定會主動搵返你。」
 
Rachel: 「真係? 希望啦…」
 
Elven: 「你對佢咁無信心㗎! 如果佢真係為啲咁普通嘅嘢就放棄你， 佢鍾意極你都有限啦， 咁就唔值得你成日為佢而唔開心!  同埋咁擔心做咩啫， 你上面仲有個大佬睇住你㗎嘛， 佢會為你地安排好一齊㗎嘛， 唔係㗎咩?」
 
Rachel: 「呀…多謝你呀… 我睇睇下忍唔住笑咗出嚟!」
 
Elven: 「笑返咪好囉~」
 
Rachel: 「真係㗎， 同你傾完心情真係好返好多了。 其實諗返同你咁熟， 都真係好神奇...  唔知幾時開始， 我有咩唔開心或者覺得辛苦都會主動同你呻， 然後同你傾完偈後就會無事，你啲正能量真係好勁呀! 如果自己喺練習上或者其他事需要意見， 又忍唔住會好想問你喎! 而且你講咩我都好自然會信咁~」




 
Elven: 「哈哈， 咁其實我都無諗過會同你咁熟，但唔知點解同你傾偈又真係好似永遠都有講唔盡嘅話題咁...同埋我地諗嘢都好接近， 好似成日都會同一時間有同一個反應咁。所以我都好慶幸哩段時間識到你㗎，有種相逢恨晚嘅感覺，你好似令我似返個人…」
 
Rachel: 「真係? 聽到你咁講好開心呀! 原來我都幫到你唔駛成日喺你面前都好似個細路女咁~  係喎，其實呢， 我都仲未知你之前到底發生過咩事…」
 
Elven: 「好啦， 記唔記得之前應承過你如果你贏到第一場比賽就講個秘密你聽? 如果你唔驚眼瞓就哩家講你聽啦... 不過唔想打咁多字，電話ok?」
 
Rachel: 「好嘢， 有故仔聽! 依家打比你?」
 
Elven: 「好呀。」
 
這晚Elven把自己和Ada的故事原原本本地講了給Rachel知道。 初時Rachel不時都會問一下問題， 不過慢慢地她就只是靜靜地聽著，因為她感受到Elven縱使沒有哭出來， 但他的心卻像在滴血。
 
這晚過後，她好像認識了另一個的Elven，又或者應該說是，她發現自己之前原來從未真正的認識過Elven。