只想和你愛一次: 10. Annie 與Rachel

踏入大學最後一年， Elven不想人生再留有遺憾，所以他很努力帶領三隊自己一手建立的隊伍， 希望能在今年爭取好成績。
 
正當他在房裏研究這星期的training program時，一名高大的男人突然衝入了他房間。
 
「Team Captain， 我發覺我鍾意咗個女仔…」游水隊加籃球隊的隊友Jacky突然衝入了Elven房並直接訓上了Elven的床說道。
 
「Background Information 唔該。」正在沉思的Elven完全不介意他這舉動只是繼續望著program回應了一句。
 
Jacky:「Annie， Year2， L-Hall， 讀緊Nursing。」
 




L-Hall是一間女hall， 座落於C-Hall旁邊。因為C-Hall是男hall， L-Hall是女hall， 兩者地理位置又相近， 為了讓雙方宿生可以擁有正常的社交渠道， 兩間Hall不時也會合辦一些聯hall活動。
 
所謂”波可以唔打， 但女唔可以唔溝”， 就算C-Hall是新hall， 這方面宿生們還是很踴躍做攪手，亦正因如此， 兩間hall對大家各自的宿生也會有一定認識。
 
「表妹? 幾好呀，加油啦，諗住點Approach呀?」Elven仍然沒有望過Jacky一眼答道。
 
L-Hall有兩表姐妹， 表姐叫Rachel， 表妹叫Annie，二人都是同一屆學生。 因為兩表姐妹也算活躍於宿舍活動， 加上兩者都是L-Hall籃球隊， 所以Elven也知道這兩個人的存在。
 
另外還有一點Elven沒有提到的， 是Rachel其實是Elven另一個中學同學Susan的best friend， 從小在同一間教會長大， 所以是很要好朋友。
 




Susan知Elven和Rachel在同一間大學， 也曾經向Elven和Rachel各自提及過雙方的存在。 不過Elven當時沒有特別在意， 所以雙方並不算認識， 只是各自知道有這一號人物的存在。
 
Jacky:「拎左MSN， 諗緊藉口點聊佢傾計好，所以咪嚟問你意見囉， 話晒你都係C-Hall情聖嘛~」
 
「食屎啦你， 我心已死， 仲邊識溝女呀… 一係直接啲 Hi吓人介紹吓自己囉，佢應該都聽過你個名， 大家又打籃球， 實有話題啦。 有意思就會應你， 無意思就唔駛浪費時間。」Elven終於望了一望Jacky啤一啤佢，然後又對回電腦講。
 
因為整個人太大轉變， 以至Elven的故事在C-hall裏也是十分有名。 Elven的痴情讓宿友們汗顏， 因此不時也會以此取笑Elven。
 
「咁X直接? 有無方法刷下好感先呀? 一開波就咁直接我驚佢反感喎… 你知first impression好重要㗎嘛。」Jacky對Elven的提議抱有懷疑態度。
 




「你條狗公~  見係你咋， 前排佢地個Team Captain搵過我， 問我得閒可唔可以自己或者派人去Coach下佢地，你知佢地上年五個正選都係Yr3今年走晒， 依家青黃不接。 我本身想推嘅， 不過依家哩個優差梗係益你啦~ 限你三個月內要攪掂， 唔係我搵第二個去~」Elven笑笑口對住Jacky講。
 
「多謝大佬! 我即刻去預備，一定唔會辜負你嘅一番栽培!」 Jacky 講完就一臉興奮地離開了Elven房。
 
 
(其實有需要， 我可能仲有第二個方法幫你嘅， 不過等你真係攪唔掂先算啦... ) Elven望著Jacky離開的背影， 心中暗地裏在想。