我倆的緣份，於半世紀前已經開始: 但要走，總要飛

「婆婆呀…..」我第一次喊到收唔到聲

「傻女，唔好喊，婆婆會係澳洲等妳同浩翹過黎」

「我好唔捨得妳呀….」

「所以浩翹咪會照顧妳囉，乖乖地，等浩翹畢業就過黎陪婆婆知唔知?」

「嗯…」





「浩翹」

「係!婆婆」

「我得慧思一粒孫女，你同我好好咁照顧佢知唔知?」

「知道婆婆」

「你地除左對頸鍊丫」





「點…點解呀婆婆?」

「我會將佢地永遠合埋返，放係我自己到，至於妳地呢…」

婆婆拎出左兩條頸鍊，同樣係梅比斯之環

「呢兩條，先係屬於妳地嘅，知唔知?」

「多謝婆婆」





我攬到婆婆實一實，我好唔想佢移民，我唔想成日見唔到婆婆

不過但要走，總要飛

「奶奶，呢到….係老爺同大奶奶嘅骨灰….」

婆婆係契媽手上接過骨灰(真係有保鮮袋呀喂!)

「Tony…Sally…..」

「麻煩哂啦奶奶，老爺遺願….拜託妳啦」

「傻妹，我應該做嘅」

「阿風….佢已經係飛機上準備好」





「我知，佢專登申請調呢班機」

「一路順風呀奶奶，settle左就通知我地」

「我會」

終於，婆婆係好多淚水之下，登上左契爺果班機，直飛雪梨

一年後，婆婆返黎睇住大家姐出嫁、浩揚哥哥娶家琪姐姐

當日新郎所受嘅苦，佢地一世都唔會忘記

婆婆返澳洲果時，帶埋佢地兩對新人一齊返過去





我大學畢業果一年daddy正式退休，當時佢官階，係入境處處長。本來政府安排佢入保安局，但係佢為左陪媽咪而拒絕左。同年，契媽退休連同媽咪申請提早退休，一時間英華女校冇左兩個副校長

契爺亦都係當日，即係帶契媽同daddy媽咪，雪晴姨姨同翀契爺兩個去澳洲後，正式離開服務多年嘅航空公司，轉任澳航陪訓機長同考核機長

果一程機我同哥哥都係座上客

一落機去到婆婆屋企就非常熱鬧。大家姐嘅一對仔女，同埋浩揚哥哥個仔係花園狂奔。

柏瑩姐姐同柏玲姐姐嘅小朋友就係雪晴姨姨手上，左一個右一個

我同哥哥呢?

係我大學畢業之後，我獨自一個去雪梨大學讀Master，

然後申請485留低，而哥哥就係year6之後，入左東區醫院，呢間香港急症科首屈一指嘅醫院到做醫生(我地Long d左幾年)





係我讀PhD期間，我地咁多人一齊返到香港一排，原因?