一個香港留學生在美國的生活: 講價

「無啦啦做乜上我屋企？唔好卦，不如去其他地方玩，唱K都可以，上我度唔方便。」「你一個人住，請問你可以有幾唔方便？」「你個衰仔唔洗返屋企咩？玩到咁夜。」「我同屋企講咗今晚響你度瞓。」Aaron由始至終都冇畀兩個女仔知道佢結咗婚有老婆，咁話哂我同Aaron都係廿四歲，又點會估到條大滾友會咁早結婚！正當我同Aaron嘈緊，Gigi就話「喂吖，我哋幾時話過去你屋企先？」Aaron：「吓？我哋唔係講好㗎咩？」「不如等我同Gigi佢哋商量下先。」「咁我去廁所，你埋單。」  

我埋咗單之後響門口等Aaron，我同Gigi Susanne講「如果你想返屋企我可以車你，你哋決定咗話我知，唔洗理Aaron。」「等我同Susanne商量下先。」兩個女行埋一邊細細聲咁傾，不過嗰樣有講有笑，我估佢哋係有興趣今晚繼續，好快Gigi就返嚟同我講：「我同Susanne今晚可以陪你哋，不過除咗今朝你畀我同Susanne嘅五百之外，我哋另外再加每人五百，仲有，我哋要去睇你間屋。」「每人加五百唔係問題，不過點解一定要上我屋企？唔方便呀！咁去你度得唔得？你咪又係唔方便！」「唔得就算，我哋返屋企。」「你可唔可以話我知點解一定要去我屋企？最多我訂間五星酒店房，好過去我度啦！」「我就係想去睇下你住間屋。」呢個時候Aaron啱啱行過嚟，「點呀，傾成點？」Gigi：「我哋要去睇下John間豪宅，佢唔肯，咁我哋咪返屋企囉！」「哦，咁簡單啦，去咪得囉！」「喂，有冇攪錯呀！」我未講完Aaron就拉我埋一邊，「上你屋有乜所謂姐，唔係有得玩你唔玩呀？」「唔係免費㗎，每人五百。」「我同你一人五百，我冇所謂！」「你更係冇所！玩呢啲女，點可以帶返屋企？」「一次半次，冇所謂啦！」  

Gigi同Susanne行過嚟「點呀，唔去就返屋企啦，成十點幾啦！」Aaron即刻話「得啦得啦，John冇問㗎啦，攞車啦！」我好無奈咁望住Aaron，不過條友完全無視我嘅眼神，自己走去同Gigi Susanne有傾有講咁行咗去。  

架車停響Vallejo停車場，由粥舖行去五分鐘左右，Aaron三個行響我前面，我就響後面跟著，見我唔再反對，Aaron知道今晚有戲，開始放胆咁撩Gigi同Susanne，有機會仲會郁手抽下水。今朝早接咗兩個女仔之後，Aaron已經同我講過佢對Gigi有興趣，去到停車場攞車，Aaron直接同Gigi坐咗響後座，Aaron：「你屋企有冇嘢飲有冇嘢食㗎，冇就去附近Supermarket入貨。」「咁夜要搵下邊間開廿四小時，等我搵下。」開車兜咗陣先發覺原來屋企隔兩個街口間Safeway係通宵營業，我哋買咗啤酒零食，Aaron趁Gigi同Susanne睇唔到，順手𢴇多盒Condom先去畀錢。