只想和你愛一次: 19. Rachel出戰

第二天Elven一下課便趕到體育館看Rachel的處子戰。 去到球場比賽已開始了一段時間，然後Elven發現 Rachel 的L-Hall正以6:10落後對手。
 
看了一會後，Elven發覺對手其實並不強， 只是Rachel以及其他隊員明顯地都有點緊張因而影響了表現， 不是反應慢了半拍就是失誤傳失波。結果到上半場完結時己經落後至16:28。
 
半場休息期間，教練 Jacky嘗試努力鼓勵她們， 不過從她們的姿體語言中，Elven看得出大部份隊員似乎仍然緊張而且因為球隊正在落後感受到加倍壓力而並不太聽得入耳，其中包括她唯一關心的Rachel。
 
作為負責組織攻勢和掌握節奏的PG，Rachel狀態的好壞會對球隊表現有直接影響。為了幫Rachel滅壓和消除緊張，Elven故意走到一個Rachel 能看得見自己的位置， 示意她慢慢深呼吸， 再舉起自己手瓜做了一個fighting💪🏻的動作。
 
Rachel看見Elven後， 深深呼吸了一口氣， 然後臉上出現了一個微不可察的笑容， 感覺像是放鬆了不少。
 




第二節一開始對手便射入了個3分波， 不過Rachel並沒有氣餒， 她運球推進一個假動作突破對手帶入鎖匙圈引了對方中峰出來夾擊， 然後一個妙傳傳給了突入籃底的隊友， 輕鬆取回2分。 之後藉著對方失誤，她又堵截了對方的傳球，  一個長傳讓隊友快攻得分。
 
 這兩球改變了比賽形勢，她們整隊都越來越集中，開始展露出原有的實力， 慢慢收回失地。 完場前Rachel一記冷箭3分讓她們最後以45:40反勝對手。
 
完場後， 因知道她們之後還要醫波，  Elven走到Rachel 旁和她擊了一下掌， 說了句”叻女”後， 便離開球場返回C-hall。
 
 
當晚
 
Rachel: 「Yeah~ 點解你今日會嚟嘅?」




 
Elven: 「落堂無嘢做咪嚟睇下你打成點囉~」
 
Rachel: 「好彩你有嚟咋，見到你個fighting kai樣後我真係定咗好多， 唔係都唔知最後可唔可以反勝...  比賽完後coach同隊長仲讚我打得好添~ 多謝你呀!」
 
Elven: 「哈， 邊關我事呀，你地打返自己原有水平啫~ 不過之後應該直至去到決賽我先會再嚟睇lu，所以想我再睇你地就比心機殺入決賽啦~」
 
Rachel: 「無問題! (勾手指尾)🤙🏻」
 
 




時間很快又過了一個星期。
 
 
「今晚我會見男朋友， 希望我地嘅問題可以解決啦…」有天黃昏時Rachel突然MSN Elven。
 
Elven: 「一定無問題嘅， 最緊要大家心平氣和解決問題。」
 
Rachel: 「其實我地唔係鬧交，只係真係好多時， 大家都好似相對無言無嘢講咁...」
 
「你地大家依家個生活圈子太唔同喇， 我其實同啲中同依家都少咗好多嘢講㗎， 同埋有時佢可能係累啫…」Elven安慰道。
 
Rachel: 「咁可能真係累啦… 唉， 好驚呀…」
 
Elven: 「傻瓜， 男朋友嚟㗎嘛， 點會驚㗎， 只要有心一定可以解決!」
 




Rachel: 「希望啦…」