我倆的緣份，於半世紀前已經開始: 感情爆燈嘅媽咪

媽咪再靜一靜

「我係第一日返學，就持住自己係小恐怖雞，完全不修邊幅咁返學，如果唔係Jessie、Ivana同Joanne後邊果三個姐姐幫我，我可能第一日返學就俾妳省到立立令。

我係F.1果年真係好曳，目無尊長、一個人係球場毫不俾面咁樣將成班籃球隊師姐面前落佢地面，持住妳係我媽咪，係學校橫行無忌，差D係學校入邊開埋堂口。

不過終於有一次，我激嬲左妳，俾妳趕出家門，一個月冇任何零用錢，如果唔係哥哥同家姐收留我，我真係唔知可以去邊。不過我知道，妳係果個月真係好擔心我，每日都會去1A班偷偷睇下我，每日都打去hku student hall俾家姐，問我過成點，就係我返屋企之後，我就決定要做返個乖乖女。

妳完全唔會阻我興趣，俾我自己發展，俾我跟哥哥去打籃球，就係咁樣，我先可以識到哥哥同班同學，即係我而家嘅老公。當妳知道我F.3同佢拍拖果時，妳非常緊張，仲走去佢地學校親自審問我老公，好彩佢做到哂妳所有嘅要求，妳先俾我地來往。





我仲記得，當日佢係入境處學堂畢業果日，妳同daddy同我地影左一幅全家幅，呢一張係我地一家四口嘅第一張相，我著住校服，daddy同我老公著住同一套制服，相中嘅妳笑得好開心，到我出嫁果日，我第一次見到妳開心到喊嘅樣，我知道妳到今日仲好緊張我，因為我係妳眼中仍然同一個細路女冇分別，一樣咁鍾意搞事，一樣係蝦緊自己老公，就係因為咁樣，我先更加疼錫媽咪。

就算到我囡囡出世之後，妳對我嘅愛依然冇減少，妳教我要點樣先做到一個稱職嘅媽咪。

媽咪，多謝妳，今日妳退休啦，妳可以同daddy一齊休息下，一齊享福。

我知道媽咪妳一直好想退休後帶埋契爺契媽去澳洲生活…….如果妳決定要移民過去嘅話…..」

大家都靜待媽咪點講





「我會同雪凝姐姐一齊辭職，幾家人陪妳一齊過澳洲生活。咁多年黎妳照顧左我地好耐，係時間到我地幾個照顧返妳啦」

媽咪講完之後，掌聲雷動，好多人都係俾媽咪感動到，不過應該有人係喜極而泣，呢條大白鯊終於肯游走啦!!!

Mc再一次恭喜婆婆退休之喜，當佢準備上台同佢一班學生影相之時，婆婆先發現長椅上仲有個位

「唔?點解仲有個位係到?」

「呀…校長，我地其實仲有一個同學未出黎多謝妳，佢真係特別嘉賓」





「有咩?同我有親戚關係嘅學生係哂到啦」

「仲有一個，呢位同學，係6年前，曾經係我地學校註冊過，不過佢註冊完之後就轉左校」

「竟然放棄我地學位而轉校?咁奇怪?」

「係呀校長，因為佢轉校關係，連帶埋另一位同學，由英皇轉左過皇仁，有請我地6年前做過幾日英華學生嘅舊同學」

侏羅紀公園音樂慢慢播出