我倆的緣份，於半世紀前已經開始: 兩隻公雞出現

「校長，其實我地咁多年黎呢，一直好想做一件事」

「係咩呢?」

「除左台上一大班師姐之外，我地發現，原來冇人見過校長妳先生」

「有咩好見，咪又係阿伯一個，頭又白又甩頭髮又大肚腩」

「唔係喎校長，Miss Cheung話佢daddy好有型架喎」





「係呀，短跑冠軍添，50年前丫嘛」

「咁請問，公雞今日在唔在場呢?」

「我退休佢試下唔出現?」的確，如果公公唔出現，佢犯嘅唔止係死罪，仲會株連到daddy

「咁Miss Cheung妳先生呢?」

「佢試下唔黎?」果然係兩母女…





「咁校長可以請妳先生上台講兩句嘛?」

「有咩好睇呢?慧思，叫妳公公上黎」其實唔洗我落去，daddy已經陪住公公上台

公公不愧見得多大場面，佢一d都唔怯場

「各位，我就係孔校長嘅先生，大家都認得我架啦.....前入境處副處長...拿拿拿...唔好搵野扔我呀，所有事都唔關我事架，我…第一次露面，就係我太太退休典禮」

媽咪係佢後邊恥笑緊佢





「多謝大家一直對我太太嘅支持，我第一次見到佢，佢就係著住呢套校服，距離今日，差唔多半世紀。佢真係一個女強人，我仲好記得佢教我讀書果陣，真係不停咁鞭策我(媽咪係佢身後用皮鞭鞭緊daddy)。

佢…真係好堅強，去到第三次果陣，我已經話我唔介意有冇小朋友，但係佢為左要有一個完整嘅屋企，冒險生左我地個獨生女出黎，我真係好多謝佢…雖然我個女真係好勺蠻、霸道(媽咪雙眼碌大中)，

不過呢d都係我寵到個女咁嘅，大家唔好怪校長，要怪就怪我啦，不過唔緊要，反正有人可以將佢收服到，果陣我都好驚訝，邊個傻仔會睇中我個勺蠻女，果個一定係傻嘅，結果個傻嘅仲做埋我下屬。點都好，我太太今日退休，我會好好咁照顧佢退休後嘅生活，多謝大家」

台下傳出熱烈掌聲，不過公公仲有野講

「之後就到我個勺蠻女繼續佢媽咪嘅政策，大家可以繼續享受」

「呀…公雞呀，你可唔可以呢….係到錫下校長呀?我地想見下校長溫柔嘅一面呢」

媽咪係後邊笑得好興奮，佢可能忘記左，公公都有遺傳DNA俾佢

「剩係我一個好似單調左D喎，我仲有個女同新抱係台上喎」





媽咪同契媽聽到公公咁樣講，個樣立即變左(媽咪，妳都有今日啦)

終於，公公係大家歡呼之下，錫左婆婆塊面一下

至於另外果兩對呢?契爺好快錫左錫媽一下，佢地係英華公認嘅童話故事主角，所以佢地慣左，daddy同媽咪果邊嘛…

「李健熙!!!你錫定唔錫!!!」

「唔…唔好啦」

「你試下!?今晚你唔好入房瞓!!!」

佢地兩個仍然係一對冤家咁，不過daddy都係錫左媽咪一下





大團圓結局，大家終於睇到咁耐都想睇嘅野

最後我地幾家人黎左張大合照，同時婆婆亦都宣佈下一任校長人選

佢都係婆婆以前嘅學生，佢就係我而家真光嘅校長，來年佢會接替婆婆成為英華女校校長

一大班學生同舊生係校門送別婆婆，daddy將部車駛離英華，婆婆正式退休啦

由F.1入讀英華認識老契媽，到F.6遇上老契爺，到畢業後返黎教書。

三個契媽、媽咪、姨姨三個家姐同家琪姐姐入學，仲有女校男生。由普通教師升做訓導主任，晉升副校長同校長，婆婆將畢生心血放左係英華之中，到今日，輪到佢放低重擔啦。



















​星期六同日(兩篇)就大結局啦!!!!!