你是一名在戰場上的無名士兵: 第10章 - 2

你離開兵營後，決定去酒館暢快一下。你進到酒館，有些顧客在舉杯暢飲，有些在談天說地，有些散發着嚴肅的氣息。你在酒館的角落看見一個神情緊張的女人。

你走到那個女人旁邊靠着牆，她移過了一點。你再向她移近一點，她又向左移去。「你......你想點？」那個女人好像想拔劍。「我哋係咪喺邊度見過？」你凝視着她淺藍色的頭髮和黃色的雙目。

她面有難色，「呢啲咁垃圾嘅嘢都講得出？」「我講笑啫，我想搵妳講啲嘢。」你行禮。「我又唔識你，你做咩係咁癡埋我度？」她的語氣變得和她土黃色的衣服般帶着攻擊性。

她望向你的肩膀，然後「哦」了一聲，「士兵大佬有咩貴干？」「妳嚟依度做咩？」你為了試探她的意圖和出現在夢境的原因，問了一個應該沒有答案的問題。「既然你想知，我同你講都無妨。」她離開牆壁，指示你跟隨她。

你們離開喧鬧的酒館，走到一條空無一人，只有老鼠竊竊私語的小巷。「咁我就直接講，」她靠着磚牆並用棕紅色的長靴「咯」了一下，「我係由加斯林帝國過嚟嘅，聽聞兩方交戰，國王就派咗我過嚟睇下邊一方值得幫。」她說。





你一聽便覺得不妙，目前戰爭已經非常混亂，如果還有其他國家插手的話，情況會一發不可收拾。「吓？妳係加斯林帝國派嚟嘅？咁妳覺得邊一方值得幫？」你提高了警戒心。「我唔知啊，所以我先嚟睇下邊一面值得幫囉。」她說。

此時你想起戰事很快便會展開，你便勸說她，「妳依家就要返去你嘅國家，我哋就嚟開拖，絕對唔好走入兩國國境！」她就像看不起你一樣竊笑了一聲，「你當我係咩人？其實我之前都去過布朗斯帝國，依家你哋開戰，咪正正係我可以觀察嘅時機囉！」

的確，她並不是一般平民而是有任務在身的密使。「咁妳覺得布朗斯帝國點樣？」既然她到訪過那裏，也許可以得到點情報。「嗰度啲技術好過你哋，不過我聽到好似有個聰明嘅人幫緊你哋手。」她說。你默不作聲。

她嘆了一口氣，「既然你唔想講就冇計啦。嗰度同加斯林帝國唔同，涷好多，我都差啲頂唔順。」「南方嘅氣候同北方唔同。」你說。

「嗰度真係好涷，我咁大個女都係第一次去其他王國。」她拉高聲線說。「我唔知妳咁講係咩意思，不過加斯林帝國係點㗎？」你看得出她與任何一個當地人都是說同一句話，不過明說出來也沒有甚麼用。





「嗯......我哋平時會一齊整啲嘢。」她說。「整乜嘢呢？」你認為這樣特徵和某個你認識的人很相似。「一啲新奇好玩嘅嘢。例如可以摺埋嘅木頭。你有冇諗過木係可以摺埋一齊？」她說。

你對加斯林帝國不是很熟悉，但他們的科技水平似乎很高.....咦？「好有趣，可惜我依家打緊仗唔可以去嗰邊見識下。」你笑着說黃決定隱瞞自己剛剛才在加斯林帝國的事實。「唔緊要，你終有一日會去到嘅。」她說。