女神老細係我女朋友: 第四十章

我同景霖處理好我個傷口之後，我感覺都好咗好多，最後踩到黃昏先踩翻去還單車。


我同景霖還完單車之後，就去咗行商場，諗落我都好落冇拖住景霖行街，平時放工都夜，冇乜時間，翻工嗰陣又怕俾其他同事望到冇得一齊，真係好難得有機會咁樣拖住景霖行街，更加令我開心嘅係，拖住景霖咁靚嘅女朋友行街引嚟唔少羨慕嘅眼光，令到我都倍感自豪。


「你想食咩啊？」我拖住景霖問佢。


「唔知啊，你想呢？」認真嗰句，諗食咩真係世紀一大難題，問親我都唔識答。






最後我揀咗間日本野，因為我知景霖鐘意食日本野。


踩完單車後，我地大家都攰，所以叫咗好多野食，又魚生又壽司咁，全部都係我同景霖最鐘意食嘅嘢。


「唔準食咁多魚生啊，你受咗傷，食魚生隻手會難啲好㗎。」景霖夾住咗我對筷子整停我，真係唔知佢邊到聽翻嚟食魚生會令到傷口好慢啲。






「邊個講㗎.......求其啦，食多幾舊生魚會死咩。」我無視景霖嘅警告堅持夾舊魚生。


「唔得。」景霖再次嘟起嘴擺出佢嬲嘅樣，加唔知點解佢用咗似老細里嘅語氣，雖然我知道佢係嬲啊，但係真係好得意，搞到我唔知笑定喊好。


「知道啦，老闆大人。」我唯有成餐飯放棄舊魚生食炒麵。






食完飯之後，我同景霖出咗去商場外面嘅廣場到散步，順便消化下啱啱食完嘅野。


「點樣啊，隻手仲痛唔痛啊。」景霖拖起我隻手睇我個傷口。


『啱啱唔俾我食魚生啊嗱，玩下你先。』


「唉呀，唔知點解食完之後痛咗啊，你咁郁我仲痛啊，唉啊唉呀。」我扮到隻手好痛咁樣呃景霖。


「吓，對唔住啊，我冇心㗎，我唔拖你住啦咁，一陣又郁到你隻手。。。」景霖真係信以為真，哈哈。






「傻妹嚟嘅。」我即刻拖翻住景霖隻手。


「拖住你，再痛都值啦。」我捉住景霖隻手同佢講。


「你！你又呃我，仲話我傻！」景霖嘟起個嘴同我講。


「我咁樣做就唔痛啦。」我趁景霖嘟起個嘴，好快咁錫咗佢一啖。


「張志明，信唔信我翻去炒咗你啊。」






「你捨得炒咩？」


「張志明你！哼！」景霖嬲到擰轉頭。


「係啦係啦，我都係玩下你姐，對唔住啊。」我從後攬住景霖。


「以後唔玩你啦，你最醒啦。」


「哼。」即使景霖擰轉面，我都隱約聽到佢笑咗下。






「嚟啦，翻去啦。」我拖起景霖隻手。


「未嬲完喎。」景霖想鬆開我隻手。


「咁咁樣嬲完未啊。」我抱住景霖條腰，拉近佢深吻咗一啖。


「好多人睇住啊。」景霖俾我錫完之後有啲面紅。


「咁走囉不如，hehe。」我乘勢而上。






「嗯。」景霖半遮住塊面咁應我。