女神老細係我女朋友: 第三十七章

「嗰Edward究竟係邊個嚟？」既然景霖主動提起個Edward，我都終於夠膽問景霖。


「佢係我第一個男朋友嚟，我講完你唔會唔開心啊嗎？」景霖有啲驚我唔開心咁問題。


「傻妹嚟嘅，前男友咋嗎，我有咁小氣咩？」我摸住景霖個頭同佢講。


「我係大概5年前識佢，嗰陣我啱啱接手爹d間公司，我好多野都唔識，跟住佢係我係大學識嘅同學，本來都幾熟，但係自從佢知道咗我接手咗間公司之後就係咁追我。」






「哦，咁其實都好易估姐，佢貪你錢咪想追你囉。」


『同埋你個樣囉。』


「我嗰陣仲細....唔知道啊嗎，同埋佢追我嗰陣都幫咗我好多。加上爹d啱啱去咗，我又要接手間公司。。。」景霖好似俾我講到有啲慚愧。






「唉呀，我又冇怪你，人誰無過呢。」我即刻摸住景霖塊面安慰佢。


「但係自從我地一齊咗之後佢就成個人變晒，成日都話想上我屋企，又問我公司啲嘢。。。嗰陣我媽咪咁啱係香港，佢成日同我講Edward唔妥唔妥咁，又成日睇實我，我先冇俾佢咩到咋。。。。」


『嘩，咁我真係要多謝伯母喎。』






「之後有次我偷偷地帶佢上我屋企，佢趁我唔為意，係我媽咪房偷咗幾份重要嘅文件同幾樣值錢嘅嘢。。。我嬲到就咁趕走咗佢。。。我媽咪知道咗之後仲要係美國總公司嗰度調翻啲資金過嚟香港。。。最後報警都拉佢唔到，媽咪嗰陣同我關係就變得好差。。。」景霖講到e到好似有啲想喊咁，又難怪嘅，嗰陣被自己咁信任嘅男朋友呃。


「所以伯母先從此鎖住自己房門，同埋你係公司啲性格相差咁大，原來係咁。」我終於明白啦，之前仲一直心掛掛。


景霖點咗兩下頭回應之後成個人都好低落咁，我即刻攬住佢安慰佢。


「你唔會呃我㗎可.....？」景霖埋個頭落我心口同問我。


「點會呢，我話過唔會做啲令你唔開心嘅嘢㗎嗎，唔好唔開心啦，都過咗去囉。」我一路摸住景霖個頭一路安慰佢。






「聽日放假不如搵啲嘢做囉？我同你都好似好耐冇出過街啦。」我轉話題希望景霖可以開心翻啲。


「好啊。」景霖開心咁點點頭，有時我真係覺得景霖成個細路女咁，完全唔覺係一間大公司嘅老闆。


「咁你想做啲咩啊？」


「mmm.....不如去踩單車囉，我好耐冇去過啦。」


「好啦就咁話啦。」






「好野。」景霖興奮到好似而家就踩咁。


「嚟啦，入去瞓啦咁，聽日要早啲起身。」我拖住景霖入房。


攬住景霖瞓覺真係一大樂事，感受住佢完美嘅身體，我好快就瞓著咗。