你是一名在戰場上的無名士兵: 第7章 - 1
「啊......啊......」你慢慢地打開眼睛，發現海迪路絲和你抱在一起。「喂，同其他女仔一齊訓感覺係咪好好？」你看見雪倫拿着肉，一邊吃一邊對你說。
「呀......我......」你支支吾吾了一會兒，「我可唔可以食啲肉？」你問。「可以，梗係可以喇。嗱，畀你。」雪倫拿了一塊肉給你。
火已經燒完了，但有些微的光線透進來。
「你尋晚訓成點啊？我見你同佢係咁喺度滾嚟滾去，好似好正咁。」雪倫又再咬下一塊肉。
「啊......你哋啲肉點攞返嚟㗎？」你問。「你哋未醒嗰陣，我同大隻佬出去搵到啲熊，咪「求其」殺咗一隻囉。你睇下，我傷咗少少。」雪倫向你展示右臂上包紮了的傷口。
「唔好意思，搞到妳咁。」你說。「唔緊要啦，打獵呢家嘢就一定要傷㗎嘞，有幾多人都咁話，我有咩場面未見過啊。」雪倫摸了摸傷口的位置。
「我都唔知我哋幾時先可以出到呢個森林。」你說。「行下，搵下，求上天畀機會你，等下，應該就走到㗎嘞。」雪倫用彷彿認真但實際上是在諷刺的語氣說，畢竟沒有人知道森林有多大多闊。
「係嘞，點解妳話妳個朋友好憎妳？」你問。「啊......呢層......」你看見雪倫好像不太想說。
「我一定要知道先可以做出正確嘅判斷。」你雖然有點害怕，但你是鼓起勇氣說。「當日，愛莉密斯之城被襲擊，我同佢一齊......」你打斷了雪倫。「咪住！係咪一個月之前嗰次？」你問。
「係。佢同我要一齊走嗰陣，佢竟然唔理其他人嘅死活，佢將一對母女特登推跌又唔扶返，好彩有位士兵扶返起佢，佢哋先有救。」雪倫說。
你在這裏好像領悟到一些。「莫非嗰對母女就係當日我扶嗰嗰？」你想。
「我嗰陣唔知點解佢會咁做，就好嬲佢，我之後唔理佢就走咗去。」雪倫說。
「啊......雪倫，我諗我就係嗰個扶起嗰對母女嘅人。」你說。「咩話？真㗎？你......識到你真係太好喇......」雪倫說。
「點解你會咁講？」你坐在地下問。「要知道一個人嘅真面目，唔係就係有危機嘅時候咩？」雪倫拿着剩餘無幾的肉。「無論一個人平時幾咁努力隱藏自己，當影響到自己嘅生命嘅時候，佢一定會變返一絲不掛嘅自己。」雪倫說。「真係咁？」你質疑。「如果嗰個人係有啲任務在身就唔計，我係話大部分時候。」雪倫舉起左手食指指尖說。
「總之嗰日之後，我就再冇見到佢，我喺流浪緊嘅時候就見到你，依家，我可以抱住你。」你看見雪倫抱着你，你感覺到她身體的溫暖。你抱着雪倫，和她的紅唇接觸......「喂！冷靜啲好啵！唔好一早就做啲咁激烈嘅嘢好冇？」你聽見海迪路絲說。「咦？海迪路絲妳幾時醒㗎？對唔住......」你狼狽地說並放開雪倫。
「唔好意思，我哋會反省。」雪倫嘗試潑熄海迪路絲的怒火，「我想出去睇睇。」你說。「嗯。」兩人異口同聲。你在山洞裏走，沒有流水的聲音，地面已經變得乾爽，但護衛去了哪裏？
外面是片一望無際的森林，樹上仍然一隻鳥兒都沒有，真的是「鴉雀無聲」，不過連鴉雀都不見了。四方八面看起來都一樣，你根本無從掌握方向，你從這種完整性中找到了舒適的感覺，但因為過份的寧靜反而令你有些不安。
「唔知幾時可以返到去......啲馬車又點？」你帶着這些疑問回到了山洞。你再走過只有少許光線的通道，回到昨天停留的位置，護衛回來了，他正在畫着地圖，雪倫在保養劍，木頭的殘渣在地面散落，你決定找海迪路絲。
「做緊咩啊？」你問她。「無啊，睇緊啲設計圖，諗下要點樣整出嚟。」海迪路絲說。
「不如我幫你。」你說。「唔該你啊！你幫我睇下依度啊......」海迪路絲說。設計圖上畫了一副盔甲，樣子和普通的盔甲沒有太大差別，不過有些圖案。海迪路絲問你：「你想唔想......咩啊？」「咩啊？」你問。
海迪路絲遲遲沒有說出答案，「好啊。」你猶豫了一下後說。你看見海迪路絲拿着一樣不知道是什麼東西朝你衝來，她把一些液體灌進你的口，你頓時感覺到一陣灼熱。「咩，咩料啊？」你說。
「吓？係你自己話好㗎。」你看見海迪路絲拿起一個小瓶子。「妳，妳陰我......」你好像快要暈倒了，你用殘餘的力量指着海迪路絲，「大鑊！落錯咗嘢！」你昏倒了過去。
----------------
不知過了多久，你醒了過來。你覺得自己正在被抱着，你張開了眼睛，看見護衛在抱着你前進，「大佬，你做乜抱住我？」你問。「唔好意思啊大佬，係大家姐叫我做。」護衛說。
你望向前方，看見遠處是山洞的出口，雪倫在你旁邊。「佢，佢醒喇！快啲過嚟！」雪倫說，「真係㗎！好彩佢冇事啫。」海迪路絲走着說。「妳......妳......啊！」你感覺到輕微的痛楚。
護衛把你放下，你因為暈眩差點站不穩，「你冇乜嘢就好喇。我幾驚你有事。」海迪路絲說。「咁都叫冇乜嘢？」你感到頭部有一股痛楚。「因為如果係正常人落咗嘅話，應該係幾個月之後先醒返，但係你幾日就醒咗。」海迪路絲說。
「妳......妳到底落咗乜嘢？」你問。「我原本係想落啲可以令人放鬆嘅藥水。但係我唔小心落錯咗試驗緊嘅麻醉藥。」海迪路絲說。
「如果你冇嘢嘅話，我哋都要行喇。我哋已經搵到出路。」雪倫說。「係啊？太好喇。」你說。「我哋快啲行喇。」護衞說。
你們再向前方走，「係喇！嗰度就係出口！」雪倫說。「轟啊！」你聽到一陣炮火聲，然後是數百個士兵在衝鋒的叫喊聲。「士兵們，上啊！」你聽見羅傑斯隊長說。
「點解佢會喺度嘅？唔通依度喺溫斯輪之城？」你完全弄不清楚狀況。「咩事啊？」海迪路絲說。「啊......喺離我哋無幾遠嘅地方打緊仗，其實就喺山洞出面。」你說。「咩話？咁我哋咪好危險？」海迪路絲說。「唔緊要！有我保護你哋三位，冇事嘅！」護衞說。
你們繼續留在山洞聆聽，「嗰班冚家產竟然陰我哋！」你聽到一個男人嘅聲音。「溫紳？」雪倫說。「邊個係溫紳啊？」你問。
「佢就係我講嗰個朋友囉。」雪倫說。「咁妳想依家出去搵佢？」你問。「唔好咁魯莽先。」海迪路絲說。「你，身為軍隊嘅副隊長，臨陣逃脫做逃兵？」雪倫用非常結實的聲音對你說。「咁又係，妳完全啱，海迪路絲妳留喺度，你哋兩個跟我出去。」你說。
你、雪倫和護衛走出山洞，看見了無數的屍體和箭，而你們前方有三個敵軍士兵。「溫紳！」男子連同兩個士兵掉頭看過來。「雪倫？你後面嗰兩個人邊個嚟㗎？」一名有着散亂灰色頭髮的男子問。
「我叫劉巴奇。」你說。「「我只係一個護衞。」護衞說。
「唔通你就係連續多次大破我軍嘅劉巴奇？咁我一定要殺咗你！」溫紳拿着劍朝你衝來。「溫紳！冷靜少少先！」雪倫拔出劍擋住溫紳的斬擊。
「係囉，不如冷靜啲先啦。」你說。「就係你！就係你攞咗我嘅雪倫！我要殺咗你！」溫紳推開雪倫。「哇！我哋快啲走！」你說。「同我追！」溫紳說。他和另外兩個士兵追向你。
你們沿着戰場邊緣，向着友軍的基地方向跑，你們走到一遍周圍沒有人，只有屍體，周圍長着草叢的空地。「啊！」你聽見海迪路絲大叫。溫紳抓住了海迪路絲。「你唔同我隻揪我就殺死佢！」溫紳說。
「點解佢會過咗嚟？我唔係叫佢留喺度㗎咩？」你十分疑惑，「你搞我好喇，咪搞佢！」你站出來說。「只要你同我隻揪，我就會放咗佢！」溫紳說。
「等陣先！」你說。「大隻佬，幫我加油！」你對背後的護衛說。然後護衞拿出小袋子把油倒在地上。「你做乜嘢？」溫紳說。「嗱，我哋開始喇。」你拔出劍說。「好！我哋堂堂正正咁決鬥啦！」溫紳說。
溫紳放開了海迪路絲，雪倫抱着海迪路絲站在你後方，護衛走到你的右前方，「準備好未？三，二，一。開始！」護衞說。「受死啦！」溫紳向你突刺。在開始的一刻，你便馬上跑向後方的海迪路絲。「做乜嘢？驚咗我啊？」溫紳停了下來。
「嗰個嘢呢？」你問。「喺度。」海迪路絲拿出鎖頭。「我係驚，不過係驚炸你唔死！」你說。你像投球般把打火石掉到了油中。「你到底...」「碰！」油產生了大爆炸，聲音就像一百隻大象奔騰似的，你們全部都被炸飛了。
你從地上爬起來，嘗試找回伙伴。只可惜灰塵太多，你根本什麼都看不見。「雪倫？海迪路絲？大隻佬？」你大叫，你什麼都找不到。
然後你見到的第一個人是溫紳，他現在躺在地上，無力還擊。「唔....唔係講咗堂堂正正咁決鬥㗎咩......」溫紳口邊滴着血，無力地說。「我想試下啲新嘢。」你蹲在他身邊說。「哈......哈哈哈哈......」溫紳說。他的衣服上殘留着血跡。
「估唔到你咁聰明。竟然識用爆炸，來打低我......你贏咗喇，我任由你處置。」溫紳說。
「嚟，跟我走。」你說。「吓？你唔殺我？」溫紳露出驚訝的表情。「殺咗你都對我冇乜益處。」你站起來。「感謝大人不殺之恩！」溫紳單膝跪地。
你扶着溫紳，尋找其他人。「雪倫？海迪路絲？大隻佬？」你一邊大叫一邊搜索。但除了沾了灰塵的雜草，甚麼都沒有。「啱啱就係依度發生咗爆炸。」你聽見一把熟悉的聲音。
「隊長？」你說。「巴奇副隊長！你冇事真係太好喇......等陣先！點解你扶住敵人嘅？」羅傑斯隊長說。「唔使擔心㗎隊長，我已經俘虜咗佢。」你說。
「咁都好啲。咦？雪倫小姐去咗邊啊？」羅傑斯隊長說。「我唔知啊，佢同我其他兩個朋友都喺爆炸入面唔見咗。」你說。「點解啱啱會冇啦啦爆炸嘅？」羅傑斯隊長問。
「係咁嘅，我去咗旅行之後......」你把事情的來龍去脈都解釋了一遍。「原來係咁。我哋都收到情報話你畀人襲擊同失蹤，我哋以為你哋四個已經死咗先去報仇。」羅傑斯隊長說。
「咁你所講嘅火槍，我好有興趣，得閒搵海迪路絲小姐同我嚟傾下。無論點，我哋依家都係搵返佢哋三個先。人嚟！同我帶佢走！」溫紳被士兵帶走了。
你和羅傑斯隊長在附近搜索，「雪倫？海迪路絲？大隻佬？」你不斷大喊，無奈就是找不到。「哇，你嗰位朋友整啲嘢都幾勁，可以整到咁大威力嘅爆炸。」羅傑斯隊長說。
「依度乜都睇唔到，咳......咳！仲搞到我好唔舒服。」羅傑斯隊長說。「我哋快啲搵完佢哋好走喇。」
你在前方，看見海迪路絲的身影。「海迪路絲？」你大喊。「巴奇！」海迪路絲抱着你，彷彿好像很久沒見過似的。
「其他人喺邊啊？」你問。「雪倫佢依家同護衞一齊，我哋去搵佢哋啦。」海迪路絲說。「好，隊長你搵幾十個士兵跟埋我哋一齊啦。」你說。
你們走出森林，發現戰火正猛烈。「我哋已經攻咗好幾日，都攻唔到落嚟，敵人太勁喇。」羅傑斯隊長說。「唔緊要，我哋依家即刻反攻！」你說。
你在遠方，看見雪倫和護衞在城牆外走來走去。「我見到佢哋喇！我哋快啲行！」你說。你們避過交戰的人群，正想前往雪倫所在之處時，一個龐大的身影突然出現。
「哇，咁大嘅......」你說。「係佢啦！就係佢一路阻住我哋嘅進攻！」羅傑斯隊長說。
「劉巴奇，好歡迎你嘅到來，想過依度，就一定要答啱我嘅問題。」那個身影發出一把女人的聲音說。