你是一名在戰場上的無名士兵: 第11章 - 2

在三天前，羅傑斯隊長和剩餘的士兵也回到城內，而且疲倦不堪。

數百兵馬隨着打開的城門衝進來，地上的泥漿也在訴苦。聽聞消息的民眾也圍着他們。領頭的羅傑斯隊長急促地喘氣，後頭的士兵就像支撐不住的樹幹。

人羣間漫延着擔憂的氣氛，你上前向隊長詢問情況。「隊長！你哋終於返嚟喇！」你跑到他騎着的馬旁邊。「係啊，終於。詳細嘅情況我陣間同你講，依家大家都需要休息。」他回頭望着士兵們。

「啊....啊....」「我就唔得喇....」在城門前的空地，傳出許多要求救聲。你隨便向羣眾瞄了一眼，看到雪倫、海迪路絲、尼克憂心忡忡的樣子，「佢哋到底想點樣？」你向着空氣詢問。「副隊長，佛羅司令喺邊？」隊長似乎找不到司令的蹤影。

「司令喺兵營。使唔使我帶路？」你問。「唔使，我之後再同司令匯報。請各位散開！」隨着羅傑斯隊長如雷貫耳的叫聲，人們紛紛分開，士兵們也跟隨他回營。





馬蹄和腳步聲不絕，直至聲音逐漸遠離前，沒有民眾發生半點聲響。這並不是冷漠和不滿的宣告，而是體諒和理解的私語。「好似啲咁嘅情況，我都係幾個月前先見過......」你低下頭默不作聲。

直至你向隊長了解撤退的情形，才明白大眾的心情。

小鳥的鳴叫將你從回憶喚醒，「都差唔多係開會嘅時候喇。」你走向會議室。

羅條斯隊長和佛羅司令，以及其他人都一早在等待。「副隊長，你嚟喇，咁我哋可以開始。」羅傑斯隊長的神情和平常一樣。他指出地圖上的安哥要塞，「各位，今日終於到喇，試問我哋等咗幾耐，先可以打呢座要塞？」

「好似上世咁耐！」一位褐色頭髮，比你還年輕的士兵說。





「冇錯！布朗斯帝國已經玩夠，只要我哋攻咗安哥要塞，就可以直入布朗斯帝國的深腹，加快戰爭嘅完結。」

除了戰事，還有「天選之人」、戰爭背後的陰謀...要顧的東西實在太多。

「依家我哋已經派咗人去視察敵軍，應該好快會返嚟。」

「依家請佛羅司令同我哋講啲嘢。」羅傑斯隊長退後，司令站在桌前。

「各位，我知道你哋好攰，特別係喺敵人神出鬼沒嘅情況下，執返條命已經可以感謝上天。但係，如果我哋唔報仇，我哋死去嘅同伴、朋友、平民都唔會安息。國王已經派咗更多兵落嚟，所以今場仗，你哋可以留喺比較後排嘅地方，除非......」司令停下來。





「我知各位好想打返佢哋轉頭，但我哋已經好傷，再勉強損失只會更大。」當羅傑斯隊長嘆了一口氣，原本幾個想發言的士兵都收起怒火。