我倆的緣份，於半世紀前已經開始: 我嘅狀元男朋友

放榜到啦，媽咪陪我返學校睇成績

我好似甩牌咁甩

「5…5…5…」

結果…我有兩個5**，係英文同eng lit，history就5*

我立即開心到彈起





而哥哥果邊呢?

我同媽咪一入皇仁就發現好多人圍住哥哥(唔係俾人打果隻呀)

我跑去佢身邊，佢其他同學好識做咁散開，點知…佢身邊唔止契爺契媽佢地一家人仲有皇仁嘅校長

「哥哥你考成點呀?」

「妳呢?」





「兩個5**，一個5*」

「噢~」

「咁你呢?」

「呢到咁多人，妳估唔到呀?」

「估唔到!!」我一手搶左佢份成績通知書黎睇





[中文5**，英文5**，數學5**，Phy5**，Chem5**，Bio5**]

我望一望佢，哥哥…佢做左狀元?佢對我點一點頭

我唔理自己著住校服，好開心咁攬住佢

我嫁得出啦!!!我嫁得出啦!!

結果第二日報紙頭版係[皇仁狀元及真光狀元互相擁抱慶祝dse放榜]

話之你啦!!!!畢左業啦!!我理得你!!我就係要話俾人聽，呢個係我男朋友!!

婆婆同媽咪做事的確快手，轉眼間，我地好多人已經係機場

「媽咪呀…..媽咪…」





「傻女，喊咩呢?妳都話等阿熙退休就過黎丫嘛」

「媽咪呀…我真係好唔捨得妳呀…」

「傻女，妳家姐一家人都已經係果邊，我去只不過係佢地附近一齊住，阿熙!」

「係!阿媽!」

「你好好照顧詩敏同慧思知唔知呀?」

「知啦媽」

「你真係好叻仔，所以我先係詩敏14歲果時將佢交俾你」





「我會好好照顧佢地兩個」

「堅強D，唔好喊，就升阿一啦你，當年你成日走上黎裝女仔都敢，而家唔敢照顧好佢兩個咩?」

「我知啦媽」

「雪凝」

「奶奶!」

「我唔係妳地身邊，妳都要照顧自己啦」

「嗯…我會架啦」

「唔好喊啦傻女，反正我出年都要返一返黎兩個月啦係唔係?」





「咁唔好要奶奶妳為左小敏同浩揚飛返黎兩次啦」

「雪凝妳呀，可能好快做麻麻添呀」

「我叫佢地生左唔好俾我湊，費事煩」

「呵呵，送佢過黎俾我湊囉，反正佢地四個申請緊過黎」

「嗯，奶奶妳要小心身邊呀」

「唏!有咩事咪搵妳爸爸囉」

「佢係果邊冇牌啦，點得呢」





「雪晴呀」

「係!契媽!」

「妳係咪要係俾夠野兩個女架啦」

「夠啦，佢地果邊讀碩士，有大姑奶同ba b幫我照顧住佢地，冇問題啦」

「Ivana同Joanne同妳傾禮金未呀?」

「傾咩丫，只要我兩個女開心就得」

「慧思，浩翹」

冇錯，婆婆係退休兩年後，正式移民過澳洲雪梨。不過佢又會好快返黎啦，加移民監都冇問題，點解?

大家姐同浩揚哥哥結婚啦，我會連續做兩次伴娘。佢地兩個都準備申請技術移民

我同哥哥呢?我入讀左hku，讀Eng lit同history，而哥哥呢?佢5**狀元喎，佢成功入左MBBS