一個香港留學生在美國的生活: 表白

我一睇，竟然係Joey打嚟！佢應該同Aaron睇戲，十一點先啱啱散場，唔通仲想叫我去飲嘢？「Hello，Joey?」「阿偉你未瞓？」「就瞓啦！你地唔係去睇戲咩？咁早完？」「啱啱完場，我同Aaron講我有啲攰想返屋企，咁我咪走先囉！我依家響你屋企樓下，我可以上嚟嗎？」「吓？你講笑呀？半夜三更你做乜唔返屋企呀？咁夜唔係好方便喎！」我畀佢嚇到O晒咀！「我都唔怕你一個男人怕乜？我依家上嚟，你開門啦！」跟著佢已經收咗線！ 

唔洗三分鐘，Joey已經企響我門口：「我都嚟到門口，你唔係唔畀我入嚟呀？」我沖完涼著住T-Shirt孖煙通，真係好尷尬，硬住頭皮只好畀Joey入嚟！  

Joey唔係第一次上嚟，早幾個禮拜佢同Aaron一齊上嚟食過飯，不過嗰次仲有阿君同小敏，而今次係半夜三更仲要孤男寡女真係第一次，唔洗估都知今晚實出事！  

Joey行咗去客廳度，一句聲都冇出，只係低頭望住地下，我唯有走過去問佢要唔要嘢飲！點知Joey突然撲埋嚟攬住我：「阿偉，我知道你有女朋友，不過我唔係要做你女朋友，唔係要搶走你，我只係想係你一人嘅時候同你一齊，我唔需要名份，可以嗎？」「你知唔知你講緊乜？」「我知道，我好Cheap，我依家淨係想同你一齊，我需要男人，我需要你，今晚你可以同我做愛嗎？」Joey一嘢咀過嚟，我本能反應將佢推開，係嘅，我依家進入聖人Mode，我知我唔可以接受Joey，就算一夜情都唔可以！「Aaron呢？Aaron佢都對你有意思！」「我知道，Aaron只係想揾SP，我都係，但係我今晚想你做我SP，其實今晚係Aaron叫我揾你，佢知我心入面想揾你！你知佢知我都知，點解唔畀個機會自己？」死仔Aaron，我心入面將可以用嘅粗口全部用哂嚟鬧佢，擺明玩野，我依家應該點做？我做咗一個所有人都唔相信嘅決定！我用力將Joey抱住，跟著同佢講：「Joey，我明白你嘅心意，不過我真係冇咁嘅心理準備，我接受唔到，我聽日會飛溫哥華一個禮拜，不如大家冷靜下，返嚟再傾？或者你會後悔改變主意？」我推咗一念愕然嘅Joey去門口，響佢額頭輕輕𡃶咗一下：「唔好亂諗嘢啦！Good Night！」跟著關埋門熄燈入房！  

Joey冇再打畀我又或者拍門，可能我做得太過份Hurt佢Feeling，不過當時嘅我真係覺得唔可以再做出對小詠不忠嘅嘢，第二朝早Aaron打嚟當然畀佢串仲畀佢鬧到死啦！後來我先知道原來Joey嗰晚打算將佢嘅初夜畀我，其實諗返轉頭，好彩冇扑到佢，食人隻豬手尾可以好長，結果就係益咗Aaron，嗰晚之後唔夠一個禮拜，佢就扑咗Joey，件事只有我地三個知道，Joey後來都當無件事，照舊學琴，不過我就改咗借用學校課室上堂，我同Joey維持呢種曖昧朋友關係直至一年幾之後我同小詠關係出問題…