女神老細係我女朋友: 第五十三章

出於好奇，我扮我要去茶水間到湛水，順便偷聽下佢地係入面講咩，因為公司會客室就係茶水間隔離。


「公司e幾個月嚟.......」我聽到伯母係到同景霖數梗公司幾個月嚟嘅業積下跌，仲有兩個董事係入面，冇錯，我老細俾幾個人照梗肺。


聽到入面講咗一段時間之後，隔離門口走咗兩個董事出嚟，姐係而家房入面得伯母同景霖。


我見茶水間e頭冇乜人，就行近會客室嘅玻璃，諗住聽清楚啲佢地講咩。






「你尋晚冇翻到屋企係咪去咗個咩阿明屋企到瞓？」伯母由大老闆照肺嘅語氣轉為老母教女嘅語氣咁同景霖講。


我隔住有砂玻璃隱約見到景霖點咗兩下頭。


「姐係我之前講得未夠清楚啦？我同你講過一嚟佢只係你一個員工仔，襯你唔起，二嚟佢景響到你做嘢你睇到㗎，係咪要公司再差落去先開心？你......」只係見景霖個頭一路低住咁聽伯母講，我越睇越心急，但係又唔知可以做啲咩。。。






———————————————————————
黃景霖

「係咪要公司再差落去先開心？你知唔知公司係你阿爸啲心血嚟㗎？」媽咪嘅語氣越發激動，我連解釋嘅機會都冇，只可用揼低頭唔出聲咁聽佢講。


「仲有啊，嗰個咩阿明埋你身都係因為你係公司CEO咋，你醒下啦景霖，目的好明顯啦佢。」






「阿明佢係真心㗎，我知道。。。」我抬高頭想同媽咪解釋。


「真心？之前嗰個你都係咁講啦，最後點啊？咪搞到要我幫你執手尾囉，e個阿明攞到著數之後就.....」媽咪截停咗我嘅解釋。


「阿明佢冇攞過我一分一毫。」我再忍唔到落去，我第一次截停媽咪講嘢，唔知那來的勇氣，我語氣堅定咁反駁媽咪對阿明嘅誣蔑。


無論任何人點講我都知道阿明係對我真心，唔係貪我個位定咩，我點都信阿明係真心愛我。。。腦入面開始浮現阿明照顧我嘅一點一滴，令我更加確信。


「我唔理，你一日同個打工仔一齊，你一日唔洗翻屋企，仲有，公司我聽日會搵第二個嚟接手。」聽得出媽咪有啲惱怒，可能我咁大個都係第一次咁樣駁佢咀，我感覺到我心跳加速，但係為咗阿明，我可以做咩都得，甚至我一早已經預咗咁嘅情況。






「我.....」


「伯母！」突然阿明喺門口沖咗入嚟。