我倆的緣份，於半世紀前已經開始: 踢爆媽咪d情史

「幸福嘛….佢地兩公婆都冇咩享福….佢地生左一對仔女。不過好不幸，係仔仔9歲果年，Tony因為急性白血病離開左我地，到仔仔14歲果年，Sally因為腦癌離開埋我地，於是我就負起契媽責任，照顧埋佢地兩姊弟」

「咁校長妳辛唔辛苦呢?妳自己都有個咁….呀…可…可愛又活躍嘅囡囡」(個MC唔知見唔見到聽日嘅日出呢?)

「呵呵，我辛苦D都冇所謂。因為果對係我好朋友嘅仔女」

「校長，又有傳聞，妳好辛苦、冒住生命危險生到Miss Cheung，請問係唔係呢?」

「呵，當年係架，我生Jasmine之前，我流過三次產」





「三…三次?」

「係呀，不過我仍然繼續嘗試」

「點解會咁諗呢校長?」

「因為，我認為啦，一個有小朋友嘅家庭，先係最完美」

「咁仲有冇其他原因呢?例如想將自己個囡囡嫁俾人」





「哦，呢d野呢，就佢地自己後生仔女決定，雖然!我個女好細個就話想嫁俾Sally姨姨個仔，由佢….K2開始」

在場所有人立即同時望住媽咪，大家都係到恥笑佢

「Miss Cheung!!!係咪真架!!!!!」

「媽咪妳講出黎做咩呀!!!!」

「怕咩丫，妳F.3果年都搞到全校都知啦」





「而家唔同丫嘛!!!」

「係係係…Miss Cheung唔好怕羞….不過…妳先生唔係姓程架喎」

「妳!!!罰抄校規10次!!!」

「唔好理佢，我地繼續」

「知道校長」

「咁校長，妳覺得自己多左對仔女，會唔會好辛苦呢?」

「咁就當然辛苦啦，好彩個家姐果時乖乖地，係聖嘉肋好快升HKU，至於個細佬嘛，佢就犀利囉…..係寶馬山同人打架打到要我地幫佢轉校，然後乖乖地讀書」

「咁佢成績點樣呀?」





「點樣?佢真係一個奇蹟黎，佢會考拎到8A」

聽到婆婆咁講，大家都不停拍手掌

「我個契女真係幾生性，去做空姐，然後嫁左俾個機師」

「咁契仔…即係Miss Cheung個夢中情人呢?」

「佢呀?佢最後都升大學，做左飛機師」

「咁嫁到俾佢就真係好幸福喎」

「幾啦幾啦」





「咁校長我又想問下，妳教書同管理學校生涯之中，有冇D師姐係令妳好有深刻印象呢?」

「我個女咪係囉，呀..睇睇啦」

大家望住個screen

「有冇同學好似我個女咁著住旗袍係到起飛腳丫?」(老實講，除左我之外，真係冇第二個)

當時媽咪開始搵窿捐