女神老細係我女朋友: 第三十二章

『Ouch!』我心入面叫咗下。


「佢係我女朋友啊，埋去坐啦我地不如。」為咗逃離e個情景，我叫我眼前亂咁講嘢嘅阿Ken埋位。


阿Ken帶咗我同景霖去一張大枱，大概有十零人到啦，我驟眼一睇，有啲識嘅又有唔識嘅人，有幾對睇落係情侶，唔似係中學同學，唔怪之得Sandy叫我帶埋景霖嚟，我都唔係太認出啲中學同學，得幾個當年稍為熟啲嘅先認到。


「張志明啊咁多位，唔知大家記唔記得？E位係佢女朋友。」阿Ken將我帶埋枱之後介紹我同埋景霖。






「哦，阿明啊嗎，好耐冇見。」


「阿明梗係記得啦，成日同Sandy黐埋一齊㗎嗎。」


我又感覺到我俾人搣咗下。






枱上嘅人係到逐啲相認我，老實嗰句，我其實係俾面Sandy先嚟，話晒我係中學都冇咩朋友，如果係第二個叫我先唔嚟。


我同景霖坐低咗係張枱嘅邊位，景霖隔離係嗰個阿Ken女朋友，我隔離就有兩個空位，我睇一睇未見Sandy，睇嚟仲有兩個未到，大鑊！



如我所料，野食嚟咗冇幾耐，Sandy就嚟到，仲要係坐我隔離。。。






「Hello咁多位，唔好意思我遲咗啊，好耐冇見啦。」Sandy一路行近我個位，同枱嘅人招呼，我就坐到個人直到成碌竹咁，因為我將會夾咗係景霖中間。


「Hi......Hello。」我好勉強咁同Sandy打招呼。


「Hello，阿明你女朋友點稱呼啊？」Sandy一路問我一路坐低。


Sandy著咗件白色T恤，外面著咗件格仔恤衫，打開咗頭兩粒，下面再加咗條迷你裙。就咁一睇，Sandy高過景霖，同我差唔多，正面同佢差唔多高嘅可以睇到佢條波罅，再加埋佢迷你裙突顯出嚟嘅長腿，真係係男人都會睇多兩眼


「叫我Christy得啦。」景霖笑住咁答，但係我聽得出景霖有啲嬲。。。。。






一路食飯有啲仲飲咗酒，枱上嘅焦點一路移動，大家都係到逐個問大家情況點，過咗一段時間，焦點自不然會落係我到。


「阿明你呢？近排點啊。」


「唔錯啦，哈哈。」我連問我嗰個都唔係太記得係邊個嚟，唯有敷衍下佢。


「你地記唔記得當年啊，Sandy成日都同我地班女仔講佢鐘意阿明，係佢條傻仔唔知咋。」枱上一個女舊同學冇啦啦講咗句。


『收聲啦八婆！』我好想叫出嚟。






「係，係啊，原來，哈.....哈。」我已經感覺到景霖嘅怒睥。


「都咁多年前啦，何況阿明佢而家都有個咁靚嘅女朋友囉。」Sandy好似想幫我解圍咁。


「唔係喎，當年你走之前話翻嚟一定會同阿明表白㗎喎，最後有冇講到啊？」有個應該係飲大咗嘅係到講，但係我已經冇時間理佢係邊個，因為我知道景霖而家好嬲。


『收聲你班仆街！』我真係好想大叫。


「冇啊，邊有咁講過姐哈哈，人地女朋友係到就唔好亂講啊。」Sandy都有啲唔好意思。






「係外國咁多年，Sandy你應該仲單身啦，你而家講啊不如哈哈。」有個塊面紅晒嘅人咁講，一定係飲醉咗嗰隻。


『我真係屌你老母！』


「我唔.....」


「我要翻屋企餵貓，走先。」景霖突然企起身，拎袋轉身走人。


「景霖！我同你走。」我起身想捉住景霖。






「唔洗，你食得開心啲。」景霖鬆開我隻手，快步行出餐廳。


「Sandy，sorry我遲咗。」就係我想追出去嘅時候，有個男人揮住手咁行過嚟我地e枱叫Sandy。



「我嚟介紹，我男朋友阿Rain啊。」Sandy橋住個男人講。


「男朋友？！景霖！」我即刻追出去。