你是一名在戰場上的無名士兵: Real - 第三章 - 1

「T......」係乜嘢嚟？」你問雪倫。「我唔知，我淨係喺佢身上面搵到呢張嘢。」雪倫說。你翻到便條後面。
「十...........
聖.........
三........
若........
必........
二.......
祝......」

便條好像遺漏了一大部份的內容，但是你也不知道「T」代表的是什麼。





「其實我......」你和雪倫同時說話。「你講先......」你們的聲音再次交疊。「你講先。」「其實我覺得好奇怪，啱啱嗰個係咪妳要搵嘅人？」「係，不過唔知點解佢講咗啲我好有興趣嘅嘢，又天選之人又......，佢有提過羅傑斯隊長個名。」

「咁佢有冇死到？」「應該只係暈咗，不過我哋都係快啲走。」「我有好多嘢想問。」你們走出旅館，「咁我哋走去邊？」你提着行李的雙手已經非常疲倦。「隨便啦！」她指着一間雜貨店，你跟隨她進去，「哈....哈....哈....」你不斷喘氣，「兩位客人，好趕啊？唔緊要，隨便睇下。」老闆似乎對你們的出現感到驚訝。你看到店內的物品應有盡有，你突然看見一張布朗斯帝國的徵兵清單。

「咩話？」你翻着寫着密密麻麻名字的紙張，「點解依度會有啲咁嘅嘢，仲要冇收埋？如果佢哋啲人嚟到咪大鑊？」「老闆啊，我想要呢樣嘢。」你把名單放到櫃台上。「後生仔，點解你要依樣嘢啊？」老闆說。「我比較想知點解你會有呢張嘢。」

這個時候你就很奇怪，為什麼這間店從來沒有被人掠奪過？在看似浮塵的商品中應該還隱藏了更多寶物。「後生仔，如果你就係想要，你就跟我入嚟啦。」你看見老闆叫你進去儲物室。「巴奇，你跟佢入去做咩？」「我有啲嘢想問佢，出到嚟再同妳講。」比起害怕剛才的事情重演，你更擔憂這裏有對自己軍隊不利的情報，想讓雪倫繼續搜索。

裏面有很多鎖上的箱子、一袋袋的糧食，在對面還有一扇門。「唔好鎖門。」「我明你驚咩，咁好啦。」「嗱，後生仔，正常人應該唔會對打緊交嘅嗰兩個國家嘅機密有興趣。你係邊邊嘅？」老闆一眼便識破了你的身份，但你不知道如何回應，「我冇嘢講。」





「你咁樣令我好難做。我又唔知你邊位，畀咗你都唔知幫咗邊邊。」「好，但你一定唔可以同任何人講我嚟過。」「你邊位？」「好。.......」你在他耳邊透露自己的身份。「點解你咁高軍階都可以離開前線？你哋唔係啱啱先攻入一座城咩？」「再講落去就唔啱聽。」「咁我會同上面講我畀咗一個你嗰邊嘅卒仔。」「你哋咁算唔算明顯同佢哋宣戰？」

「邊個要我哋都會畀，唔構成呢個問題。六十兩銀！你要就畀你喇。」「咁貴？」「你估我哋開善堂？呢個世界冇嘢係唔使付出代價。」「咁又係......」你把近乎一半資金交給老闆，「多謝幫襯！」他把名單放進一個包裹。

「老闆，我真係好想知道，呢份嘢你係點攞嚟㗎？」你接下包裹。

「唉，既然你咁想知，我就同你講啦。你知唔知加斯林帝國？」老闆說。「知！梗係知啦！點會唔知呢？」你回答。

「其實，呢間雜貨店係加斯林帝國開嘅。」老闆說。「加斯林帝國所做嘅嘢平時係從其他帝國手上攞一啲袐密情報，從而攞出嚟賣。」





「乜嘢話？你講多次？」你怒火衝天地對老闆說。「等陣先，我未講完。我地攞咗依啲情報之後，我哋會包裝一下，然後整成書。」老闆說。

「但係呢張嘢，我地都唔知點樣整做書，所以先特登收埋佢，點知你一眼就睇到。」老闆說。

「梗係啦，你張嘢咁顯眼，係人都睇到啦。」你在心中想。

「咁我又想問下，點解你間嘢未畀人搶過？」你問。

「哦~好簡單啫，依度方圓三百米都有我哋嘅人，一有人搶劫就會衝過嚟捉住，或者殺死打劫嘅人。」老闆說。

聽到這件事，你都不寒而慄。

「咁我想下除咗呢間嘢之外，仲有幾多間好似呢度咁嘅店？」你問。





「我哋喺三大帝國都有一間，具體其他店嘅位置我唔清楚，淨係知道喺大本營附近。」

「咁我又想問，點解你肯同我講咁多嘢，又唔隊冧我？」你戰戰兢兢地問。

「哦~你講呢樣啊，尋日有一個男人同一個女人過嚟搵過我，話如果有一個士兵同一個紅髮女人入嚟，無論發生咩事都唔好傷害佢地。」老闆說。

「我以為佢地過嚟疾我啫，點知佢地話如果傷害入嚟嘅嗰兩個人嘅話，佢哋就會燒咗間鋪佢。」

「跟住佢哋覺得都係無效果，就攞咗嚿唔知乜嘢出嚟，跟住又有道光喺嗰嚿嘢彈出嚟，打中咗牆，就出現咗個大窿。」

「我嗰陣就好驚，就話知道喇，跟住佢哋就走咗。我今日見到你都係同個紅髮女人入嚟，你又係士兵，我就覺得係你喇，所以先同你講咁多嘢。」

「既然你買，你依家嘅處境好危險，我會送隊護衞畀你。」老闆說。

「吓？有需要咩？」你對老闆說。「你依份嘢係極其危險，你返去嘅時候一定會畀人伏擊。」老闆說。「我係為你好㗎咋。而且我哋希望件貨可以留返喺買家身上。」