女神老細係我女朋友: 第二章

「先生e邊入去坐低等一等啊麻煩。」Reception遞翻封面試信俾我然後指一指公司後面。


我聽到佢係老細之後嚇到呆咗咁企係到，唔係真事啊，啱啱我係有機會係我老細前面做埋啲咁嘅嘢，死得啦e獲。


我跟住Reception嘅指示行咗入去，叫到有幾個應該都係嚟見工嘅人坐咗係到，我見仲有幾個先到我就企埋一邊，攞張紙巾抹一抹啲汗，廢事濕晒咁入去見人 。


間公司規模都幾大，我面前人來人往咁穿梭，大家都好似忙咁，唔遠處見到有間落咗百葉窗嘅房，透過玻璃門都叫到間房唔細，應該係黃小姐間房掛。我望望下，黃小姐忽然推開玻璃門行出嚟，佢真係好靚啊.......






佢撥一撥頭髮一抬頭望到我，我地又有多次眼神接觸，今次係確實咁感覺到佢望到我，我嚇又拎埋一面，唯有扮乜都睇唔到。


「下一位。」正當我尷尬到不得了嘅，我隔離嗰幾個原來一早見完走咗，我即刻起身執一執件衫轉身入去面試房。


希望佢唔認得我啦。我先唔想俾我可能嘅未來老細當咗我係變態。 我遞過我份CV同資料俾幾個面試官。






「張志明，23歲.....」面試官讀住我嘅資料咁自言自語。


面試好快就完咗，同樣都係叫我翻去等消息，不過今次感覺應該可以見得成，但係一方面又好驚個黃小姐做我老細，懷住矛盾嘅心情走出面試房。


「一陣同我遞晒所有...」我拉開道門就有啲嘢撞埋嚟，我都好似打斷咗入嚟個人要講嘅野。我回個神嚟望一望，死啦，又係黃小姐.....因為佢差唔多矮我半個頭，所以佢一撞埋嚟咁啱個額頭就就到我個嘴。一陣香味撲入我個鼻入面，係玫瑰加埋淡淡嘅洗頭水味，加埋仲相得益彰。






黃小姐同我同時退後一步 「啊...」黃小姐唔自然咁叫咗聲，仲跌埋佢部電話落地，我一見到咁嚇到即刻烏低身幫佢執起部電話。


「對唔住啊，等我嚟....」我即刻道歉，驚到連語氣都急速起嚟，尷尬嘅係佢都同時想執電話搞到我差啲又撞到佢個頭。我執起部電話，因為係IPhone個mon即刻著咗，係一張蠟筆小新嘅wallpaper，我忍唔住咁講咗句「小新？」仲忍唔住咁笑咗聲。黃小姐見到我睇到佢個wallpaper即刻接翻部手機翻嚟。


「下次小心啲。」黃小姐又係好冷淡咁講咗句，就同我擦肩而過咁入咗間房


e次大撚獲啦，又係黃小姐，點解今次見工咁黑仔㗎，佢會唔會同人事部唔洗考慮請我之類㗎請我㗎，我真係好需要e份工㗎，我唔想做無業遊民啊。唉，都係唔好諗咁多，翻屋企沖個靚涼先。坐巴士翻屋企嘅途中我一直都諗住黃小姐個樣「黃景霖，真係好靚女啊，如果佢係我....」諗諗吓就瞓著咗，到起身嗰下已經到站，直到瞓覺前都諗住，但係一諗到我今日做過啲嘢又覺得好尷尬，不過點都好，希望見得成啦。


第二日因為冇嘢做，我諗住可以一覺瞓到晏晝先起身，點知朝早十點就俾個電話噪醒咗。






「請問係咩張志明先生？我地係XX公司打嚟㗎。」一把女聲響起「我係啊，請問有咩事。」我盡力用精神啲嘅語氣去應佢，起碼唔好咁樣衰先啦。「我打嚟係通知你我地公司決定請你啊，你聽日就可以嚟翻工㗎啦。」我聽到E句成個人即刻醒晒「好，唔該晒你。」我盡力咁忍住唔叫出嚟。


「好，拜拜。」我一放低部手機即刻興奮到叫出嚟「yeah!!!!!!」終於見得成啦，可以日日都對住黃.......


我諗到e到窒咗一窒，點解會諗起黃小姐嘅？不過算啦，日日對住個靚女老細又何樂而不為呢？我即刻起身煮個早餐賀一賀佢。