女神老細係我女朋友: 第六十一章

食完杯面之後，我同景霖係office睇資料


「唉，情況比我哋想像中差好多，公司幾個大金主撤曬資，而家公司嘅資金真係最多只可以維持多兩個月咋，如果兩個月之後.......」景霖一邊睇文件一邊嘆氣


「唔使驚，辦法總比困難多，我就唔信呢堆資料入面搵唔到辦法」講就咁講姐，但係仲有咩方法呢？


「嗯，咦，點解呢份資料入面間公司個名咁熟既？」景霖將份資料交比我睇，我係咁意快睇






「呢間長誠集團，係全港數一數二嘅地產發展商黎架喎，但近呢幾年起嘅商場冇乜新意，而且入面賣嘅嘢全部都係貴價嘅名牌，已經開始冇乜人入去啦喎」但係呢個地產發展商點幫我地呀？


「呀！我記得返，呢間集團嘅老闆係爸爸當年打仗時期既戰友，我細細個去佢屋企玩嗰陣時，我仲成日聽佢講係打仗嘅時候爸爸當年仲救咗佢一命，仲同我講如果以後遇到啲咩難題可以去搵佢佢幫得到嘅一定幫」景霖突然拍抬企左起身


「咁BB妳等陣打個電話去預約呀，睇吓我哋今日之內可唔可以約到你呢位Uncle」我聽到之後有希望啦！






「嗯」


景霖打咗電話去預約，中午時分，我同景霖已經喺會客室出面等，好緊張呀！唔知Uncle會唔會幫到手呢？


「阿明，你話Uncle會唔會唔幫我哋渡過難關呢？因為自從上次爸爸葬禮之後我都未再同佢有聯繫，直到依家有時先搵佢，你話我呢個世姪女咁樣對佢嘅印象會唔會唔係幾好啊？」景霖好緊張咁問






「唔洗擔心咁多既，BB，我相信你呢位Uncle唔會係一啲小器嘅人，我相信我哋可以勸到佢注資俾我哋嘅」我拖實景霖


「兩位，主席依家可以見你哋啦，你哋而家可以入去啦」有位都幾靚女既小姐走出黎講


「好，唔該」我同景霖起身，手拖手行入去


「Uncle，好耐冇見呀」景霖一入到去就打招呼


「係呀，世姪女，自從上次妳爸爸嘅葬禮之後，我同你都好耐冇見啦，妳最近點啊？」坐係長凳一位五十幾歲嘅叔叔回答






「Uncle，其實實不相瞞，我今次搵你係有事想你幫我，因為之前爸爸過身之後，公司就由我打理，但因為我管理不善，依家公司面臨被收購，我唔想睇到爸爸嘅心血毁於一旦，所以想請Uncle你幫手注資，令我哋可以渡過今次嘅難關，我知道我咁耐冇見你，一見面就要你幫忙，真係對唔住呀，但希望Uncle你可以幫下手呀」景霖一路講一邊握緊我隻手


「呵呵，要我幫手唔係問題，但係既然妳都識講妳自己能力不足管理不善，但如果我注資之後妳又再次失敗嘅話咁點算呢？雖然妳爸爸當年救我一命，但係我啲錢都唔係天跌落嚟，我係一個生意人我都要保障我嘅投資係會有一定嘅回報，我都要為我嘅下一代着想架」


「我都明白Uncle你有你嘅難處，但希望Uncle你可以俾次機會我，我真係好想彌補我之前所犯下過錯，我真係唔想見到爸爸嘅心血毁於一旦呀」景霖好激動咁講

「咁啦景霖，我依家手頭上有一個起好咗既商場，咁妳都知我近幾年嚟我啲商場都比外界抨擊千篇一律，毫無新意，如果妳可以令到我呢個商場喺兩個月內每日嘅入場人流不少於一萬人，而且仲可以登上全港十大必去商場第一名，咁我就注資你爸爸嘅公司啦。」Uncle考慮咗一陣之後就咁講


「我......」景霖猶豫地講


「好！我哋應承你」我搶先一步答






「好！我最鍾意啲年青人咁爽快，間商場係呢段時間任你哋發展，希望兩個月後你哋唔會令我失望啦」


我同志明離開集團後


「阿明頭先多謝你，如果唔係因為你，可能頭先我就咁錯過咗個機會，但係你有啲咩辦法可以搞起架商埸架？」


「暫時未有㗎，但係我知道頭先嗰種情況如果我哋唔應承嘅話可能真係搵唔到其他辦法㗎啦，事到如今我哋唯有返公司同班同事一齊諗下方案啦」除咗呢個辦法我諗都冇乜機會啦，況且我哋時間都有限


「嗯，唯有喺咁啦」






另一方面，長誠集團CEO房


「翰天，你個女婿越嚟越有你當年嘅風範，希望今次可以報到你當年嘅救命之恩之餘，亦都可以令你個女成長起嚟啦」