你是一名在戰場上的無名士兵: 第6章
自從你來到安杜城，已經過了一個月。
你從床上爬下來，整理了一下便叫雪倫起床。
「起身喇！」你說。「啊？下？好似係啵！我哋搵埋海迪路絲就會走人。」雪倫抓了抓眼睛說。
你們走到大堂，退回房間離開旅館後，耀眼的陽光令你差點張不開眼，而護衛早在你前面等待。「大佬，我哋係咪要走喇？」一個護衞說。「係啊，我哋搵埋人就走。」你說。
你走在街道上，還是那麼寒冷，那棵大樹想長出樹葉但留下乾枯的樹枝，小孩在空地上踢着皮球，店主在店內叫賣，路人在路上有說有笑。你走到海迪路絲的店。
「唔好意思啊，我要搬喇，你有機會再去第二度搵我啊！」你聽見海迪路絲說。「啊！係咁啊，雖然你畀我嘅嘢都好有用，不過妳咁快就走真係可惜。」一名男子說。
「後會有期。」海迪路絲說。在店前的那個男子離開後你才走上前。「咦？都係時候喇，我哋快啲行啦！」你看見海迪路絲身後的一大堆物品，你有點呆滯了。
「我想問下妳後面嗰堆嘢係咩？」你問。「依啲係我嘅發明嘅材料，設計圖，原型，同埋其他嘢，不過枝火槍我放咗喺我件衫入面。」海迪路絲說。
「你唔驚掂到個制然後射到自己咩？」你問。「喺呢幾日我幫枝槍加咗個制。你要按返個制先可以開槍，同埋個制都幾難㩒下，所以唔會咁容易射到自己。」海迪路絲說。「哦~原來係咁。」雪倫點頭。
「我想問啱啱嗰個男人係邊個嚟？」你問。
「嗰嗰係我嘅好朋友，關於佢嘅事，有機會再同你講！」海迪路絲說。「我叫啲馬車應該差唔多嚟。」海迪路絲望向街道的兩方，然後在左方有十多輛馬車駛來。
「唔好意思，又要麻煩你哋。」海迪路絲說。「點會呢，我哋有嘢做先開心。」馬伕說。你和雪倫坐在同一輛馬車，貨物、海迪路絲、護衞各自分開在不同的馬車。
馬車出城後，雪倫和你談起一個月前的事。「我想問下你喺雜貨店度買咗啲乜？」雪倫坐在你左邊問。
「我買咗呢樣嘢。」你拿出布朗斯帝國的徵兵名單。
雪倫把名單一手搶過來「咩話？點解間嘢會有啲咁樣嘅嘢？」「說來話長。個老闆......」你向雪倫解釋。
「所以成件事就係咁。你喺間旅店房嗰陣發生乜事？」你問。「嗰陣，我入咗去之後......」雪倫解釋。在雪倫說清來龍去脈後，
「咁都幾...驚人。邊個係「天選之人？」」你問。
「我都唔知，連係男人定女人都唔知。」雪倫說。
「我睇下份名單先。」雪倫說。「好啊。」你說。
當她讀完後，雪倫突然大叫，連馬伕也轉頭看發生了甚麼事。「冇事。」你對馬伕說。「做乜嘢？」你問雪倫。「我見到......有個我識嘅人喺入面。」雪倫說。「咩話？咁佢依家喺邊度？」你問。
「就喺溫斯輪之城入面。」雪倫說。「咩話？點解會咁嘅？」你問。
「係咁嘅，話說喺一個月前，愛莉密斯之城咪受襲嘅，嗰陣我同佢失散咗。」雪倫說。「咩話？咁我哋有冇機會救佢出嚟？」你說。
「應該冇。佢依家應該好憎我。我諗就算我哋救咗佢，佢都會對我哋有敵意。」雪倫說。
「的確，我哋依家嘅立場本身就係敵人」你用右手頂住下顎說。
突然馬車停下來了。「發生咩事？」你站起來。
「等陣，唔好出去住。」你聽到刀劍交錯和人在爭吵的聲音。「份嘢係邊度？」你聽見一把陌生男子的聲音。「喂！你做乜嘢啊喺度？」你聽見一名護衞說。護衛們正在和一羣人交戰。「去死啦！」「哼」戰況十分激烈。
「既然我哋畀人發現咗，冇辦法啦，兄弟，上啊！」你看見有十幾個人從兩側的樹林衝出來。。「喂！大佬可唔可以幫下手？」一名護衞正在和敵人爭持不下的護衛說。
「我哋去幫手。」你向雪倫說。「嗯。」你走出馬車，四方八面都是正在交戰的護衛和強盜。
當你正想幫忙時，「啊！」你聽見後面的雪倫在大叫。她被敵人脅持了。「啊！」你聽見在前方的海迪路絲在大叫。她也被敵人抓住了。
「喂！」你向脅持着雪倫的男人衝去，然後你的一下飛踢，把他踢飛了。
「唔該晒啊！」雪倫說。「啊！」海迪路絲大叫。「呢枝係乜嘢嚟？」一個敵人說。「唔理喇！有兩個制，兩個制都㩒啦！」「碰砰！」你看見一個鐵球飛過，然後打中一輛馬車，發生了爆炸。
「轟！」你被爆炸的衝擊波炸到了道路外。你在山坡一路滾，滾到了一個森林。海迪路絲，貨物，雪倫，一個敵人和一個護衞伴隨你掉了下來。
你見敵人對你尚有敵意，「嗱嗱嗱......大家冷靜啲先，依家嘅處境對我哋好危險，不如我哋放下成見，一齊逃出去依個森林先，好冇？」你說。「好你老母！」敵人說完便走了。
「啊......咁我哋依家至少可以一齊行喇，係咪？」你嘗試舒緩這個尷尬的氣氛。「我枝火槍啊，冇咗喇......」海迪路絲用雙手掩住眼淚說。「我哋依家要點返去啊？」雪倫說。「大佬，我點都會支持你！」護衞說。
「我明...畢竟佢幫咗我哋好多手...」你摸了摸海迪路絲的頭。「鳴啊......我枝槍無咗喇......我用咗好耐先整到佢出嚟！」你看見海迪路絲的眼淚像湧流般流出來。
你繼續撫摸海迪路絲的頭，「啊......啊......好舒服啊......再摸多次啊。」海迪路絲抬起頭說，她的眼淚掉到地面上。
「你唔好唔開心啦。」你說。「我，我......把槍係我嘅心血嚟㗎！依家畀啲衰人整壞咗！」海迪路絲說。
「唔緊要，你可以再做多枝。」你說。「但係重新整枝要好多時間......」海迪路絲說。「你有設計圖同材料，我信你一定得嘅。」你說。
「多，多謝你！」海迪路絲抱着你。她的身體很冰冷。「啊......我哋係咪時候要行呢？」雪倫說。
「啊......又好似係。咁各位，我哋行喇。大隻佬，你可唔可以拎行李？」你說。「當然可以啦大佬！」護衞說。你嘗試望回馬車的位置，但你甚麼都看不見，也聽不到。
你們在森林裏走着，樹上一隻鳥兒都沒有，唯一的聲音是你們走動時踏着雜草產生的「沙沙」聲，走了一段時間，當天色變成暮黃時你們發現了一個山洞。「咦？嗰度有一個山洞啵！」海迪路絲說。「我哋應唔應該入去？」雪倫說。
「依度係我哋唯一搵到嘅棲息之所，我哋入去啦。」你說。然後你們走進了山洞。山洞不時傳出水滴下的聲音，你也感覺到地面上不少積水。「好黑，有冇嘢可以照明？」你說。「我啱啱好有樣嘢可以幫手！唔該幫我搵啲木頭嚟。」海迪路絲說。
你看見海迪路絲從行李中不斷搜索，護衞剛剛拿了些木頭過來。「搵到喇！」你看見海迪路絲從行李中拿出一個像鎖頭的東西。
「咩嚟㗎？」你問。「呢樣係我嘅發明，佢可以通過磨擦嚟生火。」海迪路絲說。「咁要磨擦啲咩嚟生火？」雪倫說。
「妳要磨擦一樣易燃物體，例如紙，木頭。你磨擦幾下之後就會有火。但係唔係用手去磨擦佢，妳會着火。」海迪路絲說。「咁神奇嘅！」雪倫盯着鎖頭。
海迪路絲用鎖頭磨擦木頭，木頭燃燒起來，「得咗喇。」海迪路絲把木頭堆在地下。「今日都夜喇，不如我哋喺度休息陣先，聽日再行？」你說。「都幾好。」雪倫說。
當你們整頓後，你找護衞談話。「你好，我想問下你啲嘢。」你說。「咩事啊大佬？」護衞問。「其實都冇乜嘢，但係我想問下你之前係做咩㗎？」你問。「唔重要。」他說。
你看見護衞無話題可說，便決定去找海迪路絲。「海迪路絲。」你說。「咦？你嚟搵我啊？」海迪路絲在收拾行李。「係啊，我想同你傾下計。」你說。「我可以啊。」海迪路絲說。
「你嘅興趣係咩啊？」你問。「我嘅興趣係發明新嘢。我覺得依家嘅技術仲未能夠真正便利我哋，同埋我都要防下身，所以就整咗枝槍。」海迪路絲說。
「你有冇諗過幾百年後，或者幾千年後，世界會係一個點樣嘅地方？」海迪路絲問。「我覺得嗰陣時嘅世界，一定係一個無戰爭，所有人都和平生活嘅地方。」你說。
「我就認為戰爭依然會存在。但係因為文化同科技水平嘅上升，戰爭始終淨係可以有限度咁進行。我睇，當呢個世界有武器，就會有戰爭。」海迪路絲說。
「唉，都唔知呢場仗幾時會打完。更慘嘅係我哋依家困咗喺呢度，都唔知喺邊。」你說。
「你覺得幾百年後嘅世界，人生活可以幾便利？」海迪路絲問。
「呢層，我覺得會有一種更快捷，更便利嘅交通系統，而且人可以透過好快嘅方式嚟獲得資訊。」你說。
「估唔到我同你諗嘅嘢差唔多啵。」海迪路絲笑了笑。「我哋都係只要一個和平，可以畀我哋做我哋自己鐘意做嘅嘢嘅世界啫，你係咪咁話？」海迪路絲說。
「戰爭同和平不嬲都係不公平嘅存在，有戰爭嘅地方就冇和平。有和平嘅地方都不見得唔會有戰爭。」你說。
「哈哈。你講得真係好啊。」海迪路絲說。
「講起交通工具，我喺一個月前離開咗你間防具店之後我見到一種二千年後嘅交通工具。」你說。
「咩話？嗰㗎車係點樣㗎？定係船？」海迪路絲很心急地問。
「嗰㗎可能唔係車，冇車輪，又冇馬。嗰㗎都可能唔係船。佢係陸地上面。我見到佢可以喺空中度飄浮。一諗起二千年後嘅交通工具咁型就希望自己唔係呢個時代嘅人。」你說。
「又冇車輪，冇馬，又唔係船？咁奇怪嘅？我哋又冇可以令嘢喺天上面可以飛，又可以做交通工具嘅技術。二千年後嘅世界，嗰度啲人可能搵到一種能量來源，從而令到嗰㗎嘢冇車輪同冇馬都郁到。」海迪路絲說。
說着說着，你和海迪路絲抱在一起，睡着了。