你是一名在戰場上的無名士兵: Real - 第二章 - 4

「好攰......」你一爬上床便進入夢鄉。「喀喀喀！」一陣敲門聲把你叫醒，你抹了抹眼睛，「邊個？」「係我啊副隊長。」隊長的聲音從門後傳來。「我依家嚟！」你穿上靴子後便馬上應接。「早晨啊！副隊長！得唔得閒嚟開會？」羅傑斯隊長親切地說。「好啊。不過我可唔可以食啲嘢先？」「咁你去食堂先，我哋會等你。」隊長離開了。

「第一日正式做副隊長就要開會，之後咪仲多嘢做？」你關上門後開始抱怨。當你想穿回軍服時，「係喎，尋日唔記得洗，依家去又唔會幫我洗，」你想起昨晚雪倫用來洗腳的那盤水，「佢應該換咗水。」你離開房間走到雪倫房間的門前，你嘗試進去，「竟然冇鎖？」你不斷按下門把，「都係快啲入去攞完走人。」

你盡量緩慢地關上門，盤子就像等着你般放在書桌上，「好彩依家冇乜光，應該仲涷。」你放輕腳步走向窗前，「唔.....唔......」還在睡的雪倫發出一些令你心跳加快的聲音，她穿着一樣的白裙在床上不斷左右翻動。「應該係第二條嚟，冇汗。」你再減低移動速度。

你觀察地面有沒有任何會絆倒你的雜物，「好乾淨。」完整的木板也沒有突然大叫，你的心跳變得非常快，「要專注，專注。」你努力把書桌視為唯一的目標。「唔.....唔....！」她的聲音打破了你的規律，你差點跌在書桌前，「好，好險。」你在撞擊前恢復平衡。

「終於到喇。」你盯着伸手可及的水盤，「你想要咪攞去囉，我唔使用。」「！」你慢慢地將頭轉到床的方向，每轉一下你的冷汗便愈流愈多。「原來仲發緊夢。」你看着睡得正香的雪倫。「不過，連有人入嚟都唔知仲要冇鎖門嘅人係咪要懲罰下？」你決定放下水盤，比剛才更慢地走到床邊。





你看着她懵然的睡貌，還有誘人的身材，「唔好怪我，就算唔係我，遲早都會有人郁手。」你趁她回到正面時爬上床，「好靚......」她散亂的紅髮和純樸的身體不斷刺激你。當你想吻下去時，你聽到身體下方的位置有甚麼碎掉了。「啪。」「咦？」你看見她的右膝重擊你，你和她四目相投，然後你從床上滾到地面。

「啊......咕啊.....」你痛得連一個字也說不出，只能掩住自己的重要部位。「我係唔明點解你會咁做，大慨係想整蠱我，所以我就咁算。」她下床，「啊......」你向她伸手，「我知你覺得我對你有意思，不過人唔係咁做。」她拿起劍鞘，「啊......」「如果你肯認認真真咁問我，或者我會考慮下。」她拔出劍，「啊......」「你下次再咁樣，我就將佢斬落嚟，為民除害。」她把劍指着你的雙手，「啊！！！！」

你的意識開始消逝，你的口開始吐出白沫，「巴奇？我講笑咋！唔好死！」她掉下劍，然後跑開。「睇嚟我揀錯咗......」你閉上眼，然後一盤冷水直接撥到你臉上。「啊！！哈！！咳咳咳！」你不斷喘氣，「你冇事就好喇！」她拋下木盤。「妳好似真係想殺咗我。」你扶着床邊站起來，「好痛又好涷......」你抹掉眼邊的水，「呢啲係咪妳啲洗腳水嚟？」

「梗係唔係，我一早換咗。你以為我真係咁蠢？」她蓋嘴看着你，「我依家終於知道咩叫喺水入面着火死......」你濕透的頭髮墮下來遮蔽了你部分視野，你雙腿之間又不斷發痛。「啲水喺邊度拎？」「樓下櫃台後面間房。應該唔飲得。」「點解妳唔早啲同我講？」「同你講咗，你又點會咁做？」她大笑。

「妳係邊度嘅人？」你嚴肅地問。「你咪講咗我係旅人。」「咁啫係冇辦法證明妳唔係對面派嚟嘅間諜啦。」你踢開她的劍到牆角，「等陣，你想做咩 -」「妳仲要打到我咁，好明顯係想減低我方戰方。」你一路迫近，你每走一步她便退後一步，「唔係，如果係咁，我點解要同你哋講有埋伏 -」





「因為你哋知座城守唔住，所以索性用美人計。」「唔係咁，唔係咁㗎，啊！」她被逼到牆邊，你用左手拍向她旁邊的牆，「我都覺得唔好意思，但係我認為有需要帶妳去問話。」她一臉驚恐的面孔令你非常歡愉，她從站立變成蹲在地上，「你，你講真㗎？」你露出深海怪獸般的笑容，部分冷水滴在她的腳上，「妳覺得呢？」

「啊......啊......點解，點解又係咁......我只係想搵個可以住嘅地方啫......」她縮成一圈並且開始哭起來。「我，我講笑啫。」你知道自己玩過頭了，「真係？」她抬頭用楚楚可憐的雙眼注視着你，「梗，梗係。」你用輕佻的語氣說。「好。」她站起來，拿回劍，「咁我依家幫你切咗佢。」她拔劍走向你。

「等，等陣，點解妳可以玩我，我唔可以玩返妳？救命啊！」你拔腿便跑出房間，「咪走啊！」她追着你。