你是一名在戰場上的無名士兵: 第11章 - 4

「呢套甲係刀槍不入，而且比佢應有嘅重量輕，就算係普通人都著得到。」海迪路絲說。

雖說是輕，但看起來比一般的盔甲仍要重上許多。

「尼克先生，我相信你可以著嚟用。」海迪路絲對尼克比了手指頭。

「點解唔係我著？」你問。

「你著？你著嘅話，你一定駕馭唔到，一定會即時仆落地。」海迪路絲抱着諷刺的語氣說。





的確，你也知道自己極為魯莽，況且，你還拿著「緋紅之劍」，如果全身都是第一次用的裝備，隨時死了也不知道發生甚麼事。

「如果真係刀槍不入，你唔整多幾件派街坊？」你問。

「你真係唔識㗎喎，話明刀槍不入，點會用乜都整到？呢個係我用咗好耐去搵，最近先整好㗎。」海迪路絲對你露出一雙彷彿在嘲笑無知的眼神。

「不過，呢套甲有一個弱點，就係唔好衝咁前。」海迪路絲說。

「咁個弱點係？」尼克問。





「士兵總會有好戰之心，戰場總會有意外之事。你一時性起，大意就唔好喇。呢套甲嘅弱點就係會引起著呢套甲嘅人嘅暴戾。」海迪路絲說。

「妳搵啲咩整套甲？」你問。

「喺加斯林帝國嘅南方，係一座山，山上面有寶石，寶石有一種好特別嘅嘢，識發光嘅，叫「狂暴結晶」。」海迪路絲說。

「妳居然用啲一聽嗰名就知唔老嚟嘅嘢嚟整甲，果然係發明家！」尼克大笑。

「的確，想整啲前所未有嘅嘢係需要勇氣同嘗試嘅，咁你即係用尼克做白老鼠？」你說。





「唔係，我一早搵人試過㗎喇，效果幾好。」海迪路絲說。

「咁隻白老鼠點樣克服副作用？」尼克說。

「我同佢諗咗好耐，最後諗到一個方法，就係要不時退後。」海迪路絲說。

「當中嘅原理係咩？」尼克問。

「當一個人後退嘅時候，會產生緊張甚至驚慌嘅感覺，你就係要用呢種相對負面嘅情緒嚟冷靜。」海迪路絲說。

「聽落去又幾有道理...咁尼克你趁仲有時間出去試下先啦。」你說。

那套盔甲上面刻了用黃色刻成龜的圖案，有一些紅色的紋，但反射的銀甲仍主導著盔甲。

「都幾唔錯...」尼克一邊揮劍一邊移動。





「我都話啦！只要你唔好亂咁衝前，就唔會有事。」海迪路絲裝出一副洋洋自得的樣子。

在這時候你突然你想起在之前的戰役中，柏林布曾經說過安哥要塞有着非常恐怖的事物。

你開始在想這會不會是錯誤，或者戰爭的關鍵，又可能是比戰爭還會藏得更深更暗的東西。

再進一步，「緋紅之劍」可能根本不是碰巧看到的，而是有人故意叫老闆給你的。

但你也不一定會進武器店，這又說不通....

「巴奇？」尼克喚醒了在思考中的你。

「我冇嘢，只係覺得呢一切都好唔妥。」你說。





「兄弟，我相信事實，至少事實嘅一部分就喺嗰個濕鳩要塞入面，只要我哋頂住，一定會知道真相。」尼克嘗試鼓勵你。

「點解你好似我哋其中一個一定要死咁嘅？講笑啫，我哋一齊返嚟去飲返杯！」你說。

海迪路絲在你旁邊好像想提醒你甚麼，顯然不是重要的事，於是你摸了她的頭。

「唔嗯！」海迪路絲很滿意。

「所以，如果我喺中途發現咗啲咩，我會同你哋講，咁我走先喇。」海迪路絲往兵營出口走去。

「等陣！」你叫停她。「做咩？」海迪路絲回頭。「妳可唔可以幫我跟住雪倫？不過一定唔可以畀佢發現。」在被前後夾擊的時候，你只好叫她去監視雪倫的情況，畢竟如果那個人真的是間諜的話，在開戰時便正中他的下懷。

「你係驚佢去偷.....」當她正想說下去時，你瞪着她，「唔係啊，總之你要跟住佢成日，直到我哋返嚟為止。」「你講到好似好大件事咁，不過我知道喇。」「唔該晒。」你向她道謝後，她便離開了兵營。

「都差不多時間喇。」尼克向你點頭。





你們走進會議室，其他人都到齊了。

「你哋嚟喇，咁我哋可以開始。接著啱啱停咗落嚟嘅地方，啱啱我哋嘅探子發現咗對面有一個完全未見過嘅人。」羅傑斯隊長拿起畫說。

那個人有深藍色的頭髮，眼神空虛，鼻子稍短，整體來說還算上等。

「睇嚟敵人已經知道咗我哋嚟緊，佢哋依家應該準備緊對策。」羅傑斯隊長回到地圖。

「喺安哥要塞前面，係一片好大嘅空地，大到可以畀馬跑足一分鐘。」羅傑斯隊長指著地圖上一片空無一物的地方。

「副隊長，你有咩意見？」羅傑斯隊長將頭朝向你。

你對敵軍的那號人物非常有興趣，又想給敵方一個下馬威，也許可以從緋紅之劍中發現一些新能力。





正如老闆所說，如果他的說話是真的，緋紅之劍是世上獨一無二的劍，那麼它獨一無二的地方是甚麼？

你為了找出問題的答案，決定先和敵方大將決鬥。

如果敵方大將就是那個人，那就正合你意，如果不是，可以刺探敵情。

「我想同敵方大將一對一單挑。」你非常肯定地說。

羅傑斯隊長擺出一副驚訝的樣子，在帳幕內的其他人也被嚇到了。

「你想咁做一定有你嘅理由，我可以做嘅我希望係唔好死。」羅傑斯隊長馬上寫了戰書命人送往敵陣。

「關於你哋打完之後，我哋再嚟講下要點做。」羅傑隊長說。