一個香港留學生在美國的生活: 漁人碼頭

禮拜六一早我做完Gym，九點未夠已經見到Aaron企響我屋企樓下大堂等𨋢，「嘩，你有冇再早啲呀？我啱啱先workout完。」「約咗你條女吖嘛，更係早啲到啦！」「約咗十一點喎，依家九點未夠。」「咁我同Lisa講約咗你做Gym要早啲出嚟。」「我做完啦喎！」「屌！咁陪你食早餐得唔得？行啦！」「畀我沖個涼換件衫先啦！」 

我同Aaron去咗Sunset一間港式茶餐廳食早餐，嗰度好近Gigi屋企，我哋叫咗兩份腸仔蛋加奶茶，坐到差唔多十一點先走，去到Gigi屋企門口已經見到兩個女仔企響度「嘩，又唔同車，你有幾多架車㗎？」因為今日有四個人，架Boxster坐唔落，所以開咗架E出嚟，兩個女仔坐響後面，我同Aaron先自己介紹，跟著Gigi介紹佢朋友「呢個係我大學同學Susanne。」Susanna同Gigi一樣一睇就係港女Feel，一身名牌，五官唔算突出，唔算靚女但又唔討人厭嗰隻，只係人比較靜，Aaron就表現得非常熱情興奮「咁依家去邊？諗住晏晝食乜？」「問下坐後面兩位小姐啦！」Gigi好快就答：「不如去Fisherman’s Wharf？我嚟咗三藩市都未正式去過。」我望倒後鏡Susanne「你呢？有乜嘢想食？」「我都未去過，我都想試下食嗰度啲海鮮檔，聽朋友講好好食。」估唔到佢把聲勁嗲勁好聽，「咁我開車去，碼頭上面有好多食海鮮嘅餐廳。」  

Fisherman’s Wharf位於三藩市北面Marina District， Joe Aaron同我成日去，嗰度除咗係遊客區，仲有好多好正嘅餐廳，呢個時候我仲未知道Steward有間連Heather都唔知道嘅大屋響度，係Steward嘅私竇，小詠第一次畀Steward同Chris輪屌就係響呢間屋度。整個Fisherman’s Wharf有三個大Block，由Pier39一直申延到Ghirardelli Square，主大街係Jefferson Street，大街兩傍全部係賣遊客紀念品，餐廳，仲有一間非常出名嘅臘像館而碼頭傍邊就有間水族館，平時我同Aaron嚟係食好嘢，根本唔會浪費錢同時間玩呢啲呃遊客嘅玩意，不過今日陪兩位小姐，結果除咗坐船出海睇鯨魚之外，其他可以玩嘅嘢差唔多玩晒，單係行臘像館已經用咗兩粒鐘，水族館就更耐，中途又Shopping又食路邊攤海鮮檔，到夜晚食飯時候已經八點幾，Aaron：「咁夜去邊度食呀？」「你地餓唔餓？」我問Gigi同Susanne，「頭先一路玩一路食，其實又唔係太餓，食少少嘢就夠。」「差不多九點，大部分餐廳都閂門，一係去Chinatown食，有好多間閂夜。」Aaron:「咁不如去食粥，Broadway嗰間。」「呢個鐘數可能仲要排隊，咁快啲行啦。」 

呢間港式粥品店係越夜越多人，我地去到已經九點，外邊仲有十二三人企響度等枱，好彩翻枱快，等咗十分鐘就有枱坐，餐廳最出名係豬潤粥同腸粉，至於環境就唔算好，除咗地方又窄又細，其實都幾污糟，尤其個廁所，去完之後你肯定乜胃口都冇哂。到咗埋單嘅時候，Aaron終於問佢想問咗好耐嘅問題：「食完飯啦，今晚點？要唔要搵個地方繼續，例如去John屋企？」