你是一名在戰場上的無名士兵: 第10章 - 1

在城裏，人們如常地生活，這使你有一種不安的感覺。你走到兵營，嘗試尋找羅傑斯隊長。「喂，唔該我想問下......」你向一名正在整理桌上文件的士兵問道。他轉過頭，「係巴奇副隊長啊！佢返咗嚟！」「嗚哦哦哦哦哦！！！！！」在場的十幾個士兵朝你衝來並嘗試舉起你。

「歡迎返來啊副隊長！」一個士兵說。「我可以見到呢一刻真係好感動啊！！！！」另一個士兵愉悅地說。「我相信大家都好開心，但係我想問下羅傑斯隊長喺邊？」你問。

「羅傑斯隊長佢唔喺到，上頭派咗倫斯司令嚟。」一個士兵說道。「倫斯司令？唔係啩？」你問。「各位兄弟，我哋帶副隊長去見倫斯司令！」一個士兵說道。

雖然你沒有真正見過倫斯司令，但他非常嚴厲的傳聞在軍中也不時流傳。既然他來到，看來這一場是無可避免的。

士兵們把你帶到會議室，你覺得在中間的男人應該就是倫斯司令了。他棗紅色的毛髮滿臉，就像一隻獅子，眼睛更是可以把人盯死
，同時又擺出一副年老的神情，棕紅色的笨重盔甲只是增加了他的威嚴。





「你好啊，劉巴奇副隊長。」他伸出他的右手，你伸出右手與倫斯司令握手，他的手比任何一個人都要結實。「幸會！幸會！」你們兩人打了招呼後便開始談正事。

你們圍着桌子上的地圖，「我哋依家係贏緊嘅......但係呢，依家實在有太多不穩定性，特別係之前你哋全部畀人捉走咗，個城都畀佢哋攞走咗。」倫斯司令說。

「咩話？估唔到個城咁就冇咗......到底佢哋係點做到？」你問。「根據被捉嘅人講，都係突然有堆人衝出嚟。」倫斯司令說。你擔心當時被留下的人，「咁有幾多人走到？」「喺原本嘅軍隊人數入面，得返七成。」「咁啫係格利得林走咗之後，其實仲有更多人埋伏喺度？」你稍微激動地說。「應該係咁，基於呢件事，我有啲嘢想同你講，不過等我哋做埋應該做嘅嘢先。」你感覺到倫斯司令很不滿，其實你也知道自己的下場。

「嗯......我地依家要點反擊呢？」你說。「我哋沿著原本嘅計劃，去打安哥要塞。」倫斯司令指着地圖上的安哥要塞。。

「等陣先，我哋幾時出發？」你說。「我哋諗住一個禮拜之後就出發，」倫斯司令指着地圖上數塊代表我方的木牌，「依家動員緊，當物資同全部人準備好嗰陣就會出發。」支援正從不同的方向過來。





「如果你冇嘢問嘅話，你可以走喇。」他沉重地說。「係。」你雖然有點害怕，但仍故作鎮定地回答。