女神老細係我女朋友: 第六十二章

返到公司後，景霖召集咗同事係會客室


「死啦，今日老細叫曬我哋黎會客室話有嘢宣佈，九成九係公司要執笠要遣散我哋啦」同事A


「唉，依家呢個時勢仲要難搵工，我諗我哋都係要執定嘢加入失業大軍啦，咦！係喎，細強，你同老細條仔唔係好熟嘅咩？你有冇收到啲咩消息呀？公司會唔會執笠呀？」同事B


一時間全部同事都圍住細強聚埋一齊






「我點知喎，自從上次明仔同老細離開咗公司之後，我搵極佢都搵唔到都係今日先知道佢返嚟」細強


這時，我同景霖入到嚟會客室


「老細返嚟啦！」眾同學






「老細公司情況而家點樣啊？我哋會唔會失業㗎？」同事A


「係囉，老細你而家先出現係咪公司已經執咗笠啦？」同事B


「咁多位，今日召集咁多位同事嚟係有嘢要宣佈，公司而家有幾個大金主撒咗資，依家公司嘅資金只係僅僅可以維持多兩個月......」景霖






「下！！！」眾同事


「不過，我哋已經搵到方法可以幫助公司渡過今次嘅危機，但需要咁多位同事同心協力咁去幫手，所以喺呢度我懇求咁多位同事喺跟住落嚟嗰兩個月一齊奮鬥，齊上齊落一齊捱落去」希望大家都可以啦！

「解決方法就係我哋要喺呢兩日內諗好一個方案，幫一間新起好嘅商場吸引人流，令到呢間商場係跟住落嚟嘅兩個月內每日入場人數不少於一萬人，同埋要登上全港十大必去商場第一名」景霖都加把嘴埋黎


眾同事嘩然，各同事議論紛紛


「邊有可能呀」

「第一名，痴線嘅咩」





「咁嘅嘢都講得出真係唔怕笑大人地個口喎」


「我知呢個目標都好難達成，但真係希望咁多位同事可以幫下手，公司如果渡過今次危機之後，我哋一定唔會待薄大家」唯有用加人工黎增加士氣啦！


幾分鐘後


「事到如今唯有見步行步啦，如果唔係大家都要失業㗎啦」同事A


眾同事附和






「咁呢段時間辛苦大家啦，我依家去買定Lunch，大家食完嘢之後開始開工啦」景霖


眾同事「好！」

————————————————————