女神老細係我女朋友: 第九章
「吓！唔....唔係啊，係我唔小心，你啱啱咁樣望住.....」老細講完即刻繞過我身邊去拎走件西裝收入櫃，之後翻埋枱收拾好冇濕到嘅文件。
「哦~咁下次小心啲啦老闆。」其實我梗係聽得出老細係到扮野啦，佢平時應該都係啲大懵嘅人哈哈，但係我反而覺咁樣嘅老細有種反差萌，仲可愛。
死，抹抹下我發覺啲咖啡滲埋落我條底褲到，點算，公司唔會有褲換.....唔係要條撚同啲咖啡up住幾個鐘啊....同老細講又好似唔係幾好喎.....
「做咩唔抺？仲有啲係條褲到。」老細見我停晒手，執住野咁問我。
「老闆我....我條底褲都.....濕埋......」既然佢問到，我都無謂隱瞞，但係我都係好怕醜。
老細一聽到佢整濕埋我條底褲眼都大埋，雖然佢想盡量保持儀態，但係我已經察覺到佢有啲面紅，應該係唔好意思整濕埋我條底褲。
「咁點算.....公司有冇.....有冇褲換...?」
「老闆我第一日翻工......」
「遮住落樓下先啦......我叫司機送你翻屋企。」老細第翻本來披係佢膊頭上我嗰件西裝。
「車....車我翻屋企？！但係....份proposal仲未.....」
「我一陣打電話同個客講聲，而家送你翻屋企，費事你一陣凍親，你執埋啲野去門口等我。」老細又用翻平時把聲，好似命令我咁。
「哦.....明白....」估唔到OT仲有得坐老細車翻屋企，不過被老細咁樣命令，我都唔敢怠慢，即刻快手快腳執好啲野然後行去公司門口。
「阿全，我而家落嚟，你係樓下等我。」老細一路講住電話一路係office行出嚟門口，手上拎住佢件整污糟咗嘅西裝褸。
睇住老細行出嚟我又再一次可以欣賞到老細嘅全身。驟眼一睇，原來老細身材都唔錯，心口應該都有C到D，雖然矮我半個頭，但係要有嘅都有，身材比例啱啱好，尤其係緊身皮褲包住嗰兩條腿，加埋對高踭鞋，睇落仲修長。
「行啦。」
「係.....！」我又定咗咁企係到𥄫老細。
落到樓下大堂，遠處已經見到今朝㗎七人車泊咗係出面，我尾隨住老細上車，老細同司機講聲之後就問我住邊，車上我一直都唔敢出聲，電話都唔敢攞出嚟撳，淨係揸住件自己件西裝褸冚實我濕咗嗰笪，因為我見老細合埋咗對眼小睡，應該係太攰，不過又係我偷𥄫老細嘅機會hehe。
坐咗個零鐘後先差唔多翻到屋企樓下，我隨即想係褲袋到攞定鎖匙。
但係我搵極都搵唔到條鎖匙......連我背囊都搵唔到........死，一定係漏咗係公司枱面！屋企又冇人，點算好.......
「到站~」司機阿全將七人車泊係路邊，開門俾我落車。
「老闆我....我漏咗條鎖匙係公司.....」
「吓？咁你屋企人？」
「佢地去咗旅行......」我e一刻尷尬都想跳出車。
「咁.......阿全，車我地翻我屋企先。」
『老細屋企？』