你是一名在戰場上的無名士兵: 第9章 - 6

「我送完你返去就會走。」凱倫坐在草地上吃着燒雞。「妳點解會隨身帶住嘢食？」當你剛才看見凱倫從衣服的袋子中拿出冰鮮雞的時候，你被嚇到了。「多一手準備啫。」凱倫又咬了一口。「未來嘅世界係點？」你坐在她旁邊。

「好大，好好玩，好煩。」凱倫把骨頭放進一個小小的袋子裏。「啫係點？」你問。「比依四個王國大好多，有好多嘢可以做，有好多嘢要做。」凱倫縮緊眉頭。「不過我點解釋你都唔會明，你冇呢啲「概念」。」凱倫又說。「你未見過，未聽過嗰樣嘢，又點可以理解？人類都係經過好長嘅歷史先發展成咁。」

但你的世界和她的世界是兩個截然不同的存在，的確繼續追問都沒有意思。「我去瞓先。」你躺在草地上，仰望着星空，睡着了。

你到了不同的地方，因此你不知道在離開後發生的事。到底其他人還安全嗎？回去後等候着你的會是甚麼？

顯眼的陽光讓你張不開眼睛，你向左翻然後站了起來。你掃掉衣服上的雜草，「你有冇諗過換套衫？」凱倫在後面對你說，她的披風變成了一套褐色、材質看起來又硬又軟、不像任何一套這個世界上存在的服裝。





「咁妳又着緊咩？」你看着她，她的衣服上散發着嚴肅的氣息。「軍裝，同你一樣。」她拍了拍左胸上的口袋。「未來人着啲咁嘅衫㗎咩？」你問。「其實唔係，呢件其實都算係古董，未來人唔會自己上戰場打仗。」她說。「咁點打仗？」「其實你已經試過，不過都係唔好講咁多。」她咳了幾下，然後拿出了手槍，召喚兩隻馬。

「我哋都係快啲行。」她騎上馬，你跟着她騎上馬回到路上。

你們經過數十分鐘後，來到愛莉密斯之城的城門前。

「咦？點解妳帶我嚟依度？」你問。「經過尋日之後，你國家嘅軍隊就準備同布朗斯帝國死過，依家喺度動員緊。」凱倫說。

「咁即係點？」你問。「即係你嘅朋友都係度囉！你返去你應該去嘅地方就搵到佢哋㗎嘞喇，我都係時候要走先，你自己入去啦。」凱倫說。





「咩叫我應該去嘅地方？」你問。「咪兵營囉。......」她沉默了數秒，「我係時候要走，你應該好耐都唔會見到我。」她下馬並指示你，你下馬後她便召回馬匹。

「咁......」「你咩都唔使講，當我冇存在過，你同我冇講過嘢就得。」她一邊說一邊後退到樹林，直到不見為止。