我倆的緣份，於半世紀前已經開始: 女校男生，賭神機長

「大家好，我係英華女校最後一名女校男生，亦係校長嘅契仔，林雪凝老師嘅先生，程逸風」

契爺後片出場時，掌聲同歡呼聲不絕

「點解我要拍片而唔係坐上台呢，其實我都好想上去一齊坐低架，不過契媽妳知啦，我一坐左上去呢，就會搶哂大家鏡，
咁妳個女同我老婆一定會不滿架啦，為左我同妳女婿嘅安全，我決定拍一條片送俾契媽妳，不過我今日在場架，我專登唔飛英國留低參加妳退休典禮架」

「其實我今日可以坐係飛機駕駛倉左邊，全賴有契媽妳嘅支持。我同家姐細細個冇左父母，原本妳可以選擇唔理我地兩姊弟，一心一意照顧詩敏，但係妳冇咁做，妳選擇成為我地嘅監護人。家姐冇令妳失望，佢好快升到HKU，然後first hon畢業，加入我地公司做空姐，識到姐夫仲嫁埋俾佢，創造左世界第八大奇觀」

「但係我呢?細個就非常反斗，升左去寶馬山果到，係山上同人打架、入社團，每日返到屋企都係流哂血、出入警署同醫院當食生菜，當時妳經常黎警署保釋我，直到我F.2果年，媽媽因為腦癌都走埋，我先識定性，而妳都答應媽媽，會好好照顧我。係我F.3果年，妳同反黑組一齊幫我搞轉校，我先可以安安定定讀書。如果唔係妳呢個安排，我就識唔到妳女婿同埋我姨仔個老公，所以唔該妳地兩個多謝下我。」





契爺真係無時無刻都要搞下氣氛先開心，但係佢又令到大家好開心

「當我F.4暑假同妳講，我想幫媽媽完成佢係英華升大學嘅遺願之後，妳嚇到企左係到，因為呢一個係不可能的任務，而我當年都向時任校長挑戰，我爸爸當年9A入讀，我就要挑戰佢全A成績。果陣我都以為自己做唔到，不過妳知道我嘅決心之後，經常拎學校嘅卷俾我做，拎Notes俾我參考，又送個女黎折磨我，咩天將降大任於斯人也，切先磨其筋骨，勞其心智，結果我幫詩敏做足兩年功課，係兩年呀!!!契媽，佢仲食哂我屋企d零食，霸哂我d位黎放d BL漫畫呀，妳個女老點我去幫佢買男同志漫畫呀!!!!」
契爺咁樣講，係後台嘅媽咪塊面紅哂，原來媽咪係會睇BL漫畫

「到我會考放榜果日，我成功以8A考到入黎讀書，令我重遇到雪凝。係我地大學畢業之後，我選擇做飛機師，去澳洲受訓。到我返到香港結婚果時，妳以主家身份為我主持婚禮。我經常左飛右飛，完全冇時間照顧雪凝，妳就代替我，幫我照顧屋企。到我同雪凝有小朋友，仲要係三個咁多，妳亦都幫我地教育佢地。今日契媽妳終於退休，可以休息下享福，如果妳個女唔俾麻煩妳嘅話。我亦都會遵守住我同爸爸嘅承諾，俾妳一家人坐住我所駕駛嘅飛機，送妳地去澳洲生活。契媽，希望妳可以幫我完成埋爸爸嘅願望。祝妳退休生活愉快。喂老婆!!!食左飯未呀喂?(契爺不停係到敲個鏡頭)」

連契爺都出左場，下一個一定係媽咪啦?





慢慢，媽咪係佢專用音樂下，步上台上，果首音樂係，大白鯊