女神老細係我女朋友: 第三十八章

「喂起身啦，阿明，11點㗎啦。」


「..........做咩......啊？」我捽住眼咁樣睇下邊叫我，不過除咗景霖，仲有邊個啊。


我打咗個喊露之後睇一睇手機，原來都成11點幾，我都差啲唔記得咗今日要同景霖踩單車。


「乜......咁晏㗎啦。」我坐直個人伸咗個懶腰，然後望到景霖就企咗係床邊。




唔知係我未瞓醒定點，今朝嘅景霖睇落好靚，冇化妝，淨係著住件睡覺tee，加條短褲，已經好睇過啲網紅雞p晒圖咁樣，見到咁嘅景霖，我都忍唔住即刻起身錫咗佢一啖。


「mmmmm...做咩啊，一起身就錫人。」


「咁你靚啊嗎，錫下唔得咩。」




「你再唔起身同我去踩單車就以後冇得錫啊，再炒埋你tim啊。」景霖好似靚妹扭計咁樣嘟起個嘴，e刻嘅佢真係好得意。


「知道啦老闆。」我笑咗笑然後扮翻工同景霖講嘢嘅語氣應佢。


我起身梳洗換衫，而景霖已經早咗成個鐘起身搞掂晒可以出門口。




我出到客廳，景霖已經著好鞋咁滯。景霖今日著咗貼身背心內加一個sports bra ，外面加件風褸，下面係條貼身嘅運動褲。由於小背心冇拉到拉鏈，所以景霖條波罅出晒嚟咁濟，配上景霖嘅身材，真係睇到都流口水，但係為咗同景霖踩單車，我都係忍住咗。


「咦，伯母呢？」我行出廳唔見伯母，明明尋晚我見佢翻咗屋企。


「媽咪佢翻咗大陸啊，同埋佢係美國翻嚟都好少留係屋企嘅。」


「哦~」


「快啲啦，全叔係樓下等梗我地㗎。」景霖著好鞋係門口催我。





「知道啦，嚟梗。」


我先叫全叔車我翻一翻屋企換衫，再車我地去踩單車嗰到，到嗰陣都差唔一點半，太陽都依然係咁猛，我本身就好怕曬太陽，因為我一曬就會曬傷咁滯，加上大熱天時，我真係驚頂唔順，不過應承咗景霖，冇辦法啦。


「拉翻好條拉鍊啊。」一落車我幫景霖拉上風褸嘅拉鍊，淨翻小小通風位俾佢。


「做咩啊？」


「唔準你俾人睇蝕晒啊。」




「哦。」雖然景霖哦我，但係我睇到佢嘴角有偷笑，搞到我都有啲面紅。



我地租完單車之後就開始踩，踩咗半個鐘到我已經曬到想死，全身好似落雨咁，所以踩到海邊就停咗坐低吹下風。


「咁渣㗎，踩嗰一陣就攰。」景霖嘟起個嘴同我講。


「好曬啊，你睇吓我，對手紅晒咁滯，我地抖下先啦。」我一路撥涼一路講，我望一望景霖，原來佢都出咗唔小汗，由頭到心口都濕晒，雖然冇我咁勁，但係睇住景霖濕晒對波，我都有啲忍唔住，原來啲人話出汗嘅女仔係最性感係真，我睇完個人仲熱。


抖咗一陣，正當我地想係單車徑邊上車繼續嘅時候，有個人突然失平衡撞向景霖嗰邊。




「景霖！」我撲過去景霖嗰邊，幫佢擋咗架單車。