女神老細係我女朋友: 第六十五章

半世紀漢堡包老店 背後隱藏一段愛情故事》

餐廳內，黃伯望住食得津津有味既食客，諗返餐廳不知不覺都開鋪左五十年啦

冇諗過到最後得返自已守住餐廳，而老婆已經走左

當年只得二十幾歲嘅黃伯靠執紙皮維生，係朋友嘅介紹之下，佢黎到快餐店打工

「當時好辛苦，好多野都要做，執枱，廚房，有陣時，唔夠人甚至要出去幫手收錢」





點樣認識黃婆婆到兩公婆開左漢堡包店

「伯爺婆後生既時候好清秀傢，佢成日自己一個人黎我做個間快餐店食嘢，我好想認識下佢，之後咪唔知醜咁行過去搭訕，就係咁樣客人變做朋友，朋友再轉並成拖友」

開漢堡包店黃伯表示一切都同佢老婆有關

「伯爺婆係出自於小康之家 而我係出自於貧窮家庭，門不當戶不對， 當時佢地父母唔認同我，為左得到佢地認同，我死慳死抵用儲落黎既錢同係快餐店打工嘅經驗，膽粗粗開左呢間漢堡包店」

當時開舖遇到有啲咩困難





「當時因為想用好少少既料想客人食得開心D，但成本就高左，點知個味道客人覺得一般，當時生意真係麻麻，當時我以為餐廳會就咁執咗。我老婆見餐廳收入唔好就辭咗份工黎幫手，可以請少個人，之後就同我一齊改良個漢堡包，一開頭佢連菜都唔識洗，只係係隔離抄低筆記同比意見，慢慢佢就變埋大廚啦。當時好辛苦，但我老婆都同我一齊捱 ，最後都叫做成積出黎，我外父外母都認同左我。但自從伯爺婆過咗身之後 我就整唔翻佢整出黎既漢堡包」

02-03-2017

返到屋企後

「阿媽，我地返黎啦」我返到屋企大嗌

「返黎啦，咦，你地做乜拎住咁多野既」阿媽好疑惑咁望住我地





「阿媽，今晚我地諗住試下整漢堡包食」景霖講

「好啦，咁我今晚休息啦，交俾你地今晚煮飯仔啦」阿媽笑住口咁講

將食材攞入廚房之後，開始準備整漢堡包
我攞起圍裙 走去景霖後面 幫佢戴上

「呀明，唔該你呀」景霖怕怕醜醜咁講

「開始lu 」我錫左佢塊面一啖

「咁我有咩可以幫手呀」景霖問

「咁你幫手洗菜啦」





我上網搵整漢堡包既資料 一般都係大同小異
只係調味料同食材既分別

「景霖，你做咩唔開始既」我望一望景霖

「我唔識洗菜......」景霖尷尷尬尬咁講

係喎 景霖淨係識淥杯麵既咋 我唔記得左

「我黎啦，咁你係隔離幫手做筆記啦，記低所有步驟啦」我並冇怪責景霖 反而用開心既語氣同佢講

經過左一晚既努力 前前後後都整左十幾個漢堡包

「一於我地聽日就整呢個比黃伯食啦」好有自信咁講





「好」景霖亦都好爽快咁答我

「咁你沖涼先啦」

「好呀」景霖講完呢句就走咗

我嘆一啖氣 終於唔使扮落去啦
其實我都冇食過黃婆婆整出黎既漢堡包
想整得出佢當年既味道基本上係冇可能
但係為左景霖 我咩辦法都要試

好快沖完涼 我地就上床

「張太 今晚有冇獎勵呀？」奸笑對住景霖 小志明訓醒左





景霖一手拍落小志明

「呀！！！」

「成日都要獎勵既咩 一件事都未搞掂呀」景霖扮嬲咁同我講

「咁係咪搞掂一件事就有獎勵先」我忍住痛講

「起碼都搞掂商場小食店先啦」景霖講完就背向我

我單手將景霖攬入我既懷抱 好快就訓着左啦