女神老細係我女朋友: 第四十五章

「阿明？做咩呆晒嘅？」景霖叫一叫我，原來我諗野諗到望住碗西米靈望多呆咗。


「吓？冇嘢啊。。。。」我望一望景霖之後食咗啖糖水。


「做咩唔開心啊，唔好唔開心啦，笑啊~~~~~hehe。」景霖雙手捉住我塊面擘大隻眼望住我同我講。


「景霖你覺得.......我做你男朋友.......做得好唔好。。。」我輕輕捉住景霖隻手問佢。






「梗係好啦，做咩無啦啦咁問？」景霖仲好似細路女問問題咁擰側個頭問我。


「冇啊，只係。。。我想為你做得再多啲。。。」我稍微低一低頭應景霖。


「你一直留係我身邊，對我嚟講已經係為我做嘅最多㗎啦。」景霖用好似平時我氹佢嘅語氣咁笑住應我，真係估唔到我都有俾景霖氹嘅一日。






「多謝你。」我苦笑住咁樣望住景霖，我覺得景霖係我女朋友真係三世收嚟嘅福氣。


「Hehe~~」


「老闆娘，賣單啊唔該。」我舉手叫老闆娘。






食完糖水之後我就叫咗全叔嚟接我哋，順便我送景霖翻屋企先。


「翻到去你要早啲瞓啊。」景霖係𨋢到提醒我。


「知道啦。你都係啊。」我摸住景霖個頭同佢講。


出到𨋢，我好似聽到景霖屋企入面有人。


『邊個嚟呢？唔通？』景霖好似聽唔到入面有人咁樣，未等我估邊個係到已經打開咗道門。






果然，一打開門，就見到伯母係個廳到。


「媽....咪？」


「伯母？！」我同景霖同時都有啲愕然。


伯母係梳化冷冷咁樣睥咗我一眼，然後將眼神轉去景霖到。


「咁夜去咗邊？」伯母好似質問咁問景霖，不過我感覺好似問埋我咁。






「我去咗阿明到食飯，之後去咗食糖水。。。」景霖嘅語氣都變咗。


「聽日唔洗翻工咩？出街出到咁夜，仲要上人哋屋企食飯？」伯母嘅語氣越發嚴肅，我都有啲不知所措。