女神老細係我女朋友: 第四十一章

我同景霖拍咗拖都差唔多四個月，我感覺到景霖變咗好多，由一開始好高鬥嘅老細，變到而家越嚟越黐住我，成日同我相處嗰陣就變咗個細路女咁，雖然作為男朋友冇話咁樣唔好，但係景霖點都係一間公司嘅決策人，有時候我覺得係需要強硬翻小小。


今日我都係如常咁翻工，翻到公司我同細強打咗聲招呼之後，望到景霖唔係房入面，就問細強佢去咗邊。


「喂，老細呢？」


「好似入咗會議室開會，有幾個董事之類嘅嚟咗。」細強食住塊多士同我講。






「一早就開會？仲有董事，究竟發生咩事？」


「鬼知咩，我知道我就做咗董事啦。」


「超，問下姐。」我都預咗細強乜都答唔到㗎啦，唯有等一陣景霖出翻嚟嗰陣what’s app問佢啦。






最後着唔多成個鐘咁滯先見到景霖係會議室到出翻嚟，睇佢個樣好似有啲攰，究竟發生咩事？


（我:啱啱做咩一早開咁耐會嘅？）


（景霖:幾個董事話公司嘅業績好似e幾個月嚟跌咗，咪叫我入去解釋下囉）






（我:吓係咩，點解會跌嘅？）


（景霖:其實跌都正常嘅，我地e幾個月嚟又真係冇咗幾個客。）


「阿明啊，你過一過嚟啊，有野搵你做。」阿Sam行過嚟叫我。


「哦。」


（我:唔講住啦，阿Sam叫我做野啊，放工係全叔到等你啦）






（景霖:好）


做住野，唔覺唔覺又到放工時間，我準時執好啲野落去全叔架車到等景霖。


「阿明仔。」全叔一見我上車就打招呼。


「全叔。」


「全叔你覺唔覺得我影響到景霖好大啊？」我想知景霖係咪因為我，先搞到公司業績唔好。






「梗係大啦，已前啊，景霖不知幾少野講啊，淨係識翻工放工，雖然做老闆嗰邊係做得幾好嘅，但係真係唔似個廿五歲嘅後生女囉。」


「其實點解當初景霖會咁後生就接手間公司嘅？」


「其實一直都係景霖阿媽同佢阿爸一個打理香港一個打理美國嘅公司嘅，咁自從景霖阿爸有病之後，就搞到成日唔信人，所以就強制令景霖掇學，去公司幫手同學野囉，直到去之前啊，佢老豆講話要景霖接手間公司喎。」


「哦原來係咁。」


咁樣諗落，景霖又真係幾慘，難怪初頭會落搭嗰個Edward。我同全叔傾下傾下景霖就落到嚟。