只想和你愛一次: 11. 相遇

過了數天後， 這晚Elven練完體能沖完涼後發覺自己房裏原來已經沒有杯麵， 便到了附近的超市入貨。在超市閒逛途中，他突然間看見了一個熟悉的身影，定睛一看原來是Susan， 而她身旁還有另一個女孩。
 
(點解佢會係度嘅?)
 
想了一會好不好去打聲招呼， 最後Elven還是沒有這樣做。 一來見她身邊有另一個朋友， 二來自己亦不太想和中學同學接觸，於是他轉身付完款後便走回了宿舍。
 
一踏入房電話便響起來， 是Susan打來。
 
「喂Elven， 我嚟咗你學校哩頭呀， 咁耐無見得唔得閒出嚟食個糖水呀? 」
 




「我沖完涼好累喇， 下次先啦 ...」Elven婉拒。
 
「攪錯呀， 我咁難得過嚟哩頭，下次唔知要等到幾時㗎喇...  你換件衫出嚟啦， 我喺你宿舍樓下等你呀。」只是Susan沒就這樣便放過他。
 
「咁好啦…你等我一陣。」過門也是客，Elven最後還是心軟答應道。
 
落到樓下， Elven看見Susan正在和剛剛的女仔談天， 她很快便看見了自己。
 
「Susan姐， 咁錯蕩呀…」Elven帶點不情願說道。
 




「嚟開哩頭搵Friend食飯嘛， 咪順便睇下你死得未囉~」Susan不滿還擊。
 
「介紹你識呀， 佢係Rachel呀， 我死黨， 之前咪有同你講過我有個best friend都入咗你間大學嘅， 咪就係佢囉~」看見Rachel在旁邊有點尷尬， Susan立即介紹道。
 
「佢係Elven， 我中學同學。 之前咪同你講我有個中同同你同一間U， 比女飛後好似人間蒸發咁， 咪就係佢囉。」之後Susan又向Rachel介紹Elven。
 
這時Elven正式打量了一下Rachel， 頭髪及肩，大眼晴，高鼻子， 略帶點稚氣的面孔， 秀麗又很討人喜歡。
 
「久仰大名呀~」Elven客氣說了句。
 




「我其實都聽過你個大名唔少次㗎~ 好啦， 我都係陪佢等你㗎咋， 唔阻你地我返上去先喇， Byebye~」Rachel 報以一笑回應道。
 
「Byebye~」
 
 
Elven和Susan一起說了聲Bye後便走到了樓下一間糖水鋪。
 
「你近排點呀?」Susan問。
 
「都係咁啦。」Elven求其答道。
 
Susan: 「仲成日諗起佢?」
 
Elven: 「邊有可能唔諗呀…」
 




「都一年啦， 睇佢地都過得好幸福，你都係時候要抽身喇… 大家見到你好似變咗另一個人咁都好難過…」Susan擔憂地說。
 
「我都想， 但我控制唔到… 或者我仲需要幾年時間掛…」想起二份一理論Elven神色亦變得有點黯然。
 
「加油啦， 不過有啲嘢真係要靠你自己先得， 首先係你自己都真係要想脫離， 如果自己都仲成日想沉醉喺過去， 咁無人可以幫到你...」Susan語重心長咁講。
 
「我明… 但唔諗， 就好似真係同佢斷左connection咁，我唔想… 算啦， 唔好講哩啲。 你同Rachel 好friend? 專登入嚟咁遠搵佢食飯嘅?」不想再討論這話題Elven便轉了話題。
 
「係呀， Rachel係我閨密黎㗎! 我地返同一間教會， 好細個己經識佢lu~ 不過佢近排好似好忙， 都無點返教會所以咪嚟探下佢囉~  我同你講， 佢好叻㗎， 人又好讀書又勁， 有時都唔明點解佢會同我friend。」提起Rachel Susan立刻就回復笑容講道。
 
「咁我估佢性格應該都係同你差唔多掛，都係咁kai~」Elven講笑道。
 
「哩點我認， 佢個人都好好笑㗎~」誰知Susan直認不諱。
 
「咁你識唔識Annie?」提起Rachel Elven想起Jacky便順勢問道。




 
「識呀， Rachel表妹嘛， 佢都有返教會， 不過我同佢就唔太熟，做咩?」Susan好奇問。
 
「無，因為知Rachel有個表妹所以問下啫...」
 
(Sorry喇Jacky ， 睇嚟暫時幫唔到你索料… ) Elven暗地裏在想。