你是一名在戰場上的無名士兵: 第11章 - 3

佛羅司令點了一下頭，「咁詳情等探子返嚟再傾，你哋可以出返去先。」「係！」你和其他人走出會議室，只有羅傑斯隊長和佛羅司令留下。

你眼見還有一點時間，便去街道看看有沒有令你感興趣的東西。

當你剛吃完在水果店買的蘋果時，你在街道上雪倫和另一個人在同行。「雪倫！」你朝她們跑去。「巴奇！開會開成點？」雪倫問。
在雪倫旁邊的人身高短小，給人很熟悉的感覺，你認出他是剛才在酒館的人。

「你好，我叫巴奇，你係？」你向他伸出手。

「唔好意思，我呢位朋友比較怕醜。」雪倫好像在掩飾甚麼。





那人鬆了一口氣，彷彿完全不想被你發現他的身份。

「喂！我睇到㗎！快啲報上名來！」你命令那個人。

因為身高的關係，他爬在雪倫身上，並在雪倫的耳邊說了一些話，雪倫點了幾下頭。

「巴奇，跟我哋嚟。」雪倫說。「做咩？我認為呢個人好可疑！」你準備拔出劍。他則是稍稍將身體從面對你的方向移向另一邊。「喂！我數三聲，三、二......」當你在倒數的時候，他拍拍雪倫的腹部，並向一條小巷跑去，雪倫也跟着他離去。「喂！唔好走！」你馬上追趕兩人。

她們走到盡頭前停下，「你冇路走喇！」你用劍指着他。「巴奇，冷靜啲！」雪倫站在他前面擋住你。「雪倫！妳唔好阻住我！呢條友好可能係間諜嚟！」你擺出架勢。「你信我，佢唔係啲咩可疑人物嚟。」雪倫把手放在胸前。「我都好想信妳，但佢哋咩都做得出，可能連妳都畀佢催眠咗定唔知點！」你不可以在開戰前冒任何風險。





「唉，咁冇計啦......」雪倫朝你做來，「做，做咩？」你放下握劍的手，她愈靠愈近，令你不知如何是好。「又好似真係冇乜嘢咁.....但嗰條友硬係令到我個心唔舒服。」你觀察雪倫的神情，一邊思考着對應方法。「打佢又唔係，就咁唔理又唔係......」「唔使諗咁多喇。」「！？」雪倫抱着你並和你接吻，「做乜......」當你正想反應時，你感到後腦被人重擊。

你連呼喊都做不到便昏了過去。

當你醒來時，你又回到了兵營，躺在帳幕的床上。雖然你被打暈，但醒來時你卻感到格外精神。

而且更奇怪的是：

「巴奇，你醒喇？」尼克說。





「會議完咗幾耐？」你問。

「十分鐘。」

「乜嘢話？」

明明你感到昏迷了一段很長的時間，還是那種「山中方一日，世上幾千年」，只不過自己是在世上。

「我啱啱明明見到雪倫同唔知邊個喺度，跟住我畀人打暈咗...雪倫有危險！」你馬上衝下床。

「等陣先！啱啱雪倫已經嚟過，佢冇事。」尼克說。

「吓？咁你有冇見到佢隔離有個人？」你說。





「冇。」尼克說。

「不過我嗰陣好似一啲唔自在咁囉。」他補充。

面對完全不合理的時間，你心中已經得到了一個答案，但內心抖動得非常快，你決定暫時不再想。

「係喇，視察兵已經返咗嚟，佢哋話見到對面有個人氣勢好猛。」尼完繼續說。

對於這個人，可能是之前已經對戰過的對手，也可能是之前從未見過的強敵，似乎當看見那個人時要格外小心。

此時，帳幕被打開了。

「尼克先生，我有啲嘢要搵你。」海迪路絲說。

「原來巴奇...你喺到...哈哈...你聽埋都無所謂。」海迪路絲的臉上露出一絲紅霞。





她從箱中拿出了一套盔甲。與其說拿出，她一直都拖著它來走，箱的頂部有一個長長的握把，箱的四隻腳也裝上了輪子。

「啲轆有咩用？」你問。

「個箱咁重，我搬又搬唔起，四個角又咁尖，我咪加啲轆上去囉。」海迪路絲說。

「咁同馬車有咩分別？」尼克問。

「馬車係用嚟裝人同貨，而我呢個係用拖啲細嘅嘢，睇嚟搬運工人可以失業喇。」海迪路絲笑了一聲。

「係喎！如果用嚟運輸，長啲嘅可以用馬車，路程短啲嘅可以用呢啲。」尼克說。

「而且仲唔驚震嚟震去震爛啲貨，你哋陣間都可以用，搵幾個人拖住咪得。」海迪路絲自信滿滿地建議。





但始終沒有人熟悉如何操作，在關鍵時候很容易失手。

「我陣間搵人傾下。講返套甲先。」你說。

「呢件嘢就勁喇。」海迪路絲彷彿雙眼發光，但你充滿了好奇心。