女神老細係我女朋友: 第四十六章

「伯母係我......」


「我同景霖講嘢唔該你唔好插嘴。」伯母打斷我幫景霖解釋嘅說話。


「我知道今日幾位uncle上咗公司搵你，話公司e幾個月差咗喎。」伯母用冷冷嘅語氣同景霖講。


「係啊。」景霖都攞出翻老細嘅格。






「我同你講過啲咩？」伯母將視線轉移落我到。


「公司再差落去就俾你管。」景霖淡淡咁回答伯母。


「仲有，嗰日我係房到同你講過嘅嘢。」






「我講過阿明佢唔會背叛我，我都唔會唔要佢。」景霖捉實我隻手講，我都嚇一嚇，點解啲劇情好似越嚟越走去CCTBB啲劇咁嘅，我都有啲尷尬。


「姐係你想一世黐住佢啦？」伯母高挑咁問。


「係。」






「你知唔知如果公司知道你個CEO同個打工仔一齊咗，傳咗出去我地公司形象會變成點？」伯母都係同樣嘅語氣。



「由得人地想講咩就講咩。」景霖開始似個任性嘅細路女咁，我都唔知點幫口。


「阿明下話？」伯母望住我。


「係啊伯母。。。」


「你知唔知我個女係公司CEO，姐係你老細。」






「知道啊伯母。」


「你知唔知如果你同事知道咗你同你老細一齊，會有咩後果？」



「知道啊，但係。。。」



「你知道仲同景霖一齊？」伯母再次打斷我嘅說話。







「伯母我其實。。。」


「你知唔知對你嚟講可能唔係咩大不了，但係對景霖，對公司有幾大影響。」我開始有啲唔耐煩。


「如果你真係想對景霖好，你應該識點做。」


「伯母你不如聽我講先！」我忍唔住大聲咁叫停伯母。