女神老細係我女朋友: 第六十三章

第二日，長誠集團CEO室

我同景霖一早就走咗去搵Uncle

「Uncle呀，呢份計劃書就係我哋嘅方案，我哋打算以一啲必食小食店同埋東南亞美食進駐美食廣場進而帶動返商場個人流」景霖


「呢份方案幾好，做得好過我策劃部啲夥計，咁其實我已經講過將間商場交俾你哋去發展，你哋就唔使事事稟報俾我知，我交得俾你地兩個去做就相信你哋，不過都幾欣賞你哋會同我講咗先」家誠






「但Uncle，因為間商場係十日後就會開張，我哋臨時臨急諗到呢個方案再加上搵埋小食店加盟，雖然十日內可以做到以上嘅步驟，但係我驚佢哋未必有時間可以將舖位搞得掂喎」


「志明，呢層你唔使擔心，我睇完你哋份計劃書知道商場即將開幕，我會喺你哋去搵小食店加盟嘅時候將美食廣場啲舖位裝修好同埋添置好啲用具，基本上佢哋淨係準備好啲食材就咁進駐舖位就已經可以啦，但係我覺得只係提供平租對小食店嘅誘因未必好大，我覺得橫掂係咁不如喺商場開幕頭一年內免租，咁樣效果應該會好好多」家誠


「Uncle，如果免租一年嘅話咁我諗我哋拉攏佢哋加盟嘅機會率會高好多，估唔到Uncle你會咁為佢哋着想」景霖

「咁我都捱過㗎嘛，好啦，十日時間唔係好多，你哋快啲去做嘢啦，我等你地既好消息」家誠






我同景霖一齊回應「嗯」


我同景霖離開集團後


「估唔到Uncle會咁大方肯免租一年，仲要幫手搞埋舖頭啲裝修同埋㕑具」景霖






「咁Uncle佢都係貧苦大眾出身呀嘛，都知道基層嘅辛苦既，況且呢啲都可以係營銷策略呀，等啲小商戶可以留喺商場越耐吸引人流呀嘛」


「BB你真係叻，咁都俾你睇得穿，咁我哋而家去邊間小食店先呀？」景霖


「我打算去細強成日幫襯嗰間漢堡包店先，因為話晒都係因為佢食漢堡包我哋先諗到呢條橋呀嘛」


「好啊咁我哋嗱嗱聲去啦，我都想試吓嗰度嘅漢堡包係啲咩味道」景霖拖住我隻手邊走邊講


「好」

————————————————




此時，漢堡包店內

Edward搶先一步黎到漢堡包店同老細黃伯傾交易

「老細，既然你間舖頭都做咗咁多年都捱唔住貴租做落去囉，就算有一間商場可以俾你平租咁租落去呀，都難保唔到他朝有一日會加返你租架，橫掂係咁倒不如你將個食譜同配方賣俾我掙咗我呢筆錢早啲退休仲好過啦」Edward


「你都痴線既！我個漢堡包既招牌呀，係我每日都新鮮製作整幾十年打返嚟㗎，你話賣俾你就賣俾你呀，如果賣咗俾你之後你整得唔好食，容乜易打爛我幾廿年嚟嘅招牌㗎？」黃伯面紅耳熱咁回應！


「又唔洗咁勞氣既黃伯，但問題係你間舖頭下個月就會比業主加你三倍租，你到時租唔到落去，你啲漢堡包咪又係冇人食，橫掂你都就嚟冇得做啦，倒不如將個配方賣俾我，最多價錢方面我哋可以再傾吓嘅啫，同埋你賣咗個配方俾我之後我幫你整到全世界人都知道幫你發揚光大咪仲好，嗱，呢張係我卡片，如果你考慮好嘅話再打電話俾我呀，我隨時都可以交易」Edward


「得喇，我諗諗佢啦」不耐煩地回應著，說罷，Edward就走咗，但其實係Edward走咗之後，黃伯嘅心入面諗起佢老婆






黃伯心𥚃話「老婆，廿幾年了，妳發明嘅漢堡包雖然有好多人鐘意食，但係舖頭依家咁嘅環境......唉，如果有人可以幫我，等我可以繼續做落去就好了」