你是一名在戰場上的無名士兵: Real - 第三章 - 2

「好，好啊。多謝晒。」你對老闆說完這句話後便離開了房間。儘管這份厚重名單上的名字你一個也不認識，但把它交給指揮部的話，多少也會有些作用吧。

「你出嚟喇？買咗啲咩？」「好敏感，我哋都係搵個安全地方講。」在走出店門前，你回望了老闆，「小姐，冇嘢啱心水啊？」「雖然都幾得意，但係我唔需要。」「咁好啦，有機會嘅話請再嚟買嘢！」

你一走出門，就看見十多個大漢圍着你。「你就係客人，係咪？」其中一人說。「佢哋係咩人嚟㗎？」雪倫依靠着你說。「唔使擔心，佢哋係嚟保護我哋㗎。」「保護？咩意思？」

「凡係喺我哋鋪頭買過某啲商品嘅客人，我哋都會嚟幫佢哋，直到我哋認為唔需要為止。」「咁如果我想叫你哋走呢？」「唔係唔得，但我哋要傾過先。」護衛們都穿着堅硬的裝甲，而且給人一種閒人勿近的氣息。「仲有，我哋希望可以低調啲。」你提着行李流下冷汗，「既然係咁，可唔可以幫我哋拎呢兩箱嘢？」「冇問題，」兩個打手隨即釋放你的負擔，「我哋一開始可能睇落好得人驚，其實我哋好玩得。」

「合作愉快。」你和他握手，「唔使太在意我哋，你哋可以做返自己嘅嘢。」「咁你哋住邊？」雪倫放開你。「我哋會同你哋住喺同一間旅館。」「原來係咁，既然仲有啲時間，不如我哋去防具店買啲嘢防下身。」「妳有咩要買？」你想起自己還未告訴雪倫名單已經用了你們一半儲蓄，「所以我咪去睇有咩啱用。」「大佬大家姐，既然你哋想去防具店，我哋有間好嘢醒你哋！」一名守衞說。





你們去到守衞說的防具店，你看見門面非常殘舊。「呢間嘢真係得㗎？」你問。「放心！好嘅嘢往往隱藏喺凡塵之中！而且呢度啲嘢好平！我知道你買咗嗰樣嘢之後冇晒錢，所以我哋先帶你去依度！」「咩話？冇晒錢？」雪倫驚訝地看着你。「我返到去再解釋......」你不敢直視她。「我哋會喺出面睇水，我相信你哋一定會有好收穫。」「希望啦。」既然都來了，你決定看看到底有甚麼值得護衛們推薦的。

你們進去後發現一個人都沒有，只有整齊的擺設告訴你這裏經常有人打理。「有冇人？」你對着陰暗的空間呼喊，在窗戶透進來的少許陽光是唯一回應。「不如我哋周圍睇下先，」雪倫環視四周，「好乾淨，應該係一時走開咗啫。」「好。」你並非沒有懷疑過這是陷阱，但這裏的強盜會用那麼多手段來掠奪的嗎？

你走到櫃台，除了幾個木箱，有一張畫上許多圖案的紙，「睇唔明......」似乎是設計圖，而且在說明很多機關的作用。當你正要伸手細看時，一個人突然從櫃台後的房間衝出來搶走。他看着設計圖喘了幾口氣，「呢張樣好緊要㗎！唔係任何人都可以睇，得我睇得。」你看了那個人一眼，發現她是一個女生，非常年輕，但似乎已經經歷過無數危難。「咩事？」雪倫轉身看着你們。

「睇下有咩問題？」你想搶過設計圖，「等陣！」你看見她從背後拿出一枝很長的東西對着你。「妳拎枝矛出嚟有咩用？」你拋出劍，「喂！發生乜事，冷靜啲好唔好？」雪倫跑到你身邊。「矛？的確好多人第一次見到都會咁叫，但係，」「我出面有十幾個人，我隨時都可以叫佢哋入嚟。」「你講嗰啲係咪成身裝甲，睇落唔知大隻定肥嘅傭兵？」她一邊退後一邊繼續用「長矛」指着你。「妳點知㗎？」

「唔好郁。」她說完便離開，特別用力地把門關上。「好後生，點解佢會自己一個喺度？」「妳以前咪又係咁。」「又好似係，但呢度明明係防具店，點解會有長矛？」「驚有人打劫啩？」她出去不久，數個護衛便跟着她進來。