女神老細係我女朋友: 第六十四章

景霖「行快兩步啦！再遲啲嘅話就賣晒㗎啦」

我「知啦 景霖」

一瞬間就黎到漢堡包店門口

景霖「嘩！真係好多人排隊喎 我地快啲排隊啦」景霖有啲擔心咁對住我

入到去坐低後 一邊抹汗一邊叫野食





店員「兩個招牌漢堡 兩杯凍奶茶 」

一早到而家咩都冇食過 我同景霖都食得好急

我「啲漢堡包真係幾好食，唔怪之得細強日日都要買返公司食」邊食邊講

景霖「嗯，好好食呀 如果呀明你識整就好啦」啱啱吞左塊肉就講

我「如果我當初識整咁好味嘅漢堡包 咁我就冇機會認識你㗎啦 傻豬」突然有少少感慨既感覺





景霖「以後唔準叫我做豬！」景霖用左好重既語氣咁同我講

呢一刻我同汪阿姐一樣 嚇到我個心離一離呀

一把神秘男人既聲音「哈哈 哥哥仔都唔明白女人既 形容女人係豬同自殺有咩分別」笑住口咁講

我「請問你係咪黃伯呀？ 我地有啲野想搵你幫手

黃伯過左黎我哋張枱





黃伯「點呀 今次想做人物專訪定係飲食專訪呀」

我「其實係咁架」我將成件事講咗俾黃伯知

黃伯「我諗住咗賣招牌同配方就退休啦，等接手既人幫我做落去。唉，我都就退休啦，但仲係整唔到我老婆當年既味道」講完黃伯嘆左一啖氣

我「咁如果我整得返老闆娘嗰種味道，老細你會唔會繼續做落去先？」

黃伯「哥哥仔你唔係呀嘛，我做咗幾廿年都做唔到嘅嘢 你唔係你諗住做到呀嘛」

我「唔試過又點知呢」我都唔知邊度黎嘅自信講呢番說話

黃伯「好，學李嘉誠先生話齋 年青人需要一個機會就俾個機會你 如果你做到嘅話 我就將間舖頭搬去你嗰間商場」

我「好，一言為定，咁我聽日再過嚟搵黃伯你」





黃伯「好」特登拉長左尾音

我同景霖離開鋪頭之後

景霖「呀明 黃伯做左幾廿年來都做唔到嘅嘢 你有冇信心呀」開始有啲擔心咁問

我「冇呀 為左你 我點都要做到」我有信心咁答

景霖「呀明 多謝你」景霖抬高頭望住我

我攬實景霖 錫咗佢一啖

我「 時間仲早 不如我地買材料返屋企試整 ，為左你 我一定要做到」





景霖「好呀，我都幫手」

但係啱啱先 黃伯心口張卡片 令我十分在意 希望景霖冇留意到

經過呢件事之後，我同景霖感情加深左
由原本手掌握手掌變成十指緊扣

「Edward Lam 」