一個香港留學生在美國的生活: 介紹

禮拜日晚同Heather食完間Country French 之後，第二日一早八點Neiman Marcus就送貨上門，收咗貨我先出門口返Office。返到Office未夠九點Joe已經開緊工，自從Joyce跟佬走之後佢成個人變晒，除咗湊女之外就係瘋狂工作，從好嘅一面睇，佢成個人成熟穩重咗，唔係好似以前咁吊兒郎當花花公子，咁話晒佢都已經做咗人父，萬事都以個女優先。我同佢打咗個招呼就入自己Office做嘢，今日Aaron要出嚟三藩市開會，順便約我食晏。 

中午十二點，「Joe，我約咗Aaron，要唔要一齊食？」「唔啦，做多陣，一點約咗Architect傾埋啲手尾，你地慢慢食，呀，下個禮拜我同屋企人去Hawaii，一月初先返，Office得你睇住，年尾應該比較清閑，有事打畀我。」「得啦，我攪得掂，你同Haley玩得開心啲。」  

我約咗Aaron食潮州嘢，就響公司附近Irving街，嗰頭好多中餐廳同雜貨店，中午呢嗰時間最難搵位泊車，最兜咗幾個圈先搵到位泊，結果遲到，Aaron已經食緊，佢叫咗碗紫菜墨魚丸米，鵝片加多碟油菜，「你啱啱放監？一個人叫咁多嘢，食死你呀！」「你遲到，又唔使我埋單，梗係有咁多叫咁多啦！坐啦，食乜嘢啊」「伙記，一碗沙茶牛肉麵唔該。」點完鬆，我就夾咗條菜食，Aaron好八卦咁問「喂，禮拜六晚你有冇返屋企瞓」「關你叉事，你嗰晚唔係有約咩？」「唔好提啦，畀條女放飛機！」「又唔係第一次，你冇放過人飛機咩？」「說話就唔係咁講啦，我係見到條女貨不對辦，成件豬扒咁，我先至唔出現，以我嘅條件，冇理由啲女見到我會放飛機㗎 ！」「你會唔會有啲太過自戀？」「唔好講我啦，講返你星期六晚去咗邊？」「有冇去邊啫，我同你一樣去咗搵食囉，不過俾你好彩，俾我搵返件好嘅！」「咦？咁正？快啲講嚟聽吓！」  

於是我就將禮拜六嗰晚發生嘅事好簡單咁話俾Aaron知，由點樣響Craigslist約會到食飯開房，Aaron聽完之後好似打咗雞血咁，好興奮咁追問我「喂，咁條女仲有冇聯絡你呀？」「暫時仲未有，不過我仲有佢Email。」「咁介紹俾我啦，好嘢唔好獨食啊！」「等我Email問下佢先啦！」  

食完晏Aaron要趕返落South Bay，我響附近行咗陣，買咗波霸奶茶先返公司，返到去Joe已經走咗，年尾公司工作比較清閑，我做到多一陣嘢就打算返屋企，呢個時候電話響起「Hello John，收到你Email，你嗰乜朋友嘢㗎？」我啱啱Email咗Gigi話再約出嘢順便介紹個靚仔畀佢認識，估唔佢咁快就直接Call我，「Hello John，收到你Email，你朋友係乜嘢人呀？」「你唔係想識多啲朋友咩？我朋友高大靚仔，你見到就知我冇呃你。」「我Weekday要返學喎，禮拜六先得閒。」「就約你禮拜六啦。」「咁要你接我，我唔揸車，你知㗎。」「咁禮拜六朝早接你，我帶埋我朋友，你另外個朋友有興趣可以一齊玩。」「好，等我問下，佢肯出嚟要收錢㗎！」「知道啦！五舊吖嘛！」「係我朋友三舊我收兩舊！」