我倆的緣份，於半世紀前已經開始: 再一次穿上英華校服嘅我

銀幕中show出左我張著英華校服嘅學生相(套校服係媽咪架，死孤寒種!!)

其實當初媽咪係幫我揀返英華女校，我知道之後發哂脾氣，真係成個月唔睬佢，最後我真係派到英華，係我註冊左之後，我就嬲爆爆咁返屋企，關埋門鎖住自己。
當daddy見到咁之後，佢就打電話返真光，問下中學部有冇學位收返我，點知真係有個同學註冊後要移民，所以當日daddy立即車我去英華拎返張註冊證，再返真光註冊，成個過程只係用左幾日，好彩我註冊果日發脾氣，唔肯去度新校服。今日係婆婆退休大日子，我為左實現佢願望，再一次著起英華女校嘅校服，而且我著緊呢件校服，係一件好特別嘅校服

「大家好，我叫李慧思，Charlotte Li，我係6年前升F.1果陣，做過幾日英華學生，我亦係今年香港真光中學畢業生，同時，我亦係張詩敏老師嘅獨生女，孔美玲校長嘅孫女。

多謝婆婆咁多年黎好細心咁照顧我，每一次我去妳屋企果時，妳都好細心叫我乖乖地飲湯。妳係屋企時同係學校時嘅形象係完全唔同，我細細個跟媽咪返黎玩果時，妳係學校嘅形象係非常威嚴，但係屋企，妳就會變返一個慈祥嘅婆婆。我一直知道，妳好想我跟隨住媽咪嘅步伐，係呢到畢業，但係妳又怕我會一直留係媽咪嘅保護傘入邊唔識長大，所以妳就由得我自己行自己嘅路。

雖然我去到真光之後，破壞力同媽咪一樣，又係經常著住旗袍起飛腳，上堂食薯片，又楝高隻腳上堂等等，但係妳知道我係中學生涯非常開心，妳冇強迫我努力讀書，妳教我做人要正正直直，唔好作奸犯科。





係我16歲果時，媽咪將老契爺送俾妳條頸鍊交左俾我，係一個機會之下，我搵到頸鍊另一半嘅主人。婆婆，我幫妳同媽咪完成左個心願，我將條頸鍊合返埋一齊啦。

今日妳終於要退休，妳可以每日係屋企陪公公一齊做鍾意做嘅事，我知道妳一直唔移民嘅原因，係唔放心我呢個孫女，但係婆婆，如果妳願意嘅話，可唔可以帶埋我過澳洲?我會好似媽咪咁樣，一世係婆婆妳身邊照顧妳，婆婆，祝妳退休生活快樂」

婆婆由Winnie佢地扶上台上，準備同佢影呢張，佢一直好想影嘅相

婆婆望一望我套校服，佢摸一摸上手，就立即認得

「慧思….呢套校服…唔係妳媽咪架喎…唔係雪凝同雪晴…唔係妳D家姐嘅…妳係邊到得返黎架…個款冇變…但係D料…係我果個年代嘅料」





契媽走埋我身邊幫我同婆婆解釋

「奶奶，呢件校服，我係屋企搵出黎，呢件係…」

婆婆摸住件校服流住眼淚講

「係Sally…係我送俾佢件校服…慧思…妳著到Sally件校服黎陪婆婆…」

「婆婆，如果當年妳冇爭輸，就唔會有我同媽咪出現，所以…」





「傻女…妳比雪凝，更加似Sally…睇黎…妳真係程家嘅新抱」

「哥哥話過…佢一畢業就會娶我同我結婚，只係婆婆妳想我地跟妳去澳洲定係留係香港」

「呢d到時再算，婆婆真係好開心，妳地個個都咁錫我」

「呢d係我地應份架嘛」

婆婆就係同佢有親戚關係嘅學生陪伴下，影左張大合照，而其他雄性生物呢?仲未完