女神老細係我女朋友: 第五十四章

張志明


「伯母！」我再忍唔住伯母咁樣鬧景霖，所以一野推開道玻璃門沖咗入會客室。


「阿明！？」景霖俾我突然其來咁沖入房嚇親，伯母都講講下俾我窒停咗。


「張志明？」






「伯母，首先我絕對冇唔尊重你嘅意思，你始終都係景霖媽咪。但係我同時都係景霖男朋友，儘管係老母教女你講嘅嘢都未必太過份。」同尋晚一樣，我心跳加速都好勁，但係我唔想再望住景霖咁樣受氣。


「你又想講啲咩？尋晚你仲講唔夠？」伯母有啲惱羞咁同我講。


「景霖隻手我就拖硬，佢個人我都要硬，我唔理佢係咩公司大老闆CEO乜乜乜，佢係黃景霖，我女朋友。我知道我而家只係一個打工仔，但係我有信心可以同景霖一齊走落去。」我一路講一路開始覺得腦部充血，但係咁樣反而令我冇咁怕。






「伯母我明白你對我冇信心嘅原因，但係請你俾次機會我同景霖。」我不自覺咁向伯母鞠咗個躬，可能期望會感動到佢掛。


「阿明。。。夠啦。。。」景霖有啲梗咽咁叫我，行咗過嚟扶起我然後攬住我。


「你地。。。」伯母佢冇俾到反應我。






「CEO我唔做啦，媽咪。。。我落去做白領，再唔係我搵過份。。。」景霖拖住我隻手同伯母講。


「好。」伯母淨係淡淡咁講咗句，然後走咗出房，留低我同景霖係入面。


「咁樣真係好咩？」我望住景霖問佢。


「由細到大都係有人幫我鋪定所有野，但係你，我唔想俾人決定我要點樣做，我只係想同你一齊。」景霖抬頭同我講。


「我一定會照顧好你。」我微笑咁答景霖，同時，佢都笑翻。







「Boom」突然房外面塊玻璃好似有人撞到咁，我一望過去，原來成塊玻璃都聚滿晒同事係到，我仲見到細強唔小心撞到塊玻璃然後望到我單咗下眼，九成九係佢埋嚟睇先啦。


「死啦。」景霖俾咁多人圍觀都嚇親


「冇事喎，有我係到。」但係我冇驚到，拖起景霖隻手走出會客室。