女神老細係我女朋友: 第三十一章

我打開未知電話嘅inbox。


（Hi）


（我:你係邊位？）


（Sandy啊，今日咪係商場見過嘅）




（我:Sandy?點解你會有我電話嘅？）


（Sandy:我睇翻之前個中學group，搵到你個電話，發覺你未轉過電話咪搵你囉）


我即刻退翻出對話list嗰頁碌到最低，果然仲有個中學group未退群，最後一句msg仲要係3年前，大部分人都退晒群咁滯。




（我:係喎。咁你搵我咩事啊？）


（Sandy:冇啊，想問你聽晚你得唔得閑咋）


（我:做咩？）




（Sandy:我翻咗嚟冇幾耐，想約翻你地班中同出嚟食個飯咋嗎你可以帶埋你女朋友喎）


（我:我睇一睇我有咩做先。）


（Sandy:好）


Sandy突如其來嘅what’s app令我有啲愕然，估唔到啱啱先見完個咁耐冇見嘅人，而家佢仲what’s app埋我。


覆完Sandy後，我打開景霖個inbox。




（我:點啊老細，瞓咗未啊。）


唔洗半分鐘，景霖就覆我。


（景霖:啱啱先沖完涼咋你呢？）


（我:我都沖完涼攤咗係床啦我想）


（景霖:你想點啊）




（我:我想你早啲瞓啊，你估我想點）


（景霖:點知你啊咸濕明）


（我:大家咁話啦早抖）

（景霖:早抖）

同景霖過咗尋晚之後，我覺得同景霖嘅距離又近咗，我都夠膽講多啲flirting嘅嘢，望住我地啲對話，笑住咁碌我地嘅對話紀錄，睇下睇下就瞓著咗，到醒翻已經第二朝。


「早晨細強。」




「早晨阿明。」我坐低之後，細強又咬住塊多士過嚟。


「喂聽講你同老細拍梗拖喎，係咪真㗎？」細強係我耳邊細細聲咁講。


「你都傻嘅，我點會溝到老細啊。」


「都係嘅，我地e啲咁嘅毒撚點會高攀到老細啲女神。」


聽到細明咁講，我心入面更加自豪景霖係我女朋友。




「老闆。」打發完細強之後，我就敲門入去搵景霖。


「入嚟。」


「係喎今晚呢，Sandy問我可唔可以去個中同聚會喎，佢仲叫我帶埋你。」


「Sandy？尋日係商場見到嗰個？」


「係啊。」


「可以啊。」


「咁好啦老闆我出翻去先啦。」


同樣地我都係錫咗啖景霖就出翻房，做咗成日野，眨下眼就到放工。



我叫全叔車我同景霖 Sandy俾我嘅地址，景霖橋住我隻手同我行入餐廳。入到餐廳，見到好多熟悉嘅樣，但係同時又好陌生，不過都咁耐冇見，認唔到都正常嘅。


「喂Hello，你係......哦張志明，認唔認得我啊，阿Ken啊？」一個男人行出嚟迎接我地。


「哦，阿Ken下話，好耐冇見。」老實講我唔係好記得，真係唔係太熟。


「未介紹喎e位，點解你唔係同Sandy一齊嚟嘅？你地已前成日癡埋一齊㗎。」


我突然感覺到我隻手俾人大力搣咗一下。